Breaking: ଘର ବାରଣ୍ଡାକୁ ମାଡ଼ିଗଲା ହାଇୱା, ବର୍ତ୍ତିଗଲେ ପରିବାର

ଆସିକା: ସକାଳୁ ସକାଳୁ ଗଞ୍ଜାମ ଆସିକାରୁ ଏକ ବଡ଼ ଖବର ସାମ୍ନାକୁ ଆସିଛି। ଘର ବାରଣ୍ଡାକୁ ଏକ ହାଇୱା ମାଡ଼ିଯାଇଛି। ଏଥିରେ ପରିବାର ଲୋକେ ବର୍ତ୍ତି ଯାଇଥିବା ଜଣାପଡିଛି।

ସୂଚାନୁଯାୟୀ, ସୁନାମ୍ବସାହିରେ ଜଣଙ୍କ ଘରକୁ ବାଲି ବୋଝେଇ ହାଇୱା ମାଡ଼ିଯାଇଛି। ମଙ୍ଗଳପୁର ଘାଟିରୁ ବାଲି ନେଇ ଆସୁଥିବା ବେଳେ ଏହି ଦୁର୍ଘଟଣା ଘଟିଛି।

ଘଟଣାସ୍ଥଳରେ ୨ ହାଇୱାକୁ ଅଟକ ରଖି ଲୋକେ ପୋଲିସର ଜିମା ଦେଇଛନ୍ତି। ଆସିକା ଏନ୍‌ଏସିର ସୁନାମ୍ବ ରଥ ଦାଣ୍ଡସାହି ନୃସିଂହ ମନ୍ଦିର ନିକଟରେ ମଙ୍ଗଳବାର ଭୋର ୫ଟା ସମୟରେ ଏକ ବାଲି ବୋଝେଇ ହାଇୱା ରାସ୍ତାକଡରେ ଥିବା ଏକ ଘର ଉପରକୁ ମାଡି ଯାଇଛି।

ତେବେ ଏହି ଦୁର୍ଘଟଣାରେ ସେହି ଘରର ବାରଣ୍ଡା ଓ ପାଇପ ଲାଇନ ଭାଙ୍ଗି ନଷ୍ଟ ହୋଇଥିବାବେଳେ ଘରେ ରହୁଥିବା ପରିବାର ଅଳ୍ପକେ ବର୍ତ୍ତି ଯାଇଛନ୍ତି।