‘ମୁଁ ଭଗବାନଙ୍କୁ ଭେଟିବାକୁ ଚାହୁଁଛି, ତେଣୁ…’, ଭଗବାନଙ୍କୁ ଭେଟିବା ପାଇଁ ମହିଳା ନେଲେ ଏଭଳି ପଦକ୍ଷେପ

ହାଇଦ୍ରାବାଦ: କ’ଣ ଜଣେ ବ୍ୟକ୍ତି ଭଗବାନଙ୍କୁ ଭେଟିବା ପାଇଁ ଆତ୍ମହତ୍ୟା କରିପାରେ? ତେଲେଙ୍ଗାନାର ହାଇଦ୍ରାବାଦରୁ ଏମିତି ଏକ ଆଶ୍ଚର୍ଯ୍ୟଜନକ ଘଟଣା ସାମ୍ନାକୁ ଆସିଛି। ଯେଉଁଠାରେ ଜଣେ ୪୩ ବର୍ଷୀୟ ମହିଳା ପଞ୍ଚମ ମହଲାରୁ ଡେଇଁ ଆତ୍ମହତ୍ୟା କରିଛନ୍ତି।

କେବଳ ଏତିକି ନୁହେଁ, ମହିଳା ଜଣକ ତାଙ୍କ ସୁଇସାଇଡ ନୋଟରେ ଲେଖିଛନ୍ତି ଯେ, ସେ ଭଗବାନଙ୍କୁ ଭେଟିବାକୁ ଚାହାଁନ୍ତି, ସେଥିପାଇଁ ସେ ଏପରି ପଦକ୍ଷେପ ନେଉଛନ୍ତି।

ସୂଚନା ଅନୁଯାୟୀ, ଏହି ସମ୍ପୂର୍ଣ୍ଣ ଘଟଣା ହାଇଦ୍ରାବାଦର ହିମାୟତନଗର ଅଞ୍ଚଳର। ଯେଉଁଠାରେ ପୂଜା ଜୈନ ନାମକ ଜଣେ ମହିଳା ତାଙ୍କ ପରିବାର ସହିତ ରହୁଥିଲେ। ତାଙ୍କ ସ୍ୱାମୀ ପ୍ରତିଦିନ କାମକୁ ଯାଉଥିଲେ। ସବୁଦିନ ପରି ସେଦିନ ମଧ୍ୟ ସେ କାମକୁ ଯିବା ପରେ ପୂଜା ଏକ ସୁଇସାଇଡ ନୋଟ ଲେଖି ପଞ୍ଚମ ମହଲାରୁ ଡେଇଁ ଆତ୍ମହତ୍ୟା କରିଥିଲେ।

ଏହା ପରେ ଘଟଣାସ୍ଥଳରେ ଉତ୍ତେଜନା ପ୍ରକାଶ ପାଇଥିଲା। ନିକଟରେ ଥିବା ଲୋକମାନେ ଏକାଠି ହୋଇ ତୁରନ୍ତ ପୂଜାଙ୍କ ସ୍ୱାମୀଙ୍କୁ ଘଟଣା ବିଷୟରେ ଜଣାଇଥିଲେ। ଯେତେବେଳେ ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଥିଲା ସେତେବେଳେ ସେ ସେଠାରେ ଏକ ସୁଇସାଇଡ ନୋଟ୍ ପାଇଥିଲା।

ଏହାକୁ ପଡିଲା ପରେ ପୋଲିସ ସମେତ ଅନ୍ୟ ସମସ୍ତେ ମଧ୍ୟ ଆଶ୍ଚର୍ଯ୍ୟ ହୋଇଗଲେ। ମହିଳା ଜଣକ ସୁଇସାଇଡ ନୋଟରେ ଲେଖିଥିଲେ ଯେ ସେ ଭଗବାନଙ୍କୁ ଭେଟିବା ପାଇଁ ତାଙ୍କ ଜୀବନ ତ୍ୟାଗ କରୁଛନ୍ତି।

ତଥାପି, ପୋଲିସ ସମଗ୍ର ମାମଲାରେ ପ୍ରମାଣ ସଂଗ୍ରହ କରିଛି ଏବଂ ସମସ୍ତ ଦିଗକୁ ତଦନ୍ତ କରାଯାଉଛି।