ICC ଜାରି କଲା ଦିନିକିଆ ଅଲରାଉଣ୍ଡର Ranking, ଲିଷ୍ଟରେ ନାହାନ୍ତି ଜଣେ ବି ଭାରତୀୟ, କେମିତି ଜିତିବ ଏସିଆକପ ?

ଓଡ଼ିଶା ଭାସ୍କର: ICC ସଦ୍ୟତମ ପୁରୁଷ ODI ଅଲରାଉଣ୍ଡର ରାଙ୍କିଙ୍ଗ ପ୍ରକାଶ କରିଛି। ଏଥର ରାଙ୍କିଙ୍ଗରେ ଏସୀୟ ଖେଳାଳିଙ୍କ ପ୍ରାଧାନ୍ୟ ସ୍ପଷ୍ଟ ଭାବରେ ଦେଖାଯାଉଛି, ଯେଉଁମାନେ ନିଜର ଦୃଢ଼ ପ୍ରଦର୍ଶନ ଦ୍ୱାରା ସମସ୍ତଙ୍କ ଦୃଷ୍ଟି ଆକର୍ଷଣ କରିଛନ୍ତି। ବିଶେଷକରି ଆଫଗାନିସ୍ତାନର କ୍ରିକେଟରମାନେ ଚମତ୍କାର ପ୍ରଦର୍ଶନ କରି ଶୀର୍ଷ-୨ ସ୍ଥାନ ଦଖଲ କରିଛନ୍ତି।

ସେହିଭଳି ଜିମ୍ବାୱେ, ବାଂଲାଦେଶ ଏବଂ ନ୍ୟୁଜିଲ୍ୟାଣ୍ଡର ଷ୍ଟାର ଖେଳାଳିମାନେ ମଧ୍ୟ ଶୀର୍ଷ ୫ରେ ସ୍ଥାନ ପାଇବାରେ ସଫଳ ହୋଇଛନ୍ତି। ଏହି ତାଲିକାରେ ଆଶ୍ଚର୍ଯ୍ୟଜନକ କଥା ହେଉଛି ଶ୍ରେଷ୍ଠ ୫ ତାଲିକାରେ ଜଣେ ବି ଭାରତୀୟ ଖେଳାଳିଙ୍କ ନାମ ନାହିଁ। ଆସନ୍ତୁ ଜାଣିବା କେଉଁ ଖେଳାଳି କେଉଁ ସ୍ଥାନରେ ଅଛନ୍ତି…

ଆଜମତୁଲ୍ଲା ଉମରଜାଇ – ଆଫଗାନିସ୍ତାନ

ଆଫଗାନିସ୍ତାନର ଯୁବ ଅଲରାଉଣ୍ଡର ଅଜମତୁଲ୍ଲା ଉମରଜାଇ ୨୯୬ ରେଟିଂ ସହିତ ପ୍ରଥମ ସ୍ଥାନରେ ରହିଛନ୍ତି। ସେ ୨୦୨୫ରେ ଲାହୋରରେ ଅଷ୍ଟ୍ରେଲିଆ ବିପକ୍ଷରେ ଦୃଢ଼ ପ୍ରଦର୍ଶନ କରି ତାଙ୍କ କ୍ୟାରିୟରର ସର୍ବୋତ୍ତମ ରେଟିଂ ହାସଲ କରିଛନ୍ତି। ଏହାକୁ ତାଙ୍କ କ୍ୟାରିୟରର ଏପର୍ଯ୍ୟନ୍ତର ସବୁଠାରୁ ବଡ଼ ମାଇଲଖୁଣ୍ଟ ବୋଲି ବିବେଚନା କରାଯାଉଛି।

ମହମ୍ମଦ ନବି- ଆଫଗାନିସ୍ତାନ

ଅଭିଜ୍ଞ ଅଲରାଉଣ୍ଡର ଏବଂ ପୂର୍ବତନ ଆଫଗାନିସ୍ତାନ ଅଧିନାୟକ ମହମ୍ମଦ ନବି ୨୯୨ ରେଟିଂ ସହିତ ଦ୍ୱିତୀୟ ସ୍ଥାନରେ ଅଛନ୍ତି। ନବି ଦୀର୍ଘ ସମୟ ଧରି ଆଫଗାନିସ୍ତାନ ଦଳର ମେରୁଦଣ୍ଡ ରହିଆସିଛନ୍ତି। ୨୦୧୭ରେ, ସେ ଗ୍ରେଟର ନୋଏଡାରେ ଆୟର୍ଲାଣ୍ଡ ବିପକ୍ଷରେ ୩୫୦ ର କ୍ୟାରିୟରର ସର୍ବୋତ୍ତମ ରେଟିଂ ହାସଲ କରିଥିଲେ।

ସିକନ୍ଦର ରାଜା- ଜିମ୍ବାୱେ

ଜିମ୍ବାୱେର ଷ୍ଟାର ଅଲରାଉଣ୍ଡର ସିକନ୍ଦର ରାଜା ୨୯୦ ରେଟିଂ ପଏଣ୍ଟ ସହିତ ତୃତୀୟ ସ୍ଥାନରେ ଅଛନ୍ତି। ସେ ବ୍ୟାଟ୍ ଏବଂ ବଲ୍ ଉଭୟରେ ତାଙ୍କ ଦଳ ପାଇଁ ନିରନ୍ତର ଉତ୍କୃଷ୍ଟ ଅବଦାନ ଦେଉଛନ୍ତି। ସେ ୨୦୨୪ରେ ବୁଲାୱାୟୋରେ ପାକିସ୍ତାନ ବିପକ୍ଷରେ ୨୯୯ ର ଶ୍ରେଷ୍ଠ ରେଟିଂ ହାସଲ କରିଥିଲେ।

ପଢ଼ନ୍ତୁ ଅଧିକ ଖବର….6,6,6,6,6,6…, ଦୁର୍ଦ୍ଦଶ ବ୍ୟାଟରଙ୍କ ଭୟଙ୍କର ବ୍ୟାଟିଂ, ଖାଲି ଛକା ଓ ଚୌକାରେ କରିନେଲେ ଏତେ ବଡ଼ ସ୍କୋର, ଜାଣନ୍ତୁ କିଏ ଏହି କ୍ରିକେଟର ରକଷ୍ଟାର….

ମେହଦି ହାସନ ମିରାଜ- ବାଂଲାଦେଶ

ବାଂଲାଦେଶ ଅଲରାଉଣ୍ଡର ମେହେଦି ହାସନ ମିରାଜ ୨୪୯ ରେଟିଂ ସହିତ ଚତୁର୍ଥ ସ୍ଥାନରେ ଅଛନ୍ତି। ସେ ୨୦୨୨ରେ ମିରପୁରରେ ଭାରତ ବିପକ୍ଷରେ ୨୯୫ ର କ୍ୟାରିୟରର ସର୍ବୋତ୍ତମ ରେଟିଂ ହାସଲ କରିଥିଲେ।

ମାଇକେଲ ବ୍ରେସୱେଲ- ନ୍ୟୁଜିଲ୍ୟାଣ୍ଡ

ନ୍ୟୁଜିଲ୍ୟାଣ୍ଡ ଅଲରାଉଣ୍ଡର ମାଇକେଲ ବ୍ରେସୱେଲ ୨୪୬ ରେଟିଂ ପଏଣ୍ଟ ସହିତ ପଞ୍ଚମ ସ୍ଥାନରେ ଅଛନ୍ତି। ସେ ୨୦୨୫ ମସିହାରେ ବେ ଓଭାଲରେ ପାକିସ୍ତାନ ବିପକ୍ଷରେ ତାଙ୍କର କ୍ୟାରିୟରର ସର୍ବୋତ୍ତମ ରେଟିଂ ରେକର୍ଡ କରିଥିଲେ।