କ୍ରିକେଟର ଏହି ‘ବିବାଦୀୟ’ ନିୟମକୁ ରଦ୍ଦ କରିବ ଆଇସିସି: ଏହି ସିରିଜରୁ ଲାଗୁ ହେବ ପରିବର୍ତ୍ତିତ ନିୟମ

ନୂଆଦିଲ୍ଲୀ: କ୍ରିକେଟ ମ୍ୟାଚରେ ଆପଣ ଅମ୍ପାୟାରଙ୍କର ବିଭିନ୍ନ ସିଗନାଲକୁ ନଜର ଦେଇଥିବେ । ଏଥିମଧ୍ୟରେ ଅମ୍ପାୟାର ଦେଉଥିବା ଏକ ସିଗନାଲକୁ ‘ସଫ୍ଟ ସିଗନାଲ’ ବୋଲି କୁହାଯାଇଥାଏ । ବିଶେଷ କରି ମ୍ୟାଚରେ କୌଣସି ରିଭ୍ୟୁ ନେବା ବେଳେ ପଡିଆରେ ଥିବା ଅମ୍ପାୟାର ଏହି ସଫ୍ଟ ସିଗନାଲ ଜରିଆରେ ନିଜ ନିଷ୍ପତ୍ତି ଜଣାଇଥାନ୍ତି । ଯାହାକୁ ନେଇ ଅନେକ ଥର କ୍ରିକେଟ ଇତିହାସରେ ବିବାଦ ଦେଖିବାକୁ ମିଳିଛି । ତେଣୁ ବର୍ତ୍ତମାନ ଏହି ନିୟମ ଉପରେ ଏକ ବଡ ପରିବର୍ତ୍ତନ କରିବାକୁ ଯାଉଛି ଆଇସିସି ।

ଅନେକ ବାଦ ବିବାଦ ପରେ କ୍ରିକେଟର ସଫ୍ଟ ସିଗନାଲ ରୁଲ ହଟିବାକୁ ଯାଉଛି । ଏହି ନିୟମକୁ ଇଣ୍ଟରନେସନାଲ ମ୍ୟାଚରେ ଶେଷ କରିବାକୁ ନିଷ୍ପତ୍ତି ନେଇଛି ଅନ୍ତର୍ଜାତୀୟ କ୍ରିକେଟ ପରିଷଦ । ତେବେ ଆସନ୍ତା ଜୁନ ୭ ତାରିଖରେ ହେବାକୁ ଥିବା ବିଶ୍ୱ ଟେଷ୍ଟ ଚମ୍ପିଆନସିପର ଫାଇନାଲ ମ୍ୟାଚରୁ ଏହି ପରିବର୍ତ୍ତିତ ତଥା ନୂଆ ନିୟମ ଲାଗୁ କରାଯିବ । ଅର୍ଥାତ୍ ଏହି ମ୍ୟାଚରେ ସଫ୍ଟ ସିଗନାଲ ଦେଇ ପାରିବେ ନାହିଁ ଅନ୍ ଫିଲ୍ଡ ଅମ୍ପାୟାର । ଆଇସିସି କ୍ରିକେଟ କମିଟିର ଅଧ୍ୟକ୍ଷ ସୌରଭ ଗାଙ୍ଗୁଲି ମଧ୍ୟ ଏହି ନିୟମ ଉପରେ ମୋହର ମାରି ସାରିଛନ୍ତି । ତେବେ ଏହି ନୂଆ ନିୟମ ବିଷୟରେ ଫାଇନାଲର ଦୁଇ ଫାଇନାଲିଷ୍ଟ ଭାରତ ଏବଂ ଅଷ୍ଟ୍ରେଲିଆକୁ ଜଣାଇ ଦିଆଯାଇଛି ।

ICC should get rid off the soft signal and let the 3rd umpire who has all the technology to make the decision when the on field umpires send it upstairs,all the controversy is always around the soft signal given.
This isn’t a comment on the decision FYI 🤣🤣 https://t.co/rvOeJEfnKF

— Ben Stokes (@benstokes38) January 4, 2023

ଅମ୍ପାୟାରଙ୍କ ଏହି ସଫ୍ଟ ସିଗନାଲ ରୁଲ କୁ ନେଇ ଅନେକ ଥର କ୍ରିକେଟରେ ବିବାଦ ସୃଷ୍ଟି ହୋଇଛି । ଏହି ନିୟମକୁ ନେଇ ଅନେକ ମ୍ୟାଚରେ ପ୍ରଶ୍ନ ମଧ୍ୟ ଉଠିଛି । ତେବେ ଅଷ୍ଟ୍ରେଲିଆ-ଦକ୍ଷିଣ ଆଫ୍ରିକା ଟେଷ୍ଟ ସିରିଜ ସମୟରେ ଅଷ୍ଟ୍ରେଲିଆର ମାର୍ନସ ଲାବୁସେନଙ୍କୁ ସଫ୍ଟ ସିଗନାଲ ନିୟମରେ ଆଉଟ ଘୋଷଣା କରିଥିଲେ ଅମ୍ପାୟାର । କିନ୍ତୁ ସ୍ଲିପର ଏହି କ୍ୟାଚ ସନ୍ଦେହ ଘେରରେ ରହିଥିବା ବେଳେ ଏହା କାହିଁକି ଥାର୍ଡ ଅମ୍ପାୟାରଙ୍କୁ ରେଫର କରାଗଲା ନାହିଁ ବୋଲି ପ୍ରଶ୍ନ କରାଯାଇଥିଲା । କିନ୍ତୁ ଏବେ ନୂଆ ନିୟମ ଅନୁସାରେ ଏଭଳି କ୍ୟାଚ କିମ୍ବା ସନ୍ଦିଗ୍ଧ ଘଟଣାର ନିର୍ଣ୍ଣୟ ନେବେ ଥାର୍ଡ ଅମ୍ପାୟାର ।

The ball that ended Saud Shakeel's fantastic innings. #PAKvENG | #UKSePK pic.twitter.com/kssvis9RdH

— Pakistan Cricket (@TheRealPCB) December 12, 2022

ବିଶ୍ୱ ଟେଷ୍ଟ ଚମ୍ପିଆନସିପ ଫାଇନାଲ ମ୍ୟାଚରେ ଭାରତ ଏବଂ ଅଷ୍ଟ୍ରେଲିଆ ଜୁନ ୭ ତାରିଖରେ ମୁହାଁମୁହିଁ ହେବାକୁ ଯାଉଛନ୍ତି । ତେବେ ଏହି ମ୍ୟାଚରେ ଯଦି ଆଲୋକକୁ ନେଇ ସମସ୍ୟା ସୃଷ୍ଟି ହୁଏ, ତେବେ ଫ୍ଲଡ ଲାଇଟ ଅନ୍ କରାଯିବ । ତେବେ ଏହାବ୍ୟତୀତ ମ୍ୟାଚ ପାଇଁ ଷଷ୍ଠ ଦିନକୁ ରିଜର୍ଭ ଡେ’ ଭାବରେ ମଧ୍ୟ ରଖାଯାଇଛି ।