ଲୋକଙ୍କୁ ବଡ଼ ଝଟକା ଦେଲା ଆଉ ୨ଟି ବଡ଼ ବ୍ୟାଙ୍କ ! ମହଙ୍ଗା ହେଲା ଲୋନ୍, ଏବେ ଦେବାକୁ ପଡ଼ିବ ଏତିକି ସୁଧ
ନୂଆଦିଲ୍ଲୀ: ଆଉ ଦୁଇଟି ବ୍ୟାଙ୍କ ଗ୍ରାହକଙ୍କୁ ଏକ ବଡ଼ ଝଟକା ଦେଇଛନ୍ତି । ମହଙ୍ଗା ମାଡ ମଧ୍ୟରେ ଲୋନର ସୁଧ ହାର ବୃଦ୍ଧି କରାଯାଇଛି । ଦୁଇଟି ପ୍ରମୁଖ ବ୍ୟାଙ୍କ ଆଇସିଆଇସିଆଇ ବ୍ୟାଙ୍କ ଏବଂ ପଞ୍ଜାବ ନ୍ୟାସନାଲ ବ୍ୟାଙ୍କ ସେମାନଙ୍କର ମାର୍ଜିନାଲ କଷ୍ଟ ଅଫ୍ ଲେଣ୍ଡିଂ ରେଟ୍ (ଏମସିଏଲଆର) ବୃଦ୍ଧି କରିଛନ୍ତି ।
ଉଭୟ ବ୍ୟାଙ୍କ ସେମାନଙ୍କର ଏମସିଏଲଆରରେ ୫ ବେସିସ ପଏଣ୍ଟ ବୃଦ୍ଧି କରିଛନ୍ତି । ବ୍ୟାଙ୍କର ଅଫିସିଆଲ୍ ୱେବସାଇଟରେ ଦିଆଯାଇଥିବା ସୂଚନା ଅନୁଯାୟୀ, ନୂଆ ହାର ୧ ସେପ୍ଟେମ୍ବର ୨୦୨୩ ଅର୍ଥାତ୍ ଶୁକ୍ରବାର ଠାରୁ ଲାଗୁ ହୋଇଛି ।
ଏହି ବୃଦ୍ଧି ପରେ ବ୍ୟାଙ୍କର ସେହି ଗ୍ରାହକଙ୍କ ଉପରେ ସିଧାସଳଖ ପ୍ରଭାବ ପଡ଼ିବ, ଯେଉଁମାନେ ପୂର୍ବରୁ କିମ୍ବା ଭବିଷ୍ୟତରେ କାର ଲୋନ୍, ଏଜୁକେସନ୍ ଲୋନ୍, ପର୍ସନାଲ ଲୋନ୍, ହୋମ୍ ଲୋନ୍ ନେବାକୁ ଯୋଜନା କରିଛନ୍ତି । ଲୋନର ସୁଧ ହାର ଉପରେ ଏମସିଏଲଆରର ସିଧାସଳଖ ପ୍ରଭାବ ପଡୁଛି ।
ଆଇସିଆଇସିଆଇ ବ୍ୟାଙ୍କର ନୂଆ ହାର :-
ଦେଶର ବୃହତ୍ତମ ବେସରକାରୀ କ୍ଷେତ୍ର ବ୍ୟାଙ୍କ ଆଇସିଆଇସିଆଇ ଏହାର ଏମସିଏଲଆରକୁ ୫ ଆଧାର ପଏଣ୍ଟକୁ ବୃଦ୍ଧି କରି କୋଟି କୋଟି ଗ୍ରାହକଙ୍କୁ ଆଶ୍ଚର୍ଯ୍ୟ କରିଦେଇଛି । ଏହି ବୃଦ୍ଧି ପରେ ବ୍ୟାଙ୍କର ଏମସିଏଲଆର ରାତାରାତି ୮.୪୦ ପ୍ରତିଶତରୁ ୮.୪୫ ପ୍ରତିଶତକୁ ବୃଦ୍ଧି ପାଇଛି । ଏଥି ସହିତ, ଗୋଟିଏ ମାସର ଏମସିଏଲଆର ୮.୪୫ ପ୍ରତିଶତରୁ, ତିନିମାସର ଏମସିଏଲଆର ୮.୫୦ ପ୍ରତିଶତ, ୬ ମାସର ଏମସିଏଲଆର ୮.୮୫ ପ୍ରତିଶତ ଏବଂ ଗୋଟିଏ ବର୍ଷର ଏମସିଏଲଆର ୮.୯୦ ପ୍ରତିଶତରୁ ୮.୯୫ ପ୍ରତିଶତକୁ ବୃଦ୍ଧି ପାଇଛି ।
ପଞ୍ଜାବ ନ୍ୟାସନାଲ ବ୍ୟାଙ୍କର ନୂଆ ହାର :-
ଦ୍ୱିତୀୟ ବୃହତ୍ତମ ପବ୍ଲିକ ସେକ୍ଟର ବ୍ୟାଙ୍କ ପଞ୍ଜାବ ନ୍ୟାସନାଲ ବ୍ୟାଙ୍କ ମଧ୍ୟ ଏମସିଏଲଆରକୁ ୫ ବେସିସ ପଏଣ୍ଟକୁ ବୃଦ୍ଧି କରିଛି । ଏହି ବୃଦ୍ଧି ପରେ ବ୍ୟାଙ୍କର ଏମସିଏଲଆର ରାତାରାତି ୮.୧୦ ପ୍ରତିଶତରୁ ୮.୧୫ ପ୍ରତିଶତକୁ ବୃଦ୍ଧି ପାଇଛି । ଏଥି ସହିତ, ଏକ ମାସର ଏମସିଏଲଆର ୮.୨୦ ପ୍ରତିଶତରୁ ୮.୨୫ ପ୍ରତିଶତକୁ ବୃଦ୍ଧି ପାଇଛି ଏବଂ ତିନିମାସର ଏମସିଏଲଆର ୮.୩୦ ପ୍ରତିଶତରୁ ୮.୩୫ ପ୍ରତିଶତକୁ ବୃଦ୍ଧି ପାଇଛି ।