TRAI ଆକ୍ସନରେ ମୋବାଇଲ ୟୁଜରଙ୍କୁ ଫାଇଦା : ଯଦି ୨୪ ଘଣ୍ଟା ମଧ୍ୟରେ ମୋବାଇଲ୍ ନେଟୱାର୍କ ନଆସେ, ତେବେ କମ୍ପାନୀ ଦେବ କ୍ଷତିପୂରଣ
ନୂଆଦିଲ୍ଲୀ: ଯଦିଓ ଟେଲିକମ୍ କମ୍ପାନୀଗୁଡିକ ଶୁଳ୍କ ବୃଦ୍ଧି କରି ସାଧାରଣ ଲୋକଙ୍କୁ ଏକ ବଡ଼ ଝଟକା ଦେଇଛନ୍ତି, କିନ୍ତୁ ଏକ ମାସ ପରେ ଟେଲିକମ୍ ରେଗୁଲେଟର ଟ୍ରାଇ ମୋବାଇଲ୍ ବ୍ୟବହାରକାରୀଙ୍କୁ ଖୁସି କରିଛି । ଟ୍ରାଇ ଏକ ନୂତନ ସେବା ଗୁଣବତ୍ତା ମାନ ପ୍ରଦାନ କରିଛି ।
ଯେଉଁଥିରେ ଜିଲ୍ଲା ସ୍ତରରେ ୨୪ ଘଣ୍ଟାରୁ ଅଧିକ ସମୟ ଧରି ସେବା ବ୍ୟାହତ ହେଲେ ଗ୍ରାହକଙ୍କୁ କ୍ଷତିପୂରଣ ଦେବା ପାଇଁ ନିୟାମକ ଟେଲିକମ୍ କମ୍ପାନୀଗୁଡିକ ପାଇଁ ଏକ ବ୍ୟବସ୍ଥା କରିଛନ୍ତି । ବିଶେଷ କଥା ହେଉଛି ଯଦି କୌଣସି କମ୍ପାନୀ ମାନକ ପୂରଣ କରୁନାହାଁନ୍ତି, ତେବେ ଜରିମାନା ମଧ୍ୟ ଦ୍ୱିଗୁଣିତ ହେବ । ଟ୍ରାଇ ଦ୍ୱାରା କି ପ୍ରକାର ସୂଚନା ଦିଆଯାଇଛି ଆସନ୍ତୁ ଜାଣିବା…
ବଡ ଆଦେଶ ଦେଇଛି ଟ୍ରାଇ :-
ମୋବାଇଲ୍ ଶୁଳ୍କରେ ପ୍ରାୟ ଏକ ମାସ ବୃଦ୍ଧି ପରେ ଟେଲିକମ୍ ରେଗୁଲେଟର ବର୍ତ୍ତମାନ ଆକ୍ସନ୍ ମୋଡକୁ ଆସିଛି । ଗୁଣାତ୍ମକ ମାନ ସମ୍ବନ୍ଧରେ ଟ୍ରାଇ ନୂତନ ନିୟମ ଜାରି କରିଛି । ଟେଲିକମ୍ କମ୍ପାନୀଗୁଡିକ କହିଛି ଯେ ଯଦି କୌଣସି କମ୍ପାନୀର ସେବା ୨୪ ଘଣ୍ଟାରୁ ଅଧିକ ସମୟ ବ୍ୟାହତ ହୁଏ କିମ୍ବା ଯଦି ନେଟୱାର୍କ ଉପଲବ୍ଧ ନଥାଏ ତେବେ ସେହି କମ୍ପାନୀ ଗ୍ରାହକଙ୍କୁ କ୍ଷତିପୂରଣ ଦେବ । ଟେଲିକମ୍ ରେଗୁଲେଟୋରୀ ଅଥରିଟି ଅଫ୍ ଇଣ୍ଡିଆ (ଟ୍ରାଇ) ନୂଆ ନିୟମ ଅନୁଯାୟୀ ପ୍ରତ୍ୟେକ ଗୁଣାତ୍ମକ ମାନ ପୂରଣ ନକରିବାରୁ ଦଣ୍ଡ ପରିମାଣ ୫୦,୦୦୦ ରୁ ୧ ଲକ୍ଷକୁ ବୃଦ୍ଧି କରାଯାଇଛି ।
