ଭଲ ଜୀବନସାଥୀ ନ ମିଳିଲେ ତୁମକୁ ବେଙ୍ଗକୁ କିସ୍ କରିବାକୁ ପଡ଼ିବ, ଏତେ ବର୍ଷ ପରେ କାହିଁକି ଏମିତି କହିଲେ ପ୍ରିୟଙ୍କା
ମୁମ୍ବାଇ: ଦେଶୀ ଗର୍ଲ ପ୍ରିୟଙ୍କା ଚୋପ୍ରା ଖୁବ୍ ଶୀଘ୍ର ବଲିଉଡକୁ ଫେରିବାକୁ ଯାଉଛନ୍ତି। ଏହି ଅଭିନେତ୍ରୀ ବଲିଉଡରେ ଅନେକ ସୁପରଷ୍ଟାରଙ୍କ ସହ କାମ କରିଛନ୍ତି। ଏହି ସମୟରେ ତାଙ୍କ ନାମ ଅନେକ ଷ୍ଟାରଙ୍କ ସହ ମଧ୍ୟ ଯୋଡା ଯାଇଥିଲା। ଦୀର୍ଘବର୍ଷ ପରେ ପ୍ରିୟଙ୍କା ପ୍ରକାଶ କରିଛନ୍ତି ଯେ, ବିବାହ ପୂର୍ବରୁ ତାଙ୍କୁ ପ୍ରେମରେ ଧୋକା ଦିଆଯାଇଥିଲା, ସେ ବହୁତ କଷ୍ଟ ପାଇଥିଲେ। ଯେଉଁଥିପାଇଁ ସେ ଭଲ ଜୀବନସାଥୀ ନ ମିଳିଲେ ବିବାହ କରିବେ ନାହିଁ ବୋଲି ନିଷ୍ପତ୍ତି ନେଇଥିଲେ ।
ଏକ ସାକ୍ଷାତକାରରେ ପ୍ରିୟଙ୍କା ଏ ବିଷୟରେ ଖୋଲାଖୋଲି ପ୍ରକାଶ କରିଛନ୍ତି। ଦୀର୍ଘବର୍ଷ ପରେ ଅଭିନେତ୍ରୀ ତାଙ୍କ ପନପସନ୍ଦର ଜୀବନସାଥୀଙ୍କ ଠାରେ କେଉଁଗୁଣ ସବୁ ରହିବା ଦରକାର ସାକ୍ଷାତକାରରେ ପ୍ରକାଶ କରିଛନ୍ତି । ଯାହା ସେ ବିବାହ ପୂର୍ବରୁ ନିଷ୍ପତ୍ତି ନେଇଥିଲେ। ପ୍ରିୟଙ୍କା କହିଛନ୍ତି, ଯଦି ତାଙ୍କ ଜୀବନସାଥୀଙ୍କ ପାଖରେ ଏହି ଗୁଣଗୁଡ଼ିକ ନଥାନ୍ତା, ତେବେ ସେ ବିବାହ କରିନଥାନ୍ତେ।
ମୁଁ ବିଶ୍ୱାସଘାତକତା ଦ୍ୱାରା ଆଘାତ ପାଇଥିଲି
ପ୍ରିୟଙ୍କା ଜଣେ ଆଦର୍ଶ ସାଥୀଙ୍କ ବିଷୟରେ କହିଥିଲେ- ‘ପ୍ରଥମ କଥା ଥିଲା ସଚ୍ଚୋଟତା, କାରଣ ମୋର ପୂର୍ବ କିଛି ସମ୍ପର୍କରେ ଏପରି ପରିସ୍ଥିତି ଆସିଥିଲା ଯେତେବେଳେ ମୁଁ ବିଶ୍ୱାସଘାତକତା ଦ୍ୱାରା ଆଘାତ ପାଇଥିଲି।’ ଦ୍ୱିତୀୟତଃ, ତାଙ୍କୁ ପାରିବାରିକ ମୂଲ୍ୟବୋଧକୁ ପ୍ରଶଂସା କରିବାକୁ ପଡିଲା। ତୃତୀୟତଃ, ତାଙ୍କୁ ତାଙ୍କ ବୃତ୍ତିକୁ ବହୁତ ଗମ୍ଭୀରତାର ସହିତ ନେବାକୁ ପଡିଲା, କାରଣ ମୁଁ ମୋ ବୃତ୍ତିକୁ ବହୁତ ଗମ୍ଭୀରତାର ସହିତ ନେଇଥିଲି। ଚତୁର୍ଥ, ମୁଁ ଏପରି ଜଣେ ବ୍ୟକ୍ତିଙ୍କୁ ଚାହୁଁଥିଲି। ଯିଏ ସୃଜନଶୀଳ ଏବଂ ମୋ ସହିତ ବଡ଼ ସ୍ୱପ୍ନ ଦେଖିବାକୁ ଚାହୁଁଛି। ପଞ୍ଚମରେ ମୁଁ ଏପରି ଜଣେ ବ୍ୟକ୍ତିଙ୍କୁ ଚାହୁଁଥିଲି, ଯାହାଙ୍କର ମୋ ପରି ଉତ୍ସାହ ଏବଂ ମହତ୍ୱାକାଂକ୍ଷା ଥିବ।
‘ଯେପର୍ଯ୍ୟନ୍ତ ତୁମେ ତୁମର ରାଜକୁମାରଙ୍କୁ ନ ପାଇବ…’
ଅଭିନେତ୍ରୀ ଆହୁରି କହିଛନ୍ତି, ‘ମୋତେ ଏମିତି ଜୀବନସାଥୀ ମିଳିନଥାନ୍ତେ ତେବେ ମୁଁ ବିବାହ କରିନଥାନ୍ତି । ଯାହା ମୁଁ ଏସବୁ ଗୁଣ ନିକଙ୍କ ଠାରେ ଦେଖି ତାଙ୍କୁ ବିବାହ କଲି । ତୁମକୁ ଏପରି ଜଣେ ବ୍ୟକ୍ତି ଖୋଜିବାକୁ ପଡିବ ଯିଏ ତୁମକୁ ସମ୍ମାନ କରୁଥିବ। ସମ୍ମାନ ପ୍ରେମ ଏବଂ ସ୍ନେହଠାରୁ ଭିନ୍ନ। ତୁମର ରାଜକୁମାରଙ୍କୁ ନ ପାଇବା ପର୍ଯ୍ୟନ୍ତ ତୁମକୁ ଅନେକ ବେଙ୍ଗକୁ ଚୁମ୍ବନ କରିବାକୁ ପଡିବ ବୋଲି ପ୍ରିୟଙ୍କା ତାଙ୍କ ପୂର୍ବ ପ୍ରେମିକଙ୍କୁ ନେଇ ଏମିତି କଥା କହିଛନ୍ତି ।