ସିନେମାଘରେ ରାଜ୍ କରୁଛି ‘ପୁଷ୍ପା-୨ ଦ ରୁଲ୍’… ୨୫ ଦିନରେ ୧୭୦୦ କୋଟି ରୋଜଗାର
ଦଙ୍ଗଲ ଏବଂ ବାହୁବଳୀ-୨ ପରେ ପୁଷ୍ପା ସିନେମା ତୃତୀୟ ଫିଲ୍ମ ଯେ, ହଜାର କ୍ଲବ୍ ପାର୍ କରି ୨୦୦୦ କ୍ଲବରେ ସାମିଲ ହେବାକୁ ଯାଉଛି । ୨୫ ଦିନରେ କଲାଣି ୧୭୦୦ କୋଟି ଆୟ ।
ହାଇଦ୍ରାବାଦ: ବହୁ ଚର୍ଚ୍ଚିତ ପାନ୍ ଇଣ୍ଡିଆନ୍ ମୁଭି ପୁଷ୍ପା-୨ କରିଛି ରେକର୍ଡ । ଫିଲ୍ମର ଅଭିନେତା ଅଲ୍ଲୁ ଅର୍ଜୁନଙ୍କ ଅଡୁଆ ବଢ଼ିଚାଲିଥିବାବେଳେ କିନ୍ତୁ ଫିଲ୍ମରେ ଏହାର କୌଣସି ପ୍ରଭାବ ପଡ଼ିନାହିଁ । ଫିଲ୍ମ ପ୍ରେମୀ ସିନେମା ଦେଖିବାରେ କୌଣସି ମଉକା ଛାଡ଼ୁ ନାହାନ୍ତି । ଗତକାଲି ବର୍ଷର ଶେଷ ରବିବାରରେ ମଧ୍ୟ ଫିଲ୍ମଟି ହଲରେ ହାଉସଫୁଲ୍ ରହିଥିଲା ।
ପୁଷ୍ପା-୨ ଦ ରୁଲ୍ ଫିଲ୍ମ ଏବେ ୱାର୍ଲ୍ଡ ଫାୟାର ବନିସାରିଲାଣି । ବକ୍ସ ଅଫିସରେ ଦିନକୁ ଦିନ ଫିଲ୍ମର କଲେକ୍ଶନ ବଢ଼ିବାରେ ଲାଗିଛି । ସାରା ଦେଶରେ ଫିଲ୍ମର ଆୟ ୧୧୫୦ କୋଟିରେ ପହଞ୍ଚିଛି ।
ପ୍ରଥମ ଦିନରେ ପୁଷ୍ପା-୨’ ୭୨୫.୮ କୋଟିର ବ୍ୟବସାୟ କରିଥିବାବେଳେ ଦ୍ୱିତୀୟ ଦିନରେ୨୬୪.୮ କୋଟି, ତୃତୀୟ ଦିନରେ ୧୨୯.୫ କୋଟି ରୋଜଗାର କରିଛି ।
ସେହିପରି ୨୩ତମ ଦିନରେ ୮.୭୫ କୋଟି, ୨୪ତମ ଦିନରେ ୧୨.୫ କୋଟି ଏବଂ ୨୫ତମ ଦିନରେ ୧୬ କୋଟି ଟଙ୍କାର ବ୍ୟବସାୟ କରିଛି । ବର୍ତ୍ତମାନ ଫିଲ୍ମଟି ୧୭୦୦ କୋଟି ଟଙ୍କା ବକ୍ସ ଅଫିସ କଲେକ୍ଶନ କରିସାରିଛି ।
ବଲିଉଡ୍ ଫିଲ୍ମ ଦଙ୍ଗଲ ଏବଂ ବାହୁବଳୀ-୨ ପରେ ପୁଷ୍ପା ସିନେମା ତୃତୀୟ ଫିଲ୍ମ ଯେ, ହଜାର କ୍ଲବ୍ ପାର୍ କରି ୨୦୦୦ କ୍ଲବରେ ସାମିଲ ହେବାକୁ ଯାଉଛି ।
ସୂଚନାମୁତାବକ ଅଲ୍ଲୁ ଅର୍ଜୁନଙ୍କ ଅଭିନୀତ ସବୁ ଫିଲ୍ମ ଭିତରୁ ପୁଷ୍ପା-୨ ସବୁଠାରୁ ଅଧିକ ରୋଜଗାର କରିଛି ।
