ସୁପ୍ରିମକୋର୍ଟରେ ବିଜେପିକୁ ଝଟ୍କା, ଖାରଜ କରିଦେଲେ ଏହି ଯାଚିକା
ନୂଆଦିଲ୍ଲୀ: ତୃଣମୂଳ କଂଗ୍ରେସ ବିରୁଦ୍ଧରେ ପ୍ରଚାରକୁ ନେଇ ବିଜେପିକୁ ସୁପ୍ରିମକୋର୍ଟରୁ ବି ଝଟ୍କା ମିଳିଛି । ଏହା ପୂର୍ବରୁ ଟିଏମସିକୁ ଲଜ୍ଜିତ କରିବା ଲାଗି ବିଜେପିର ବିଜ୍ଞାପନ ଉପରେ କୋଲକତା ହାଇକୋର୍ଟ ପ୍ରତିବନ୍ଧ ଲଗାଇଥିଲେ । ହାଇକୋର୍ଟଙ୍କ ନିଷ୍ପତ୍ତି ବିରୁଦ୍ଧରେ ବିଜେପି ସୁପ୍ରିମକୋର୍ଟରେ ପହଞ୍ଚିଥିଲା । ସୁପ୍ରିମକୋର୍ଟ କହିଥିଲେ କି ଏହି ପ୍ରକାର ବିଜ୍ଞାପନ ଅପମାନିତ କରାଯିବା ଲାଗି ଉଦ୍ଦିଷ୍ଟ । ଆପଣ କହୁଛନ୍ତି କି ଆପଣ ସବୁଠାରୁ ଭଲ କିନ୍ତୁ ଅନ୍ୟ ବିଷୟରେ ଏପରି କଥା କହିପାରିବେ ନାହିଁ । ଆମେ ଆପଣଙ୍କୁ ଏପରି ତିକ୍ତତା ବଢାଇବା ଲାଗି ସୁଯୋଗ ଦେଇପାରିବୁ ନାହିଁ । ଏହା କହି ସୁପ୍ରିମକୋର୍ଟ ବିଜେପିର ଯାଚିକା ଖାରଜ କରି ଦେଇଛନ୍ତି ।
ବିଚାରପତି ଜେକେ ମାହେଶ୍ୱରୀ ଓ କେଭି ବିଶ୍ୱନାଥନଙ୍କ ବେଞ୍ଚ ଏହି ମାମଲାର ଶୁଣାଣୀ କରୁଥିଲେ । ବେଞ୍ଚ କହିଛନ୍ତି ରାଜନୈତିକ ଦଳ ଏହା ଧ୍ୟାନ ରଖିବା ଉଚିତ କି ନିର୍ବାଚନ ପ୍ରକ୍ରିୟା ସମୟରେ ବି ନିଜର ପରିଚୟ ବଜାୟ ରଖନ୍ତୁ ଓ ଏକତା ଓ ଅଖଣ୍ଡତା ଉପରେ କୌଣସି ଆଞ୍ଚ ଆଣିବାକୁ ଦିଅନ୍ତୁ ନାହିଁ । ସୁପ୍ରିମକୋର୍ଟ କହିଛନ୍ତି ଯେତେବେଳେ ସ୍ପଷ୍ଟ ରୂପରେ ଦେଖାଯାଉଛି କି ଏହି ପ୍ରକାର ବିଜ୍ଞାପନ ଆପତ୍ତିଜନକ ସେତେବେଳେ ହାଇକୋର୍ଟଙ୍କ ଆଦେଶରେ ଦଖଲ ଦେବାର ଆବଶ୍ୟକତା ନାହିଁ ।
