କାନ୍ଥ ଡେଇଁ କୁନିଝିଅକୁ ଟେକିନେଲେ, ତା’ପରେ ଗୋଟେ ଭଙ୍ଗା ଘରେ…
ଛଅ ବର୍ଷର ଶିଶୁ କନ୍ୟାକୁ ବଳାତ୍କାର
ହରିୟାଣା: କାନ୍ଥ ଡେଇଁ 6 ବର୍ଷର ଝିଅକୁ ଘରୁ ଟେକିନେଲେ ଦୁର୍ବୁତ୍ତ, ତା ପରେ କଲେ ବଳାତ୍କାର। ହରିୟାଣାର ପାନିପତରୁ ଏପରି ଏକ ଚାଞ୍ଚଲ୍ୟକର ଘଟଣା ସାମ୍ନାକୁ ଆସିଛି। ଏଠାକାର ଏକ କଲୋନୀର ଜଣେ ଛଅ ବର୍ଷର ଝିଅକୁ ବଳାତ୍କାର କରାଯାଇଥିଲା।
ପୁରା ପରିବାର ରାତିରେ ସୋଇଥିବା ସମୟରେ ପ୍ରାୟ ରାତି 2 ଟାରେ ଅଭିଯୁକ୍ତ ଘରର କାନ୍ଥ ଡେଇଁ ଝିଅକୁ ଅପହରଣ କରିଥିଲା। ଅଭିଯୁକ୍ତ ଝିଅର ମୁହଁ ବନ୍ଦ କରି ଘର ପାଖରେ ଥିବା ଏକ ଭଙ୍ଗା ଘରକୁ ନେଇଯାଇଥିଲା। ଅଭିଯୁକ୍ତର ଆଉ ଜଣେ ସହଯୋଗୀ ସେଠାରେ ପୂର୍ବରୁ ଉପସ୍ଥିତ ଥିଲା।
ସେହି ଭଙ୍ଗା ଘରେ ଝିଅଟିକୁ ବଳାତ୍କାର କରାଯାଇଥିଲା। ପରିବାର ଲୋକେ ଏହି ବିଷୟରେ ପୋଲିସକୁ ସୂଚନା ଦେବା ପରେ ରାତିରେ ଅନେକ ପୋଲିସ ଦଳ ସେଠାରେ ପହଞ୍ଚିଥିଲେ। ସୂତ୍ର ଅନୁଯାୟୀ, ପୋଲିସ ସନ୍ଦିଗ୍ଧ ଅଭିଯୁକ୍ତକୁ ହେପାଜତରେ ନେଇଛି।
ବର୍ତ୍ତମାନ, ଝିଅଟିର ଅବସ୍ଥା ଗୁରୁତର ଥିବାବେଳେ ତାଙ୍କୁ ଡାକ୍ତରଖାନାରେ ଭର୍ତ୍ତି କରାଯାଇଛି।