ଏହି ପ୍ରସିଦ୍ଧ ମନ୍ଦିରରେ ଲାଗୁ ହେଲା ଡ୍ରେସ କୋଡ, ସ୍କର୍ଟ ବା ଜିନ୍ସ ପିନ୍ଧିବାକୁ ମନା, ଜାଣନ୍ତୁ ନୂଆ ନିୟମ
ଶ୍ରୀନଗର: ଜାମ୍ମୁ କାଶ୍ମୀରର ପ୍ରସିଦ୍ଧ ‘ବାୱେ ୱାଲି ମାତା’ ମନ୍ଦିର ପରିଚାଳନା ଭକ୍ତଙ୍କ ପାଇଁ ପୋଷାକ ସ୍ଥିର କରିଛି। ଏହା ଅଧୀନରେ ଭକ୍ତମାନଙ୍କୁ ସୁନ୍ଦର ପୋଷାକ ପିନ୍ଧିବା, ମୁଣ୍ଡ ଘୋଡାଇବା ଏବଂ ମିନି ସ୍କର୍ଟ ଏବଂ ଚିରା ଜିନ୍ସ ପିନ୍ଧିବାକୁ ବାରଣ କରାଯାଇଛି। ଜାମ୍ମୁ ସହରରେ ପ୍ରଥମ ଥର ପାଇଁ ଏପରି ନିୟମ କରି ବାହୁ ଦୁର୍ଗ ଅଞ୍ଚଳରେ ଅବସ୍ଥିତ ଏହି କାଳୀ ମନ୍ଦିରର ଫାଟକରେ ଏକ ବିଜ୍ଞପ୍ତି ବ୍ୟାନର ଲଗାଯାଇଛି।
ବିଜ୍ଞପ୍ତିରେ ଭକ୍ତମାନଙ୍କୁ ମନ୍ଦିର ପରିସରରେ ପ୍ରବେଶ କରିବା ପୂର୍ବରୁ ଭଲ ପୋଷାକ ପିନ୍ଧିବା ଏବଂ ମୁଣ୍ଡ ଘୋଡାଇବାକୁ ଅନୁରୋଧ କରାଯାଇଛି। ଏହା ସହିତ ଅଧା ପ୍ୟାଣ୍ଟ, ବରମୁଣ୍ଡା ସର୍ଟ, ମିନିସ୍କର୍ଟ, ନାଇଟ୍ ସୁଟ୍, ଚିରା ଜିନ୍ସ ଏବଂ କ୍ୟାପ୍ରି ପ୍ୟାଣ୍ଟ ଉପରେ ନିଷେଧାଦେଶ ଜାରି କରାଯାଇଛି। ଏହି ପରିପ୍ରେକ୍ଷୀରେ ମୁଖ୍ୟ ପୁରୋହିତ ମହନ୍ତ ବିଟା ‘ନ୍ୟୁଜ୍ ଏଜେନ୍ସି’କୁ କହିଛନ୍ତି ଯେ, ଏହା ଏକ ଆଦେଶ ନୁହେଁ, ବରଂ ଏକ ପରାମର୍ଶ। ସେ କହିଛନ୍ତି ଯେ, ମନ୍ଦିରକୁ ଆସୁଥିବା ସମସ୍ତ ଭକ୍ତଙ୍କୁ ଅନୁଶାସନ ବଜାୟ ରଖିବାକୁ ଅନୁରୋଧ କରାଯାଇଛି। ସେ କହିଛନ୍ତି ଯେ, ଲୋକମାନେ ମନ୍ଦିରକୁ ପର୍ଯ୍ୟଟନ କ୍ଷେତ୍ର କରିଛନ୍ତି ଏବଂ ଏହାକୁ ଦୃଷ୍ଟିରେ ରଖି ଏଭଳି ପଦକ୍ଷେପ ନିଆଯାଇଛି।
ଉତ୍ତରପ୍ରଦେଶରୁ ଆସିଥିବା ଭକ୍ତ ଧନଞ୍ଜୟ ପାଟିଲ କହିଛନ୍ତି ଯେ, ହିନ୍ଦୁ ରୀତିନୀତିର ପୁନଃଜୀବନ ପାଇଁ ଏହା ଏକ ଭଲ ପଦକ୍ଷେପ। ଅନ୍ୟ ଜଣେ ଭକ୍ତ ମନମିତ କୌର କହିଛନ୍ତି ଯେ, ମୁଁ ଏହି ନିଷ୍ପତ୍ତିକୁ ସ୍ୱାଗତ କରୁଛି। ଏହି ନିର୍ଦ୍ଦେଶକୁ ସମ୍ପୂର୍ଣ୍ଣ ରୂପେ କାର୍ଯ୍ୟକାରୀ କରାଯିବା ଉଚିତ। ଜେ ଆଣ୍ଡ କେ ଚାରିଟେବୁଲ ଟ୍ରଷ୍ଟର ଚେୟାରମ୍ୟାନ୍ ବ୍ରିଗେଡିୟର୍ ଆର.ଏସ୍ ଲାଙ୍ଗେ କହିଛନ୍ତି ଯେ ଯଦି ଅନ୍ୟ ମନ୍ଦିରଗୁଡ଼ିକ ମଧ୍ୟ ସମାନ ପଦକ୍ଷେପ ନେବାକୁ ଚାହାଁନ୍ତି, ତେବେ ଏହି ବିଷୟରେ ଆଲୋଚନା ହେବା ଉଚିତ୍।
ସେ ଦୃଢ ଭାବରେ କହିଛନ୍ତି, “କାଶ୍ମୀରରେ ଆମର ଏପରି ମନ୍ଦିର ଅଛି ଯେଉଁଠାରେ ପ୍ରତିଦିନ ବହୁ ସଂଖ୍ୟକ ବିଦେଶୀ ପରିଦର୍ଶନ କରିବାକୁ ଆସନ୍ତି। ଡ୍ରେସ୍ କୋଡ୍ ଲାଗୁ କରିବା ଅର୍ଥ ସେମାନଙ୍କୁ ଦର୍ଶନ କରିବାର ସୁଯୋଗରୁ ବଞ୍ଚିତ କରିବ। ”ଅତୀତରେ ନାଗପୁରର ଅନେକ ମନ୍ଦିର, ବାରସାନାର ରାଧାରାଣୀ ମନ୍ଦିର ଏବଂ ଶାମଲିରେ ହନୁମାନ ଧାମ ମଧ୍ୟ ଏହିପରି ପଦକ୍ଷେପ ନେଇଛନ୍ତି।
