ମୋଦୀ ସରକାରଙ୍କ ଏହି ଯୋଜନାରେ ପ୍ରତି ମାସରେ ମିଳିବ ୫ ହଜାର ଟଙ୍କା, ଏପର୍ଯ୍ୟନ୍ତ ୪ କୋଟି ଲୋକ ପଞ୍ଜୀକୃତ କଲେଣି
ନୂଆଦିଲ୍ଲୀ: ସାଧାରଣ ଲୋକମାନଙ୍କୁ ସୁବିଧା ସୁଯୋଗ ଦେବା ଲାଗି କେନ୍ଦ୍ର ସରକାର ଅନେକ ପ୍ରକାର ଯୋଜନା ଚଳାଇଛନ୍ତି। ଏହାରି ମଧ୍ୟରୁ ମୋଦି ସରକାରଙ୍କ ଏପରି ଏକ ଯୋଜନା ରହିଛି ଯାହା ଦ୍ୱାରା ପ୍ରତ୍ୟେକ ମାସରେ ଲୋକମାନେ ୫ ହଜାର ତାଙ୍କ ଲେଖାଏଁ ପାଇପାରିବେ। ତେବେ ବୃଦ୍ଧାବସ୍ଥାରେ ସୁଖମୟ ଜୀବନଯାପନ କରିବା ପ୍ରତ୍ୟେକ ମଣିଷର ସ୍ୱପ୍ନ ହୋଇଥାଏ। ଏହି ସମୟରେ ଘରଠାରୁ ବାହାରେ ସବୁକିଛି ସମାଧାନ ହେବା ଉଚିତ ଏବଂ ଖର୍ଚ୍ଚ ବିଷୟରେ ଚିନ୍ତା କରିବା ଉଚିତ୍ ନୁହେଁ। ଯଦି ଆପଣ ମଧ୍ୟ ସମାନ ଜୀବନ ଚାହୁଁଛନ୍ତି, ତେବେ ଅଟଳ ପେନସନ ଯୋଜନା ଆପଣଙ୍କ ପାଇଁ ଉପଯୋଗୀ ହୋଇପାରେ। ଯେଉଁମାନେ ଅବସର ପରେ ଏକ ସୁରକ୍ଷିତ ଜୀବନ ପାଇବାକୁ ଇଚ୍ଛା କରନ୍ତି, ସେମାନେ ଅଟଳ ପେନସନ ଯୋଜନାରେ ବିନିଯୋଗ କରିପାରିବେ। ଏଠାରେ ବିନିଯୋଗ କରି ଆପଣ ପ୍ରତି ମାସରେ ୫ ହଜାର ଟଙ୍କା ପେନସନ ପାଇପାରିବେ।
ଏପର୍ଯ୍ୟନ୍ତ ଏହି ଯୋଜନାରେ ୪ କୋଟିରୁ ଅଧିକ ଲୋକେ ଯୋଗ ହୋଇଛନ୍ତି। ଏହି ଯୋଜନାରେ ଯୋଗ ଦେଉଥିବା ଲୋକଙ୍କ ସଂଖ୍ୟା ବର୍ଷକୁ ବର୍ଷ ବୃଦ୍ଧି ପାଉଛି। ପେନସନ ପାଣ୍ଠି ନିୟାମକ (PFRDA) ଅନୁଯାୟୀ, ୨୦୨୧-୨୨ ଆର୍ଥିକ ବର୍ଷରେ ୯୯ ଲକ୍ଷରୁ ଅଧିକ ଲୋକ (ପ୍ରାୟ ୧ କୋଟି) APY ଖାତା ଖୋଲିଛନ୍ତି।
ଏହା ପରେ, ଏହି ଯୋଜନାର ଗ୍ରାହକ ସଂଖ୍ୟା ୩୧ ମାର୍ଚ୍ଚ ୨୦୨୨ ପର୍ଯ୍ୟନ୍ତ ୪.୦୧ କୋଟିକୁ ବୃଦ୍ଧି ପାଇଛି। ଏହି ଯୋଜନା ୨୦୧୫ ରେ କେନ୍ଦ୍ର ସରକାର ଆରମ୍ଭ କରିଥିଲେ। ୨୦୧୮-୧୯ ରେ, ୭୦ ଲକ୍ଷ ଗ୍ରାହକ ଏହି ଯୋଜନା ସହିତ ସଂଯୁକ୍ତ ହୋଇଥିଲେ। ଏହା ପରେ, ୨୦୨୦-୨୧ ରେ ୭୯ ଲକ୍ଷ ଲୋକ ଏହି ଯୋଜନାରେ ଯୋଗ ଦେଇଥିଲେ। ବର୍ତ୍ତମାନ ୨୦୨୧-୨୨ ମସିହା ସୁଦ୍ଧା ଏହି ଯୋଜନାରେ ଯୋଗ ଦେଉଥିବା ଲୋକଙ୍କ ସଂଖ୍ୟା ଏକ କୋଟି ଅତିକ୍ରମ କରିଛି।
ଅସଂଗଠିତ କ୍ଷେତ୍ରରେ କାର୍ଯ୍ୟ କରୁଥିବା ଲୋକଙ୍କୁ ଧ୍ୟାନରେ ରଖି ମୋଦୀ ସରକାର ଅଟଳ ପେନ୍ସନ୍ ଯୋଜନା (APY) ଆରମ୍ଭ କରିଥିଲେ। କିନ୍ତୁ ପରେ ଏହାକୁ ପରିବର୍ତ୍ତନ କରାଯାଇଥିଲା ଏବଂ ବର୍ତ୍ତମାନ ୧୮ ରୁ ୪୦ ବର୍ଷ ମଧ୍ୟରେ ଯେକୌଣସି ଭାରତୀୟ ନାଗରିକ ଏଥିରେ ପଞ୍ଜୀକୃତ ହୋଇପାରିବେ। ଆପଣ ବ୍ୟାଙ୍କ କିମ୍ବା ଡାକଘର ଆକାଉଣ୍ଟ ମାଧ୍ୟମରେ ଅଟଳ ପେନସନ ଯୋଜନାରେ ଯୋଗଦାନ କରିପାରିବେ।
ଏହି ଯୋଜନାରେ, ୬୦ ବର୍ଷ ବୟସ ପରେ ପେନସନ ଆସିବା ଆରମ୍ଭ କରିବ। ଏଥିରେ ଆପଣଙ୍କୁ କେତେ ବିନିଯୋଗ କରିବାକୁ ପଡିବ ତାହା ଆପଣଙ୍କ ବୟସ ଉପରେ ନିର୍ଭର କରେ। APY ରେ, ଆପଣ ସର୍ବନିମ୍ନ ମାସିକ ୧୦୦୦ ପେନସନ ଏବଂ ମାସକୁ ସର୍ବାଧିକ ୫୦୦୦ ଟଙ୍କା ପାଇବେ।
ଆପଣ ଯେତେ ଶୀଘ୍ର ଏହି ଯୋଜନାରେ ବିନିଯୋଗ ଆରମ୍ଭ କରିବେ, ସେତେ ଅଧିକ ଲାଭ ପାଇବ। ୧୮ ବର୍ଷ ବୟସରେ ଏହି ଯୋଜନାରେ ଯୋଗଦେବା ପାଇଁ ଆପଣଙ୍କୁ ୬୦ ବର୍ଷ ବୟସ ପର୍ଯ୍ୟନ୍ତପ୍ରତି ମାସରେ ୨୧୦ ଟଙ୍କା ଜମା କରିବାକୁ ପଡିବ। ଏହା ସହିତ ଆପଣ ୬୦ ବର୍ଷ ବୟସ ପରେ ପ୍ରତି ମାସରେ ୫୦୦୦ ଟଙ୍କା ପାଇବେ। ସେହିଭଳି ୧୦୦୦ ଟଙ୍କା ପେନସନ ପାଇଁ, ମାସିକ ୪୨ ଟଙ୍କା, ମାସିକ ୨୦୦୦ ପେନସନ ପାଇଁ ୮୪ ଟଙ୍କା, ୩୦୦୦ ଟଙ୍କା ପେନ୍ସନ୍ ପାଇଁ ୧୨୬ ଟଙ୍କା ଏବଂ ୪୦୦୦ ଟଙ୍କା ପେନ୍ସନ୍ ପାଇଁ ୧୬୮ ଟଙ୍କା ପ୍ରତି ମାସରେ ଜମା କରିବାକୁ ପଡିବ।
