କ୍ରୋଧ ସମୟରେ ବିଚାର ଶକ୍ତି ଠିକ୍ ନ ଥାଏ; କିଛି କରିବା ଆଗରୁ ଜାଣି ରଖନ୍ତୁ ଏସବୁ କଥା…
ଓଡ଼ିଶା ଭାସ୍କର: ବିବାହିତ ଦମ୍ପତି ଓ ପ୍ରେମୀଯୁଗଳ ସେମାନଙ୍କ ସମ୍ପର୍କକୁ ମଜବୁତ କରିବା ପାଇଁ ଅନେକ ପଦକ୍ଷେପ ନିଅନ୍ତି । ବିବାହ ଉଭୟ ପତି ଓ ପତ୍ନୀଙ୍କ ପାଇଁ ଏକ ଗୁରୁତ୍ୱପୂର୍ଣ୍ଣ ଦାୟିତ୍ୱ । ବେଳେବେଳେ ସାମାନ୍ୟ କାରଣକୁ ନେଇ ଉଭୟଙ୍କ ମଧ୍ୟରେ କଳହ ସୃଷ୍ଟି ହୋଇଥାଏ । ତେବେ ସେଥିପାଇଁ ଅନେକ କଥାକୁ ଆମକୁ ଧ୍ୟାନ ଦେବା ଦରକାର । କୁହାଯାଏ, ଯଦି ମଣିଷର ବୈବାହିକ ଜୀବନ ଖୁସିରେ ଚାଲେ, ତେବେ ସ୍ୱର୍ଗ ସୁଖ ଅନୁଭବ କରିହୁଏ । ଆସନ୍ତୁ ଜାଣିବା, ଏକ ସୁଖୀ ଦାମ୍ପତ୍ୟ ଜୀବନ ପାଇଁ କଣ ସବୁ କରିବା ଉଚିତ ।
– କୁହାଯାଏ, ଭଲ ଭାବରେ ଯୋଗାଯୋଗ ରକ୍ଷା କରିବା ହେଉଛି ସବୁ ସମ୍ପର୍କର ମୂଳ ମନ୍ତ୍ର । ସେଥିପାଇଁ ସ୍ୱାମୀ ସ୍ତ୍ରୀ ପରସ୍ପର ସହିତ ଉତ୍ତମ ବାର୍ତ୍ତାଳପ କରନ୍ତୁ । ଭଲମନ୍ଦ, ସୁଖଦୁଃଖ ବିଷୟରେ ଆଲୋଚନା କରନ୍ତୁ । ପରସ୍ପରକୁ ଆଭଏଡ କରିବା ଦ୍ୱାରା ଛୋଟ କଥା ବିବାଦରେ ପରିଣତ ହୋଇଥାଏ ।
– ଅଧିକାଂଶ ସମୟରେ ଦେଖାଯାଇଥାଏ କି ପତି ପତ୍ନୀ ଏକାକୀ ରହିବା ସମୟରେ ଅନ୍ୟ ବିଷୟରେ ଆଲୋଚନା କରିଥାନ୍ତି । ଏପରି କରିବା ଆଦୌ ଉଚିତ ନୁହେଁ । ଦୁଇଜଣ ଏକାଠି ବିଛଣାରେ ରହିଥିବା ସମୟରେ ତୃତୀୟ ବ୍ୟକ୍ତିଙ୍କ ବିଷୟରେ ଆଲୋଚନା କରିବା ଅନୁଚିତ । ଏପରି କରିବା ଦ୍ୱାରା ବୈବାହିକ ଜୀବନରେ ଅଶାନ୍ତି ଆସିଥାଏ ।
– ପ୍ରତ୍ୟେକ ପରିବାରରେ ଆର୍ଥିକ ସମସ୍ୟା ଥାଏ । ତେବେ ପରିବାରର ଖର୍ଚ୍ଚ, ରୋଜଗାର, ବଜେଟ, ସଞ୍ଚୟ ଆଦି ବିଷୟରେ ପ୍ରଥମରେ ପତି ପତ୍ନୀ ଆଲୋଚନା କରି ନିଷ୍ପତ୍ତି ଗ୍ରହଣ କରିବା ଉଚିତ । କାରଣ ଆର୍ଥିକ କ୍ଷେତ୍ରରେ ଗୋପନୀୟତା ଭବିଷ୍ୟତରେ ବିବାଦର ରୂପ ନେଇଥାଏ ।
