କୋଟିଆ ପଞ୍ଚାୟତ ନିର୍ବାଚନ: ଫେଲ୍ ମାରିଲେ ସର୍ବଦଳୀୟ ପ୍ରାର୍ଥୀ, ବିଜୟୀ ହେଲେ ସ୍ୱାଧୀନ ପ୍ରାର୍ଥୀ

ସରିଛି ପଞ୍ଚାୟତ ନିର୍ବାଚନ ମତଦାନ । ଚାଲିଛି ଭୋଟ ଗଣତି । ଅନେକ ସ୍ଥାନରେ ବିଜେଡି ଆଗରେ ରହିଛି, ମିଳିଥିବା ସୂଚନା ଅନୁଯାୟୀ ୨୭୯ ଜିଲ୍ଲା ପରିଷଦ ସିଟ୍ ସହ ଆଗରେ ରହିଛି ବିଜେଡି । ତେବେ ଏହାରି ମଧ୍ୟରେ ଆସିଛି ଏକ ରୋଚକ ଖବର । କୋଟିଆରେ ବିଜୟୀ ହୋଇଛନ୍ତି ସ୍ୱାଧୀନ ପ୍ରାର୍ଥୀ ।

ପୂର୍ବରୁ କୋଟିଆରେ ନିର୍ବାଚନ ପ୍ରସଙ୍ଗରେ ସର୍ବଦଳୀୟ ନେତାଙ୍କୁ ପ୍ରାର୍ଥୀ କରିବାକୁ ନିଷ୍ପତ୍ତି ହୋଇଥିବାବେଳେ ଏବେ ତାହାର କିଛି ଓଲଟା ଚିତ୍ର ଦେଖିବାକୁ ମିଳିଛି । ସର୍ବଦଳୀୟ ପ୍ରାର୍ଥୀଙ୍କୁ ପସନ୍ଦ କରିନାହାଁନ୍ତି କୋଟିଆବାସୀ । ଆଉ ସ୍ୱାଧୀନ ପ୍ରାର୍ଥୀଙ୍କୁ ଦେଇଛନ୍ତି ଭୋଟ । ବିଜୟୀ ହୋଇଛନ୍ତି ସ୍ୱାଧୀନ ପ୍ରାର୍ଥୀ । ପଟାଙ୍ଗୀ ଜୋନ୍-୧ ଜିଲ୍ଲା ପରିଷଦ ସଭ୍ୟ ପାଇଁ ନିର୍ବାଚନରେ ଜିତିଛନ୍ତି ଟିକାଇ ଗେମେଲ ।

ପଟାଙ୍ଗୀ ଜୋନ 1 ରେ ଟିକାଇ ଗେମେଲ 3700 ଭୋଟ୍ ବ୍ୟବଧାନରେ ଜିତିଛନ୍ତି । ଟିକାଇ ଗେମେଲଙ୍କୁ 10354 ଭୋଟ୍ ମିଳିଥିବାବେଳେ ସର୍ବଦଳୀୟ ପ୍ରାର୍ଥୀନୀ ମମତା ଯାନୀ ପାଇଛନ୍ତି 6644 ଭୋଟ୍ ।