ବିଜେପି @୪୦, ବିଶ୍ୱ ପାଇଁ ଭାରତ ଉଦାହରଣ ସୃଷ୍ଟି କରିଛି: ପ୍ରଧାନମନ୍ତ୍ରୀ
ନୂଆଦିଲ୍ଲୀ, ୬ା୪: ବିଜେପିର ୪୦ତମ ସ୍ଥାପନା ଦିବସରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଦେଶବାସୀଙ୍କୁ ସମ୍ବୋଧନ କରିଛନ୍ତି । ସେ କହିଛନ୍ତି ବର୍ତ୍ତମାନ ପୁରା ବିଶ୍ୱ କଠିନ ସମୟ ଦେଇ ଗତି କରୁଛି । ଏବେ ସମଗ୍ର ମାନବ ଜାତି ଉପରେ ସଙ୍କଟ ଆସିଛି । ବିଜେପି ଦଳ ଅନେକ ତ୍ୟାଗ ଓ ବଳିଦାନ ଦେଇଛି ବୋଲି ମୋଦି କହିଛନ୍ତି । ଆମକୁ ସଂଗଠନ, ସମର୍ପଣ ଓ ସେବାର ମନ୍ତ୍ର ମିଳିଛି ବୋଲି ସେ କହିଛନ୍ତି । କରୋନା ସହ ଲଢ଼େଇରେ ବିଶ୍ୱ ଆଗରେ ଭାରତ ଉଦାହରଣ ସୃଷ୍ଟି କରିଛି । ଆମେ ରାଜ୍ୟ ସରକାରଙ୍କ ସହ ମିଶି କରୋନା ସହ ଲଢ଼େଇ କରୁଛୁ ବୋଲି ମୋଦି କହିଛନ୍ତି । କରୋନା ସହ ଲଢ଼େଇରେ ଡ଼ବ୍ଲୁଏଚଓ ମଧ୍ୟ ଆମ ଦେଶର ପ୍ରଶଂସା କରିଛି । ଗତକାଲି ରାତିରେ ଦେଶର ବିରାଟ ରୂପର ଦର୍ଶନ ମିଳିଥିଲା । ବିଜେପି କାର୍ଯ୍ୟକର୍ତ୍ତାଙ୍କ ଉପରେ ଦେଶ ଓ ମାନବ ସେବାର ଦାୟିତ୍ୱ ରହିଛି । ଆମ ପାଇଁ ଦେଶ ଦଳଠାରୁ ଉଦ୍ଧ୍ୱର୍ରେ ବୋଲି ମୋଦି କହିଛନ୍ତି ।
Addressing BJP Karyakartas. #BJPat40 https://t.co/aTZDkj3AA4
— Narendra Modi (@narendramodi) April 6, 2020
