ଆମେରିକାରେ ହିନ୍ଦୁ ମନ୍ଦିରରେ ଭଙ୍ଗାରୁଜା କଲେ ଖାଲିସ୍ତାନୀ ସମର୍ଥକ: କାନ୍ଥରେ ଲେଖିଲେ ଭାରତ ବିରୋଧୀ ସ୍ଲୋଗାନ

ନୂଆଦିଲ୍ଲୀ: ଆମେରିକାରେ ଖାଲିସ୍ତାନୀମାନଙ୍କର ଆଉ ଏକ ଲଜ୍ଜାଜନକ କାର୍ୟ୍ୟକଳାପ ସାମ୍ନାକୁ ଆସିଛି। ଖାଲିସ୍ତାନୀମାନେ ସେଠାରେ ଥିବା ଏକ ହିନ୍ଦୁ ମନ୍ଦିରକୁ ଟାର୍ଗେଟ କରି ସେଠାରେ ଭଙ୍ଗାରୁଜା କରିଥିଲେ। ଏହା ସହିତ ମନ୍ଦିର କାନ୍ଥରେ ଭାରତ ବିରୋଧୀ ସ୍ଲୋଗାନ ମଧ୍ୟ ଲେଖାଯାଇଥିଲା। ବର୍ତ୍ତମାନ ଭାରତ ଏହି ଆକ୍ରମଣକୁ ନିନ୍ଦା କରିବା ସହିତ ଆମେରିକାର କର୍ତ୍ତୃପକ୍ଷଙ୍କ ତଦନ୍ତ ଏବଂ ଏହି ଘଟଣାର ଅଭିଯୁକ୍ତଙ୍କ ବିରୋଧରେ ତୁରନ୍ତ କାର୍ୟ୍ୟାନୁଷ୍ଠାନ ଦାବି କରିଛି।

ମିଳିଥିବା ସୂଚନା ଅନୁଯାୟୀ, ଏହି ଘଟଣା ଆମେରିକାର କାଲିଫର୍ନିଆର ନ୍ୟୁୟର୍କ ସହରରେ ଘଟିଥିଲା । ଖାଲିସ୍ତାନୀ ସମର୍ଥକମାନେ ଏଠାରେ ସ୍ୱାମୀନାରାୟଣ ମନ୍ଦିର ଉପରେ ଆକ୍ରମଣ କରିଥିଲେ । ତେବେ ମନ୍ଦିର କାନ୍ଥରେ କଳା ରଙ୍ଗର ସ୍ପ୍ରେ ଦ୍ୱାରା ଭାରତ ଏବଂ ପ୍ରଧାନମନ୍ତ୍ରୀ ମୋଦୀଙ୍କ ବିରୋଧରେ ସ୍ଲୋଗାନ ଲେଖାଯାଇଥିଲା। ମନ୍ଦିରର ଫଟୋଗୁଡ଼ିକ ହିନ୍ଦୁ ଆମେରିକା ଫାଉଣ୍ଡେସନ୍ ଦ୍ୱାରା ସୋସିଆଲ୍ ମିଡିଆ ପ୍ଲାଟଫର୍ମ ‘ଘ’ରେ ମଧ୍ୟ ସେୟାର କରାଯାଇଛି ।

ଶନିବାର ଦିନ ସାନ ଫ୍ରାନ୍ସିସ୍କୋରେ ଥିବା ଭାରତୀୟ କନସୁଲେଟ୍ ସ୍ୱାମୀନାରାୟଣ ମନ୍ଦିର ଉପରେ ହୋଇଥିବା ଆକ୍ରମଣକୁ ନିନ୍ଦା କରି କହିଛନ୍ତି ଯେ- “ଏହି ଘଟଣା ଭାରତୀୟ ସମ୍ପ୍ରଦାୟର ଭାବନାକୁ ଆଘାତ ଦେଇଛି।” ତେବେ ଏହି ଘଟଣାର ତ୍ୱରିତ ତଦନ୍ତ ଏବଂ ଅଭିଯୁକ୍ତଙ୍କ ବିରୋଧରେ ତୁରନ୍ତ କାର୍ୟ୍ୟାନୁଷ୍ଠାନ ପାଇଁ ଦୂତାବାସ ମଧ୍ୟ ନିବେଦନ କରିଛି। ହିନ୍ଦୁ ଆମେରିକା ଫାଉଣ୍ଡେସନ ଦ୍ୱାରା ସୋସିଆଲ ମିଡିଆରେ ସେୟାର କରାଯାଇଥିବା ଫଟୋଗୁଡ଼ିକରେ ଦେଖିବାକୁ ମିଳେ ଯେ ମନ୍ଦିର କାନ୍ଥରେ ଭାରତ ବିରୋଧୀ ସ୍ଲୋଗାନ ଲେଖାଯାଇଛି। ଏହା ବ୍ୟତୀତ ଖାଲିସ୍ତାନୀ ଆତଙ୍କବାଦୀ ଜରନୈଲ ସିଂ ଭିଣ୍ଡରାୱାଲେଙ୍କ ନାମ ମଧ୍ୟ କଳା ରଙ୍ଗରେ ଲେଖାଯାଇଛି।
ଖଲିସ୍ତାନୀ ଆତଙ୍କବାଦୀ ଭିଣ୍ଡରାୱାଲେଙ୍କ ନାମ ମନ୍ଦିର ଯାତ୍ରୀମାନଙ୍କ ମଧ୍ୟରେ ହିଂସା ଏବଂ ଭୟ ସୃଷ୍ଟି କରିବା ପାଇଁ ଲେଖାଯାଥିବା ଫାଉଣ୍ଡେସନ କହିଛି। ତେବେ ତୁରନ୍ତ ଏହି ଘଟଣାର ତଦନ୍ତ କରିବାକୁ ହିନ୍ଦୁ ଆମେରିକା ଫାଉଣ୍ଡେସନ୍ ଦାବି କରିଛି। ମନ୍ଦିର ସହ ଜଡିତ ଲୋକମାନେ ମଧ୍ୟ ଏ ସମ୍ପର୍କରେ ପୁଲିସରେ ଅଭିଯୋଗ କରିଛନ୍ତି। ତେବେ ଆମେରିକାରେ ଏହି ଉପାୟରେ ଏକ ହିନ୍ଦୁ ମନ୍ଦିରକୁ ଟାର୍ଗେଟ କରାଯିବା ଏହା ପ୍ରଥମ ଘଟଣା ନୁହେଁ। ଆମେରିକା ପୂର୍ବରୁ କାନାଡା, ବ୍ରିଟେନ ଏବଂ ଅଷ୍ଟ୍ରେଲିଆରେ ମଧ୍ୟ ଏଭଳି ଘଟଣା ଦେଖିବାକୁ ମିଳିଥିଲା।

ଗତ କିଛି ମାସ ମଧ୍ୟରେ ବିଦେଶରେ ଅନେକ ହିନ୍ଦୁ ମନ୍ଦିରକୁ ଟାର୍ଗେଟ କରିବାର ଘଟଣା ଘଟିଛି। କିଛି ସମୟ ପୂର୍ବରୁ, ଖାଲିସ୍ତାନୀ ସମର୍ଥକମାନେ କାନାଡାର ସରେସ୍ଥିତ ମନ୍ଦିର ଫାଟକରେ ପୋଷ୍ଟର ଲଗାଇଥିଲେ। ଏଥିରେ ଆତଙ୍କବାଦୀ ହାର୍ଦ୍ଦିକ ସିଂ ନିଜାରଙ୍କ ମୃତ୍ୟୁର ପ୍ରତିଶୋଧ ନେବା ସମ୍ବନ୍ଧରେ ଲେଖା ହୋଇଥିଲା। ନିଜ୍ଜର ହତ୍ୟା ଘଟଣାରେ କାନଡ଼ା ଭାରତକୁ ଦୋଷ ଦେଇଥିଲେ ମଧ୍ୟ ଉପଯୁକ୍ତ ପ୍ରମାଣ ଅଭାବରୁ ଏହି ଅଭିଯୋଗକୁ ପ୍ରମାଣ କରିପାରିନଥିଲା । ତେବେ ଏହା ପରେ ଖାଲିସ୍ତାନୀମାନେ ଅନେକ ଥର ବିଦେଶରେ ଭାରତୀୟ ମନ୍ଦିର ଉପରେ ଆକ୍ରମଣ କରିଥିବା ଦେଖାଯାଉଛି ।