କ୍ରୀଡା ମନ୍ତ୍ରଣାଳୟର ବଡ଼ ନିଷ୍ପତି: ୨୦୨୨ ଏସିଆନ ଗେମ୍ସ ରେ ଅଂଶଗ୍ରହଣ କରିବେ ଭାରତୀୟ ପୁରୁଷ, ମହିଳା ଫୁଟବଲ ଦଳ
ନୂଆଦିଲ୍ଲୀ: ଚୀନ୍ର ହଙ୍ଗଝୁ ସହରରେ ସେପ୍ଟେମ୍ବର ଅନୁଷ୍ଠିତ ହେବାକୁ ଥିବା ୨୦୨୨ ଏସିଆନ୍ ଗେମ୍ସରେ ଭାଗ ନେବେ ଭାରତୀୟ ପୁରୁଷ ଏବଂ ମହିଳା ଫୁଟବଲ୍ ଟିମ୍। କ୍ରୀଡ଼ା ମନ୍ତ୍ରଣାଳୟ ଏକ ଗୁରୁତ୍ୱପୁର୍ଣ୍ଣ ନିଷ୍ପତି କ୍ରମେ ଏହି ରିହାତି ପ୍ରଦାନ କରିବା ପରେ ଭାରତୀୟ ଦଳ ଏହି ପ୍ରତିଯୋଗିତାରେ ଭାଗ ନେବେ। ଏସିଆର ଶ୍ରେଷ୍ଠ ଆଠଟି ଦଳ ର୍ୟାଙ୍କିଙ୍ଗ୍ରେ ଭାରତୀୟ ଦଳ ନଥିବାରୁ ପୁର୍ବରୁ ଫୁଟବଲ ଟିମ୍କୁ ଭାରତ ପ୍ରତିଯୋଗିତାରୁ ଦୁରେଇ ରଖିଥିଲା।
ତେବେ ନିକଟ ଅତିତରେ ଉଭୟ ଦଳ ସେମାନଙ୍କର ର୍ୟାଙ୍କିଙ୍ଗ୍ ତୁଳନାରେ ଭଲ ପ୍ରଦର୍ଶନ କରିଥିବାରୁ ଭାରତୀୟ ଫୁଟବଲ୍ ଫେଡେରେସନ୍ (ଏଆଇଏଫଏଫ) କ୍ରୀଡ଼ା ମନ୍ତ୍ରଳାୟକୁ ଉଭୟ ପୁରୁଷ ଏବଂ ମହିଳା ଦଳକୁ ଏହି ପ୍ରତିଯୋଗିତାରେ ଅଂଶ ଗ୍ରହଣ କରିବା ପାଇଁ ଅନୁମତି ଦେବାକୁ ଏକ ବିଶେଷ ଅନୁରୋଧ କରିଥିଲେ। ବର୍ତ୍ତମାନ ପୁରୁଷ ର୍ୟାଙ୍କିଙ୍ଗ୍ରେ ୧୮ ତମ ସ୍ଥାନରେ ଥିବା ବେଳେ ମହିଳା ଦଳ ୧୧ ତମ ସ୍ଥାନରେ ରହିଛନ୍ତି ।
କ୍ରୀଡ଼ାମନ୍ତ୍ରୀ ଅନୁରାଗ ଠାକୁର ଟ୍ୱିଟ୍ କରି ସୂଚନା ଦେଇଛନ୍ତି, ‘ଆମର ଜାତୀୟ ଫୁଟବଲ ଦଳ, ଉଭୟ ପୁରୁଷ ଏବଂ ମହିଳା ଆଗାମୀ ଏସିଆନ୍ ଗେମ୍ସରେ ଅଂଶଗ୍ରହଣ କରିବେ । ଉଭୟ ଦଳ ଏହି ପ୍ରତିଯୋଗିତାରେ ଅଂଶ ଗ୍ରହଣ କରିବା ପାଇଁ ଭାରତ ସରକାର ନିୟମରେ କିଛି ରିହାତି ପ୍ରଦାନ କରିଛନ୍ତି’।
Good news for Indian football lovers!
Our national football teams, both Men’s and Women’s, are set to participate in the upcoming Asian Games.
The Ministry of Youth Affairs and Sports, Government of India, has decided to relax the rules to facilitate participation of both the…
— Anurag Thakur (@ianuragthakur) July 26, 2023
ଗତ କିଛି ମାସ ମଧ୍ୟରେ ପୁରୁଷ ଦଳ ଅନେକ ପ୍ରଭାବଶାଳୀ ପ୍ରଦର୍ଶନ ସହିତ ବ୍ୟାକ୍-ଟୁ-ବ୍ୟାକ୍ ଇଣ୍ଟରକଣ୍ଟିନେଣ୍ଟାଲ୍ କପ୍ ଏବଂ କପ୍ ଜିତିଥିଲେ । ମହିଳା ଦଳ ଏପ୍ରିଲରେ କିର୍ଗିଜସ୍ଥାନକୁ ପରାସ୍ତ କରି ପ୍ରଥମ ରାଉଣ୍ଡ ଅଲିମ୍ପିକ୍ ଯୋଗ୍ୟତା ପର୍ଯ୍ୟାୟ ଜିତିଥିଲା ।
ଏସୀୟ ଗେମ୍ସରେ ଅଂଶଗ୍ରହଣ କରିବାକୁ ଅନୁମତି ଦେବାକୁ ଜାତୀୟ ପୁରୁଷ ଦଳର ମୁଖ୍ୟ ପ୍ରଶିକ୍ଷକ ଇଗୋର ଷ୍ଟିମାକ୍ ମଧ୍ୟ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଏବଂ କ୍ରୀଡ଼ା ମନ୍ତ୍ରୀ ଅନୁରାଗ ଠାକୁରଙ୍କ ହସ୍ତକ୍ଷେପ ପାଇଁ ଅନୁରୋଧ କରିଥିଲେ । ମାନଦଣ୍ଡଚାରଣରୁ ଜାକର୍ତ୍ତାରେ ୨୦୧୮ ଗେମ୍ସରୁ ବାଦ୍ ଦେବା ପରେ ୨୦୧୪ ପରଠାରୁ ଭାରତୀୟ ଦଳ ପ୍ରଥମ ଥର ପାଇଁ ଏସୀୟ ଗେମ୍ସରେ ଖେଳିବ । ଏସିଆନ୍ ଗେମ୍ସରେ ଫୁଟବଲ୍ ହେଉଛି ଏକ ୨୩ ବର୍ଷରୁ କମ୍ ଟୁର୍ନାମେଣ୍ଟ, ତେବେ ଭାରତୀୟ ଦଳରେ ସେହି ବୟସରୁ ଅଧିକ ତିନି ଖେଳାଳିଙ୍କୁ ମଧ୍ୟ ଏହି ଦଳରେ ଅନୁମତି ଦିଆଯାଇଛି ।
