କତାର ମାଷ୍ଟର୍ସ ୨୦୨୩ରେ ନୂଆ ରେକର୍ଡ: ବିଶ୍ୱର ଏକ ନମ୍ବର ଖେଳାଳି କାର୍ଲସେନଙ୍କୁ ହରାଇଲେ ଭାରତୀୟ ଗ୍ରାଣ୍ଡମାଷ୍ଟର
ନୂଆଦିଲ୍ଲୀ: କ୍ରୀଡ଼ା ଜଗତରୁ ଆସିଛି ଏକ ବଡ଼ ଖବର । ଭାରତୀୟ ଚେସ ଗ୍ରାଣ୍ଡମାଷ୍ଟର କାର୍ତ୍ତିକେୟନ ମୁରଲୀ ବିଶ୍ୱର ଏକ ନମ୍ବର ଖେଳାଳି ନରୱେର ମାଗ୍ନସ କାର୍ଲସେନଙ୍କୁ ପରାସ୍ତ କରିଛନ୍ତି । କତାର ମାଷ୍ଟର୍ସ ୨୦୨୩ର ସପ୍ତମ ରାଉଣ୍ଡରେ କାର୍ଲସେନଙ୍କ ବିପକ୍ଷରେ କାର୍ତ୍ତିକେୟନ ଏକ ବଡ଼ ବିଜୟ ହାସଲ କରିଛନ୍ତି । କାର୍ଲସେନଙ୍କ ଗୋଟିଏ ଭୁଲ ତାଙ୍କ ପାଇଁ ମହଙ୍ଗା ପଡ଼ିଥିଲା ।
କତାର ମାଷ୍ଟର୍ସ ୨୦୨୩ରେ ବିଶ୍ୱର ଏକ ନମ୍ବର ଚେସ୍ ତାରକା କାର୍ଲସେନଙ୍କୁ ହରାଇ ଭାରତୀୟ ଗ୍ରାଣ୍ଡମାଷ୍ଟର କାର୍ତ୍ତିକେୟନ ଦେଶ ପାଇଁ ଗୌରବ ଆଣିଛନ୍ତି । କାର୍ଲସେନ ବିଶ୍ୱର ଏକ ନମ୍ବର ଖେଳାଳି ହେବା ପରେ ଦ୍ୱିତୀୟ ଭାରତୀୟ ଭାବେ କ୍ଲାସିକାଲ ଗେମରେ କାର୍ତ୍ତିକେୟନ ଏହି ବିଜୟ ହାସଲ କରିଛନ୍ତି । ତାଙ୍କ ପୂର୍ବରୁ ଆଉ ଦୁଇ ଜଣ ଭାରତୀୟ ପ୍ରଥମେ କାର୍ଲସେନଙ୍କୁ ପରାସ୍ତ କରିଥିେଲେ ।
ପୂର୍ବତନ ବିଶ୍ୱ ଚାମ୍ପିୟନ ତଥା ଅଭିଜ୍ଞ ଖେଳାଳି ବିଶ୍ୱନାଥନ ଆନନ୍ଦ ପୂର୍ବରୁ କ୍ଲାସିକାଲ ଗେମରେ କାର୍ଲସେନଙ୍କୁ ପରାସ୍ତ କରିଥିଲେ । ଦ୍ୱିତୀୟ ଭାରତୀୟ ଭାବେ ୨୪ ବର୍ଷୀୟ କାର୍ତ୍ତିକେୟନ ଏବେ ଏହି ସଫଳତା ହାସଲ କରିଛନ୍ତି । ଏହି ବିଜୟ ପରେ କାର୍ତ୍ତିକେୟନ ୭ରୁ ୫.୫ ସ୍କୋର ହାସଲ କରି ଏସଏଲ ନାରାୟଣ, ଜାଭୋଖିର ସିନ୍ଦାରୋଭ, ଡେଭିଡ ପରଭ୍ୟାନ, ଅର୍ଜୁନ ଏରିଗାଇସି ଓ ନୋଦିରବେକ ୟାକୁ ବୋଏଭେଙ୍କ ପରି ଖେଳାଳିଙ୍କ ସମକକ୍ଷ ହୋଇ ପାରିଛନ୍ତି । କେରଳର ଥାଞ୍ଜୁଭୁରରେ ଜନ୍ମିତ କାର୍ତ୍ତିକେୟନ ୨ ଥର ଭାରତୀୟ ଚାମ୍ପିୟନ ହେବା ସହ ୨୦୧୫ ଓ ୨୦୧୬ରେ କ୍ରମାଗତ ଟାଇଟଲ ହାସଲ କରିଥିଲେ । ସେ ତୃତୀୟ ଭାରତୀୟ ଖେଳାଳି ଭାବେ କାର୍ଲସେନଙ୍କୁ କ୍ଲାସିକାଲ ଗେମରେ ପରାସ୍ତ କରିଛନ୍ତି । ୨୦୦୫ରେ ୧୪ ବର୍ଷୀୟ କାର୍ଲସେନଙ୍କୁ ପେଣ୍ଟାଲା ହରିକ୍ରିଷ୍ଣ ଲାଉସାନେ ୟଙ୍ଗ ମାଷ୍ଟର୍ସ ଟୁର୍ଣ୍ଣାମେଣ୍ଟରେ ପରାସ୍ତ କରିଥିଲେ ।
Grandmaster Karthikeyan Murali has managed to do something extraordinary – something only one Indian player has managed to do so far. After Vishy Anand, Karthikeyan is the second Indian player to defeat the World no.1 Magnus Carlsen in classical chess!
Karthikeyan scored a… pic.twitter.com/OCAchPkOqC
— ChessBase India (@ChessbaseIndia) October 18, 2023
