ଟ୍ରେନରେ ଯାତ୍ରା କରୁଥିବା ବେଳେ କରନ୍ତୁନି ଏହି ୫ଟି ଭୁଲ୍: ନଚେତ୍ ଜୋରିମାନା ସହ ଯିବାକୁ ପଡ଼ିବ ଜେଲ୍

ନୂଆଦିଲ୍ଲୀ: ଦୂର ଯାତ୍ରା ପାଇଁ ଟ୍ରେନ୍ ଲାଭଦାୟକ ବୋଲି ବିବେଚନା କରାଯାଏ । ଆପଣ ମଧ୍ୟ ଅନେକ ଥର ଟ୍ରେନରେ ଯାତ୍ରା କରିଥିବେ । କିନ୍ତୁ ଆପଣ ଜାଣନ୍ତି କି ଟ୍ରେନରେ ଯାତ୍ରା ସମୟରେ ଏପରି ୫ ଟି ବଡ଼ ଅପରାଧ ଅଛି ଯାହାକୁ ଭୁଲରେ ବି କେବେ କରିବା ଉଚିତ୍ ନୁହେଁ, ନଚେତ୍ ଜୋରିମାନା ସହିତ ଆପଣଙ୍କୁ ଜେଲ୍ ଯିବାକୁ ମଧ୍ୟ ପଡିପାରେ । ଆସନ୍ତୁ ଜାଣିବା କ’ଣ ରହିଛି ସେହି ୫ଟି ବଡ଼ ଅପରାଧ…

ରେଳ ପରିସରରେ ସାମଗ୍ରୀ ବିକ୍ରି କରନ୍ତୁ ନାହିଁ :-
ରେଳ ପରିସରରେ ବିନା ଅନୁମତିରେ ସାମଗ୍ରୀ ବିକ୍ରି କରିବା ଏକ ଦଣ୍ଡନୀୟ ଅପରାଧ । ଏହା କରି ରେଳବାଇ ଅଧିନିୟମର ଧାରା ୧୪୪ ଅନୁଯାୟୀ ଆପଣଙ୍କ ବିରୋଧରେ ଏକ ମାମଲା ରୁଜୁ ହୋଇପାରିବ । ଦୋଷୀ ପ୍ରମାଣିତ ହେଲେ ଆପଣଙ୍କୁ ୧ ବର୍ଷ ପର୍ଯ୍ୟନ୍ତ କାରାଦଣ୍ଡ ଏବଂ ୨ ହଜାର ଟଙ୍କା ପର୍ଯ୍ୟନ୍ତ ଜୋରିମାନା ଦେବାକୁ ପଡିବ ।

ୱେଟିଂ ଟିକେଟ୍ ବାତିଲ ହେଲେ ଯାତ୍ରା କରନ୍ତୁ ନାହିଁ :-
ଯଦି ଆପଣ ଅନଲାଇନରେ ଏକ ୱେଟିଂ ଟିକେଟ୍ ନେଇଛନ୍ତି ଏବଂ ଏହା ବାତିଲ ହୋଇଯାଇଛି, ତେବେ ଆପଣ ଏହା ସହିତ ଯାତ୍ରା କରିପାରିବେ ନାହିଁ । ଏପରି କରୁଥିବା ସମୟରେ ଯଦି ଟିଟିଆଇ ହାତରେ ଧରାପଡନ୍ତି, ତେବେ ବିନା ଟିକେଟରେ ଯାତ୍ରା କରୁଥିବା ଅଭିଯୋଗରେ ଯାତ୍ରାର ସମ୍ପୂର୍ଣ୍ଣ ଭଡା ସହିତ ୨୫୦ ଟଙ୍କା ଜୋରିମାନା ଲାଗିଯିବ । ଏହା ସହିତ ଟିଟିଆଇ ଆପଣଙ୍କୁ ପରବର୍ତ୍ତୀ ଷ୍ଟେସନରେ ମଧ୍ୟ ଓହ୍ଲାଇ ଦେଇପାରେ ।

ରେଳ ଟିକେଟ୍ ଦଲାଲି କରୁଥିବା ଧରାପଡିଲେ :-
ରେଳବାଇରେ ଟିକେଟ୍ କେବଳ ପ୍ରାଧିକୃତ କାଉଣ୍ଟର କିମ୍ବା ପ୍ରାଧିକୃତ ଏଜେଣ୍ଟ ମାଧ୍ୟମରେ ବିକ୍ରି ହୋଇପାରିବ । ଯଦି କୌଣସି ବ୍ୟକ୍ତି ବିନା ଅନୁମତିରେ ରେଳ ଟିକେଟ ବିକ୍ରି କରୁଥିବା ଦେଖିବାକୁ ମିଳିବ, ତେବେ ରେଳ ଆଇନର ଧାରା -୧୪୩ ଅନୁଯାୟୀ ଆପଣଙ୍କୁ ଗିରଫ କରାଯାଇପାରେ । ଯଦି ଦୋଷୀ ସାବ୍ୟସ୍ତ ହୁଅନ୍ତି, ତେବେ ଅଭିଯୁକ୍ତଙ୍କୁ ୧୦,୦୦୦ ଟଙ୍କା ଜୋରିମାନା ଏବଂ ୩ ବର୍ଷ ଜେଲଦଣ୍ଡ ମିଳିପାରେ ।

ଟ୍ରେନର ଛାତ ଉପରେ ଯାତ୍ରା ପାଇଁ ଜୋରିମାନା :-
ଟ୍ରେନରେ ଯାତ୍ରା କରିବା ସମୟରେ ଛାତ ଉପରେ ବସି ଯାତ୍ରା କରିବା ବେଆଇନ । ଯଦି ଜଣେ ଯାତ୍ରୀ ଟ୍ରେନର ଛାତ ଉପରେ ଯାତ୍ରା କରୁଥିବାର ଧରାପଡେ, ତେବେ ରେଲୱେ ଆକ୍ଟର ଧାରା -୧୫୬ ଅନୁଯାୟୀ ତାଙ୍କ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରାଯାଇପାରିବ । ଏଭଳି ପରିସ୍ଥିତିରେ ୩ ମାସ ଜେଲଦଣ୍ଡ ଏବଂ ୫୦୦ ଟଙ୍କା ପର୍ଯ୍ୟନ୍ତ ଜୋରିମାନା ଦେବାକୁ ପଡିବ । ତେଣୁ ଟ୍ରେନ୍ ଯାତ୍ରାରେ ଏପରି ଭୁଲ୍ କରନ୍ତୁ ନାହିଁ ।

ବିନା ଅନୁମତିରେ ଅନ୍ୟ କୋଚରେ ଯାତ୍ରା କରନ୍ତୁ ନାହିଁ :-

ଟ୍ରେନରେ ଆପଣଙ୍କୁ ସେହି କୋଚରେ ଯାତ୍ରା କରିବା ଉଚିତ, ଯେଉଁଥି ପାଇଁ ଆପଣ ଟିକେଟ୍ ନେଇଛ । ଯଦି ଆପଣ ଏହା ନକରି ଏକ ଉଚ୍ଚ ଶ୍ରେଣୀ ବିଭାଗରେ ଯାତ୍ରା କରୁଥିବା ଦେଖିବାକୁ ମିଳେ, ତେବେ ରେଳ ନିୟମ ଅନୁଯାୟୀ ଆପଣଙ୍କ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରାଯାଇପାରିବ । ଏପରି ପରିସ୍ଥିତିରେ ଆପଣଙ୍କୁ ଦୀର୍ଘ ଦୂରତା ପାଇଁ ସମ୍ପୂର୍ଣ୍ଣ ଭଡା ଏବଂ ୨୫୦ ଟଙ୍କା ଜୋରିମାନା ଆଦାୟ କରାଯାଇପାରେ ।