ପାଲେଷ୍ଟାଇନ୍ ଦୂତାବାସରେ ଭାରତୀୟ ରାଷ୍ଟ୍ରଦୂତଙ୍କ ମୃତ୍ୟୁ
ନୂଆଦିଲ୍ଲୀ: ପାଲେଷ୍ଟାଇନ୍ ରୁ ଭାରତ ପାଇଁ ଏକ ଦୁଃଖଦ ଖବର ସାମନାକୁ ଆସିଛି । ବୈଦେଶିକ ମନ୍ତ୍ରାଳୟ ପକ୍ଷରୁ ମିଳିଥିବା ସୂଚନା ମୁତାବକ, ପାଲେଷ୍ଟାଇନ୍ ରେ ଭାରତର ରାଜଦୂତ ମୁକୁଲ ଆର୍ଯ୍ୟଙ୍କ ମୃତ୍ୟୁ ହୋଇଯାଇଛି । ରବିବାର ଦିନ ରାମଲ୍ଲା ଦୂତାବାସରେ ତାଙ୍କ ମୃତଦେହ ଠାବ କରାଯାଇଥିଲା । ପାଲେଷ୍ଟାଇନ୍ ରେ ଭାରତୀୟ ରାଜଦୂତଙ୍କ ନିଧନ କୁ ନେଇ ଗଭୀର ଦୁଃଖ ପ୍ରକାଶ କରିଛନ୍ତି ବୈଦେଶିକ ମନ୍ତ୍ରାଳୟ ।
Deeply shocked to learn about the passing away of India’s Representative at Ramallah, Shri Mukul Arya.
He was a bright and talented officer with so much before him. My heart goes out to his family and loved ones.
Om Shanti.— Dr. S. Jaishankar (@DrSJaishankar) March 6, 2022
ପାଲେଷ୍ଟାଇନର ବୈଦେଶିକ ମନ୍ତ୍ରଣାଳୟ ଏକ ପ୍ରେସ ବିଜ୍ଞପ୍ତି ଜାରି କରିଛି ଯେ ପାଲେଷ୍ଟାଇନରେ ଭାରତର ରାଷ୍ଟ୍ରଦୂତ ମୁକୁଲ ଆର୍ୟ୍ୟଙ୍କ ଦେହାନ୍ତ ହୋଇଛି। ଯେଉଁଥିରେ ପାଲେଷ୍ଟାଇନର ବୈଦେଶିକ ବ୍ୟାପାର ମନ୍ତ୍ରଣାଳୟ, ରାଷ୍ଟ୍ରଦୂତ ମୁକୁଲ ଆର୍ୟ୍ୟଙ୍କ ମୃତ୍ୟୁକୁ ନେଇ ଦୁଃଖ ପ୍ରକାଶ କରିଛି । ସେ କହିଛନ୍ତି ଯେ, ଭାରତୀୟ ବୈଦେଶିକ ମନ୍ତ୍ରଣାଳୟ ସହିତ ସରକାରୀ ଯୋଗାଯୋଗ କରୁଛନ୍ତି ଯାହାଦ୍ୱାରା ମୃତ ରାଷ୍ଟ୍ରଦୂତଙ୍କ ଶବକୁ ତାଙ୍କ ଦେଶକୁ ପଠାଯିବା ପାଇଁ ବ୍ୟବସ୍ଥା କରାଯାଇପାରିବ ।
ତେବେ ମୃତ୍ୟୁର କାରଣ ସ୍ପଷ୍ଟ ହୋଇନାହିଁ । ସେ ଭାରତ ଓ ପାଲେଷ୍ଟାଇନ୍ ମଧ୍ୟରେ ସମ୍ପର୍କ ବଢ଼ାଇବାରେ ଦିଗରେ ସକ୍ରିୟ ରହିଥିଲେ । ସେ ଫିଲିସ୍ତାନୀ ସ୍କୁଲର ପିଲାମାନଙ୍କୁ କୋଭିଡ୍ କାରଣରୁ ମାସ୍କ ଓ ସାନିଟାଇଜର୍ ବାଣ୍ଟିଥିଲେ । ଏନେଇ ତାଙ୍କୁ ପାଲେଷ୍ଟାଇନ୍ ର ଅଧିକାରୀ ମାନେ ଖୁବ୍ ପ୍ରଶଂସା କରିଥିଲେ । ମୁକୁଏ ଆର୍ଯ୍ୟ ୨୦୦୮ ବ୍ୟାଚ୍ ର ଭାରତୀୟ ବିଦେଶ ସେବା ଅଧିକାରୀ ଥିଲେ । ସେ କାବୁଲ ଓ ମସ୍କୋରେ ମଧ୍ୟ ମୁତୟନ ହୋଇଥିଲେ । ଏହା ବ୍ୟତୀତ ମୁକୁଲ ପ୍ୟାରିସ୍ ରେ ୟୁନେସ୍କୋ ପାଇଁ ଭାରତର ସ୍ଥାୟୀ ପ୍ରତିନିଧିମଣ୍ଡଳ ରେ ମଧ୍ୟ ସେବା ଦେଇଛନ୍ତି ।
