ଇଣ୍ଡିଗୋର ଦମଦାର ଅଫର, ଟ୍ରେନ ଟିକେଟ ଦାମରେ ପ୍ଲେନରେ କରିପାରିବେ ଯାତ୍ରା

ନୂଆଦିଲ୍ଲୀ: ଆପଣ ବାହାରକୁ ଯିବାକୁ ପ୍ଲାନ କରିଛନ୍ତି କି। ତେବେ ଆପଣଙ୍କ ପାଇଁ ରହିଛି ସୁବର୍ଣ୍ଣ ସୁଯୋଗ। କାରଣ ଟ୍ରେନ ଟିକେଟ ଦାମରେ ଏବେ ଆପଣ ପ୍ଲେନରେ କରିପାରିବେ ଯାତ୍ରା। ଏକଥା ଆପଣଙ୍କୁ ମିଛ ଲାଗୁଥିଲେ ବି ଏହା ସମ୍ପୂର୍ଣ୍ଣ ସତ।

କାହିଁକି ନା ଗ୍ରାହକମାନଙ୍କ ପାଇଁ ଏପରି ଦମଦାର ଅଫର ଆଣିଛି ଇଣ୍ଡିଗୋ। ପ୍ରତିବର୍ଷ ପରି ଚଳିତ ବର୍ଷ ମଧ୍ୟ ଯାତ୍ରୀଙ୍କୁ କମ୍ ଦାମରେ ବିଦେଶ ବୁଲିବାର ସୁଯୋଗ ଦେଇଛି ଇଣ୍ଡିଗୋ। ଦେଶ ହେଉ ଅବା ଦେଶ ବାହାରେ ଅଳ୍ପ ଦାମ ଦେଇ କରିପାରିବେ ଯାତ୍ରା। ଯାହାକୁ ନେଇ ଏବେ ସବୁଠି ଚର୍ଚ୍ଚା ଜୋର ଧରିଛି।

ଇଣ୍ଡିଗୋ ଅଫର: ଯଦି ଦେଖିବା ସମସ୍ତେ ଏହି ଡ଼ିସେମ୍ୱର ଓ ଜାନୁଆରୀ ମାସରେ ବାହାରକୁ ଯିବାକୁ ଅଧିକ ପସନ୍ଦ କରିଥାନ୍ତି। ବାହାରେ ବୁଲାବୁଲି କରି କିଛି ଭଲ ମୂହୂର୍ତ୍ତ ବିତାଇବାକୁ ଇଚ୍ଛା କରିଥାନ୍ତି। ଆଉ ଅଧିକାଂଶ ଲୋକ ଫ୍ଲାଇଟର ଦାମ ନଦେଇପାରିବାରୁ ଟ୍ରେନରେ ଯାତ୍ରା କରିଥାନ୍ତି।

ହେଲେ ଏବେ ଆପଣ ଯେତିକି ଟଙ୍କାରେ ଟ୍ରେନରେ ଯାତ୍ରା କରୁଛନ୍ତି ସେହି ସମାନ ଟଙ୍କାରେ ଫାଇଟରେ ବି ଯାତ୍ରା କରିପାରିବେ। ଆଉ ଏପରି ଦମଦାର ଅଫର ଆଣିଛି ଇଣ୍ଡିଗୋ କମ୍ପାନୀ।

ଟିକେଟ୍ ଦାମ୍ କେତେ: ଯଦି ଦେଖିବା ପ୍ରତିବର୍ଷ ଇଣ୍ଡିଗୋ କମ୍ପାନୀ ଯାତ୍ରୀଙ୍କ ପାଇଁ କିଛି ନା କିଛି ଅଫର ଆଣିଥାଏ। ଠିକ୍ ସେହିପରି ଏବେ ମଧ୍ୟ ଦମଦାର ଅଫର ଘୋଷଣା କରିଛି କମ୍ପାନୀ।

ଇଣ୍ଡିଗୋ ପକ୍ଷରୁ ଦିଆଯାଇଥିବା ଅଫରରେ କୁହାଯାଇଛି କି, ଟ୍ରେନର ସେକେଣ୍ଡ ଏସିରେ ଯିବାକୁ ହେଲେ ଯେତିକି ଟଙ୍କା ଦେବାକୁ ପଡ଼େ ସେତିକି ଟଙ୍କାରେ ପ୍ଲେନରେ ଆପଣ ଯାତ୍ରା କରିପାରିବେ। ଆଉ ରେଲୱେର ଫ୍ଲାଷ୍ଟକ୍ଲାସ ଏସି ଟିକେଟର ଦାମରେ ବିଦେଶ ବୁଲିପାରିବେ ଯାତ୍ରୀ।

ଅର୍ଥାତ୍ ମୋଟାମୋଟି ଭାବରେ କହିବାକୁ ଗଲେ ମାତ୍ର ୧୪୯୯ ଟଙ୍କାରେ ଇଣ୍ଡିଗୋ ନିଜର ଟିକଟ ଯାତ୍ରୀଙ୍କ ଲାଗି ଉପଲବ୍ଧ କରିଛି। ତେଣୁ ଆପଣ ଯେଉଁଠାରେ ବି ଥାଆନ୍ତୁ ନା କାହିଁକି ପ୍ଲେନର ଟିକଟ ସହଜରେ କରିପାରିବେ। ଏବଂ ବାହାରକୁ ଯାତ୍ରା କରିପାରିବେ।

ବିଦେଶ ଟିକେଟରେ ବି ରିହାତି: କେବଳ ଦେଶ ନୁହେଁ ବରଂ ବିଦେଶ ଯିବା ଲାଗି ମଧ୍ୟ ଟିକେଟରେ ରିହାତି ରହିଛି। ୪ ହଜାର ୯୯୯ ଟଙ୍କାରେ ଆପଣ ବିଦେଶ ଭ୍ରମଣ ଲାଗି ଟିକଟ କରିପାରିବେ । ହେଲେ ଏହି ଅଫର ସୀମିତ ସମୟ ପର୍ଯ୍ୟନ୍ତ ରହିଛି ।

ଜାନୁଆରୀ ୨୬ ତାରିଖ ଅର୍ଥାତ୍‌ ଆସନ୍ତାକାଲି ଟିକଟ ରିହାତିର ଶେଷ ଦିନ ବୋଲି କମ୍ପାନୀ ପକ୍ଷରୁ ସ୍ପଷ୍ଟ କରାଯାଇଛି। କିନ୍ତୁ କାଲି ଟିକେଟ କଲେ ବି ଆସନ୍ତା ୧୫ ଦିନ ଭିତରେ ଆପଣ ନିଜ ଗନ୍ତବ୍ୟ ସ୍ଥଳରେ ପହଞ୍ଚିପାରିବେ ।