NEET row; ଡାକ୍ତରୀ ପ୍ରବେଶିକା ପରୀକ୍ଷାରେ ଅନିୟମିତତା: ଯାଞ୍ଚ କରିବା ନେଇ CBIର ଅଭିଯୋଗ
ନୂଆଦିଲ୍ଲୀ: ମେ’ ୨୫ ତାରିଖରେ ଅନୁଷ୍ଠିତ ହୋଇଥିବା ମେଡିକାଲ ପ୍ରବେଶିକା ପରୀକ୍ଷାରେ ଅନିୟମିତତା ନେଇ ସଙ୍ଗୀନ ଅଭିଯୋଗ ଆଣିଛି ସିବିଆଇ । ଏହି ଅନିୟମିତତା ବାବଦରେ ଯାଞ୍ଚ ପାଇଁ ଏଜେନ୍ସିକୁ ଦାୟିତ୍ୱ ହସ୍ତାନ୍ତର ନେଇ କେନ୍ଦ୍ର ଘୋଷଣା କରିବା ପରେ ଅଧିକାରୀଙ୍କ ତରଫରୁ ଏହି ସୂଚନା ଦିଆଯାଇଛି । ଏ ନେଇ ଅଧିକାରୀ କହିଛନ୍ତି ଯେ, କେନ୍ଦ୍ର ଶିକ୍ଷା ମନ୍ତ୍ରାଳୟର ରେଫରେନ୍ସରେ ଅଜ୍ଞାତ ବ୍ୟକ୍ତିଙ୍କ ବିରୋଧରେ ସିବିଆଇ ଏକ ନୂଆ ମାମଲା ରୁଜୁ କରିଛି । ପ୍ରାୟ ୨୪ ଲକ୍ଷ ଛାତ୍ରଛାତ୍ରୀ ଡାକ୍ତରୀ ପ୍ରବେଶିକା ପରୀକ୍ଷା ଦେଇଥିବା ବେଳେ ଅନିୟମିତତା ଅଭିଯୋଗ କରିଛି ସିବିଆଇ ।
ପରୀକ୍ଷାରେ ହେଉଥିବା ଅନିୟମିତତାକୁ ନେଇ ବିଭିନ୍ନ ସହରରେ ବିରୋଧ କରୁଥିବା ଛାତ୍ରଛାତ୍ରୀଙ୍କ ଦାବି ଉପରେ ଗୁରୁତ୍ୱ ଦେବାକୁ ମନ୍ତ୍ରାଳୟକୁ କୁହାଯାଇଛି । ଜଣେ ବରିଷ୍ଠ ଶିକ୍ଷାମନ୍ତ୍ରୀ କହିଛନ୍ତି ଯେ, ମେ’ ୫ ତାରିଖରେ ଅନୁଷ୍ଠିତ ହୋଇଥିବା ନିଟ୍-ୟୁଜି ପରୀକ୍ଷାରେ ବିଭିନ୍ନ ଅନିୟମିତତା, ଚିଟିଙ୍ଗ, ଡୁପ୍ଲିକେଟ୍ ଏବଂ ପ୍ରଶ୍ନପତ୍ର ଲିକ୍ ଭଳି ମାମଲା ରିପୋର୍ଟ କରାଯାଇଛି । ଏହାପରେ ସେ କହିଛନ୍ତି ଯେ, ପରୀକ୍ଷା ପ୍ରକ୍ରିୟା ପରିଚାଳନାରେ ଏଭଳି ଅଭିଯୋଗ ମାମଲାକୁ ନେଇ ଏକ ସମୀକ୍ଷା ବୈଠକ ଅନୁଷ୍ଠିତ ହୋଇଥିଲା । ଏହାର ତଦନ୍ତ ପାଇଁ ସେଣ୍ଟ୍ରାଲ ଇନଭେଷ୍ଟିଗେସନ୍ ବ୍ୟୁରୋ ବା ସିବିଆଇକୁ ମାମଲା ହସ୍ତାନ୍ତର କରାଯିବା ନେଇ ଏହି ବୈଠକରେ ନିଷ୍ପତ୍ତି ନିଆଯାଇଛି ।
CBI registers FIR in connection with alleged irregularities in NEET-UG: Officials
— Press Trust of India (@PTI_News) June 23, 2024
