ଆମେରିକୀୟ ଉତ୍ପାଦ ଉପରେ ସମସ୍ତ ଶୁଳ୍କ ଛାଡ଼ କଲା ଇସ୍ରାଏଲ, କଲା ନୂଆ ରେକର୍ଡ

ନୂଆଦିଲ୍ଲୀ: ଇସ୍ରାଏଲ ଆମେରିକାର ଆମଦାନୀ ସମସ୍ତ ଉତ୍ପାଦ ଉପରେ ଟାରିଫ ଉଠାଇଦେବାର ଘୋଷଣା କରିଛି । ଏହି ଘୋଷଣା ଇସ୍ରାଏଲ ଅର୍ଥ ମନ୍ତ୍ରାଳୟ ସୋମବାର ଦିନ କରିଛି ।

ଏହି ନିଷ୍ପତ୍ତି ପରେ କୃଷି ଉତ୍ପାଦ, ମେସିନାରୀ ଏବଂ ଉପଭୋକ୍ତା ଇଲେକ୍ଟ୍ରୋନିକ୍ସ ସମେତ ସମସ୍ତ ଅମେରିକୀୟ ବସ୍ତୁଗୁଡ଼ିକ ବର୍ତ୍ତମାନ ଇସ୍ରାଏଲରେ ବିନା କୌଣସି ଶୁଳ୍କରେ ପ୍ରବେଶ କରିପାରିବେ ।

ଇସ୍ରାଏଲର ପ୍ରଧାନମନ୍ତ୍ରୀ ବେଞ୍ଜାମିନ ନେତନ୍ୟାହୁ ଏବଂ ତାଙ୍କ ସରକାର ଏହି ନିଷ୍ପତ୍ତି ନେଇଛନ୍ତି । ଏହାର ଉଦ୍ଦେଶ୍ୟ, ବଜାରରେ ପ୍ରତିଯୋଗିତା ବୃଦ୍ଧି କରିବା । ଅର୍ଥବ୍ୟବସ୍ଥାକୁ ଶକ୍ତ କରିବା ଏବଂ ସାଧାରଣ ନାଗରିକଙ୍କ ପାଇଁ ଜୀବନଧାରଣ ମୂଲ୍ୟକୁ ହ୍ରାସ କରିବା ।

ନେତନ୍ୟାହୁ କହିଛନ୍ତି ଯେ, ଏହି ନିଷ୍ପତ୍ତି ଆମ ଅର୍ଥବ୍ୟବସ୍ଥା ଏବଂ ନାଗରିକମାନଙ୍କୁ ଆର୍ଥିକ ଭାବେ ଲାଭ ପହଞ୍ଚାଇବା ବ୍ୟତୀତ, ଆମେରିକା ଏବଂ ଇସ୍ରାଏଲ ମଧ୍ୟରେ ସମ୍ବନ୍ଧକୁ ଆହୁରି ମଜବୁତ କରିବାରେ ସାହାଯ୍ୟ କରିବ ।

ଆମେ ବାଣିଜ୍ୟ ସହ ଜଡ଼ିତ ସମସ୍ୟା ଏବଂ ଶୁଳ୍କକୁ ହଟାଇବା ଲାଗି ଲଗାତାର କାମ କରିବୁ ।