ଲେବାନନ ଉପରେ ଇସ୍ରାଏଲର ରକେଟ ମାଡ, 22 ମୃତ 117 ଆହତ
ନୂଆଦିଲ୍ଲୀ: ଲେବାନନ ଉପରେ ଇସ୍ରାଏଲର ଘନ ଘନ ଆକ୍ରମଣ । ବେରୁଟର ଏକ ଜନବସତି କୋଠା ଉପରେ ରକେଟ ମାଡ ହୋଇଥିବା ସୂଚନା ମିଳିଛି । ତେବେ ଏହି ଏୟାର ଷ୍ଟ୍ରାଇକରେ 22ଜଣଙ୍କ ମୃତ୍ୟୁ ହୋଇଥିବା ବେଳେ ଶତାଧିକ ଆହତ ହୋଇଛନ୍ତି । ଲେବାନନର ଜନସ୍ୱାସ୍ଥ୍ୟ ମନ୍ତ୍ରଣାଳୟ ଅନୁଯାୟୀ, ଲେବାନନର କେନ୍ଦ୍ରୀୟ ବେରୁଟରେ ଥିବା ରସ ଏଲ-ନାବା ନେଇବରହୁଡରେ ଇସ୍ରାଏଲ ଏୟାର ଷ୍ଟ୍ରାଇକ କରିଛି । ଅତି କମରେ 22 ଜଣଙ୍କର ମୃତ୍ୟୁ ଘଟିଥିବା ବେଳେ 117 ଜଣ ଆହତ ହୋଇଛନ୍ତି ।
ତେବେ ପୂର୍ବରୁ ଏନେଇ କୌଣସି ଚେତାବନୀ ଦେଇନଥିବା ବେଳେ ହଠାତ୍ ଗୁରୁବାର ମଧ୍ୟରାତ୍ରରେ ଦୁଇଟି ଆବାସିକ ଅଟ୍ଟାଳିକା ଉପରେ ରକେଟ ମାଡ କରିଥିଲେ । ଦୁଇଟି କୋଠା ମଧ୍ୟରୁ ଗୋଟିଏରେ ବିସ୍ଥାପିତମାନେ ରହୁଥିଲେ । ଏହାର ଭିଡିଓ ମଧ୍ୟ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି । ପ୍ରତ୍ୟକ୍ଷଦର୍ଶୀଙ୍କ କହିବା ଅନୁସାରେ, ରକେଟ ମାଡ ଉପରେ ଆବାସିକ କୋଠା ଗୁଡିକ କମ୍ପନ ହେବା ସହିତ ଧୂଆଁ ବାହାରିଥିଲା । ଏହାପରେ ସ୍ଥାନୀୟ ଲୋକେ ନିଜ ଘର ଛାଡି ଚାଲିଯାଇଥିବା ମଧ୍ୟ ଦେଖାଯାଇଛି ।
