ଶ୍ରୀଲଙ୍କା ସିରିଜ୍ ପାଇଁ ଭାରତୀୟ ଦଳ ଘୋଷଣା: ବୁମରା ଉପ ଅଧିନାୟକ, ରାହାଣେ ଓ ପୂଜାରା ବାଦ
ନୂଆଦିଲ୍ଲୀ: ଆସନ୍ତା ଶ୍ରୀଲଙ୍କା ସିରିଜ ପାଇଁ ଘୋଷଣା ହୋଇଛି ଭାରତୀୟ ଦଳ । ବିରାଟ କୋହଲି ଟି-୨୦ ସିରିଜ୍ ପାଇଁ ବିଶ୍ରାମ ନେଇଥିବା ବେଳେ ଟେଷ୍ଟ ଦଳରୁ ବାଦ ପଡିଛନ୍ତି ଆଜିଙ୍କ୍ୟ ରାହାଣେ ଓ ଚେତେଶ୍ୱର ପୂଜାରା । ଉଭୟ ଟେଷ୍ଟ ଓ ଟି-୨୦ ପାଇଁ ବୁମରାଙ୍କୁ ଉପ ଅଧିନାୟକ ଘୋଷଣା କରାଯାଇଛି । ଖରାପ ଫର୍ମ ଦେଇ ଗତି କରୁଥିବା ରାହାଣେ ଓ ପୂଜାରାଙ୍କୁ ବାଦ ଦିଆଯାଇଥିବା ବେଳେ ଫିଟ ଥିଲେ ଅଶ୍ୱିନଙ୍କୁ ଟେଷ୍ଟ ଦଳରେ ସାମିଲ କରାଯିବ । ଗୁଜରାଟ ଓପ୍ନର ପ୍ରିୟଙ୍କ ପାଞ୍ଚଲଙ୍କୁ ଟେଷ୍ଟ ଦଳରେ ସାମିଲ କରାଯାଇଥିବା ବେଳେ ୟୁପିର ସୌରଭ କୁମାରଙ୍କୁ ପ୍ରଥମ ଥର ପାଇଁ ଭାରତୀୟ ଦଳରେ ଡାକରା ମିଳିଛି ।
ଭାରତୀୟ ଟେଷ୍ଟ ଦଳ: ରୋହିତ ଶର୍ମା, ମୟଙ୍କ ଅଗ୍ରୱାଲ, ପ୍ରିୟଙ୍କ ପାଞ୍ଚଲ, ବିରାଟ କୋହଲି, ଶ୍ରେୟସ ଆୟାର, ହନୁମା ବିହାରୀ, ଶୁବମାନ ଗିଲ୍, ଋଷଭ ପନ୍ତ, କେ ଏସ୍ ଭରତ, ଆର ଅଶ୍ୱିନ(ଫିଟନେସ), ରବୀନ୍ଦ୍ର ଜାଡେଜା, ଜୟନ୍ତ ଯାଦବ, କୁଲଦୀପ ଯାଦବ, ଜସପ୍ରୀତ ବୁମରା, ମହମ୍ମଦ ଶାମି, ମହମ୍ମଦ ସିରାଜ, ଉମେଶ ଯାଦବ ଓ ସୌରଭ କୁମାର ।
ଭାରତୀୟ ଟି-୨୦ ଦଳ: ରୋହିତ ଶର୍ମା, ଇଶାନ କିଶନ, ସୂର୍ଯ୍ୟ କୁମାର ଯାଦବ, ଶ୍ରେୟସ ଆୟର, ଭେଙ୍କଟେଶ ଆୟର, ଦୀପକ ଚହର, ଜସପ୍ରୀତ ବୁମରା, ଭୁବନେଶ୍ୱର କୁମାର, ହର୍ଷଲ ପଟେଲ, ସଞ୍ଜୁ ସାମସନ, ରବୀନ୍ଦ୍ର ଜାଡେଜା, ୟୁଜବେନ୍ଦ୍ର ଚହଲ, ରବି ବିଷ୍ଣୋଇ, କୁଲଦୀପ ଯାଦବ ଓ ଆଭେଶ ଖାନ୍ ।
