ED ଜାଲରେ JDU ବିଧାୟକ ରାଧା ଚରଣ ସାହା; ଜବତ ହେଲା ୨୬ କୋଟି ଟଙ୍କାର ସମ୍ପତ୍ତି
ନୂଆଦିଲୀ: ପ୍ରବର୍ତ୍ତନ ନିର୍ଦ୍ଦେଶାଳୟ (ED ଜାଲରେ JDU ବିଧାୟକ ରାଧା ଚରଣ ସାହା । ରାଧା ଚରଣ ସାହାଙ୍କ ପ୍ରାୟ ୨୬ କୋଟି ଟଙ୍କାର ଦୁଇଟି ଅସ୍ଥାବର ସମ୍ପତ୍ତିକୁ ଜବତ କରିଛି ଇଡି । ମନି ଲଣ୍ଡରିଂ ମାମଲାରେ ଇଡି ଏହି କାର୍ଯ୍ୟାନୁଷ୍ଠାନ ନେଇଛି । ଏହା ପୂର୍ବରୁ ଗତ ବର୍ଷ ସେପ୍ଟେମ୍ବରରେ ଇଡି ଜେଡିୟୁ ବିଧାୟକ ରାଧା ଚରଣ ସାହାଙ୍କୁ ଗିରଫ କରିଥିଲା । ରାଧା ଚରଣ ସାହାଙ୍କୁ ଆରାସ୍ଥିତ ତାଙ୍କ ବାସଭବନରୁ ଗିରଫ କରାଯାଇଥିଲା ।
ED has provisionally attached 02 immovable properties to the extent of Rs. 26.19 Crore acquired by Radha Charan Sah, MLC, Bihar Legislative Council under the PMLA, 2002, in connection with money laundering case against M/s Broadsons Commodities Pvt Ltd.
— ED (@dir_ed) February 6, 2024
ସୂଚନା ଅନୁଯାୟୀ, ରାଧା ଚରଣ ସାହାଙ୍କୁ ମନି ଲଣ୍ଡରିଂ ମାମଲାରେ ଗିରଫ କରାଯାଇଥିଲା । ଜନତା ଦଳ ୟୁନାଇଟେଡରେ ଯୋଗ ଦେବା ପୂର୍ବରୁ ରାଧା ଚରଣ ସେଠ ବିହାର ବିଧାନ ପରିଷଦର ସଦସ୍ୟ ଅର୍ଥାତ ଆରଜେଡିରୁ ଏମଏଲସି ଥିଲେ । ସେଠ୍ ଜୀ ନାମରେ ପରିଚିତ ରାଧା ଚରଣ ସାହ ଜୁନ୍ ୨୦୨୦ରେ ବିହାର ବିଧାନ ପରିଷଦ ନିର୍ବାଚନ ପୂର୍ବରୁ ରାଷ୍ଟ୍ରୀୟ ଜନତା ଦଳ ଛାଡ଼ି ଜେଡିୟୁରେ ଯୋଗ ଦେଇଥିଲେ ।
ଏହା ପୂର୍ବରୁ ଗତ ବର୍ଷ ଫେବ୍ରୁଆରି ଓ ଜୁନ୍ ମାସରେ ଇଡି ଓ ଆୟକର ବିଭାଗ ରାଧା ଚରଣ ସେଠଙ୍କ ସହ ଜଡ଼ିତ ସ୍ଥାନରେ ଚଢ଼ାଉ କରିଥିଲା । ମିଳିଥିବା ସୂଚନା ଅନୁଯାୟୀ, ଜଲାପି ବିକ୍ରି ବ୍ୟବସାୟ ଆରମ୍ଭ କରିଥିବା ରାଧା ଚରଣ ସେଠ୍ ପରେ ଖଣି, ହୋଟେଲ, ରେସ୍ତୋରାଁ ବ୍ୟବସାୟ ସମେତ ଅନେକ ପ୍ରକାର ବ୍ୟବସାୟରେ ଯୋଗ ଦେଇଥିଲେ ।
