ଜୁଲାଇ ୨୦ରୁ JEE ମେନ୍

ନୂଆଦିଲ୍ଲୀ: JEE ମେନ୍ ପରୀକ୍ଷା ତାରିଖ ଆଜି ଘୋଷଣା ହୋଇଛି । ଜୁଲାଇ ୨୦ରୁ ୨୫ ତାରିଖ ମଧ୍ୟରେ ଜେଇଇ ମେନ୍ ସେସନ୍-୩ ପରୀକ୍ଷା ହେବ । ସେହିପରି ଜେଇଇ ମେସନ୍-୪ ପରୀକ୍ଷା ଜୁଲାଇ ୨୭ରୁ ଅଗଷ୍ଟ ୨ ମଧ୍ୟରେ ହେବ । ଏନେଇ କେନ୍ଦ୍ର ଶିକ୍ଷାମନ୍ତ୍ରୀ ରମେଶ ପୋଖରିଆଲ ନିଶଙ୍କ ସୂଚନା ଦେଇଛନ୍ତି ।

ତେବେ କରୋନା ଯୋଗୁ ଯେଉଁ ଛାତ୍ରଛାତ୍ରୀ ମାନେ ରେଜିଷ୍ଟର୍ କରିପାରିନଥିଲେ, ସେମାନେ ପୁଣିଥରେ ଆବେଦନ କରିପାରିବେ। ତୃତୀୟ ସେସନ୍ ପାଇଁ ଆବେଦନ ଜୁଲାଇ ୬ରୁ ଜୁଲାଇ ୮ ତାରିଖ ଭିତରେ କରିପାରିବେ। ସେହିପରି ଚତୁର୍ଥ ସେସନ୍ ପାଇଁ ଜୁଲାଇ ୯ରୁ ୧୨ ତାରିଖ ଭିତରେ ଆବେଦନ କରିପାରିବେ। ରେଜିଷ୍ଟ୍ରେସନ୍ ସମୟରେ ପ୍ରାର୍ଥୀମାନେ ନିଜ ପସନ୍ଦର ପରୀକ୍ଷା କେନ୍ଦ୍ର ମଧ୍ୟ ବଦଳାଇ ପାରିବେ ବୋଲି ଶିକ୍ଷାମନ୍ତ୍ରୀ କହିଛନ୍ତି।