Jio ଆଣିଲା ଶସ୍ତା ରିଚାର୍ଜ ପ୍ଲାନ, ମାତ୍ର ଏତିକି ଟଙ୍କାରେ ଚାଲିବ 28 ଦିନ…ସରିବନି ଡାଟା!
ନୂଆଦିଲ୍ଲୀ: ଗତ କିଛି ଦିନ ପୂର୍ବରୁ ଜିଓ ନିଜର ରିଚାର୍ଜ ପ୍ଲାନରେ ବୃଦ୍ଧି କରିବା କାରଣରୁ ଅନେକ ୟୁଜର୍ସ ଜିଓ ଛାଡି ଅନ୍ୟ ଟେଲିକମ୍ ସଂସ୍ଥା ସହିତ ଯୋଡି ହୋଇଥିଲେ । ଏହାରି ଭିତରେ ପୁଣି ଥରେ ଜିଓ ନିଜର ୟୁଜର୍ସମାନଙ୍କୁ ନିଜ ଆଡକୁ ଆକୃଷ୍ଟ କରିବା ପାଇଁ ଚେଷ୍ଟା ଜାରି ରଖିଛି । ଜିଓ ଏଭଳି ଏକ ଶସ୍ତା ରିଚାର୍ଜ ପ୍ଲାନ ଆରମ୍ଭ କରିଛି ଯେଉଁଥରେ 1 ଜିବି ଡାଟା ସହିତ ଅନେକ କିଛି ମିଳୁଛି । ଯଦି ଜଣେ ୟୁଜର୍ସ ଦୈନିକ 1ଜିବି ଡାଟା ଚାହୁଁଛନ୍ତି, ତେବେ କମ୍ପାନୀ ପକ୍ଷରୁ ଅନେକ ଅପ୍ସନ ପ୍ରଦାନ କରାଯାଉଛି ।
କମ୍ପାନୀର ସବୁଠାରୁ ଶସ୍ତାପ୍ଲାନର ଦାମ୍ 209 ଟଙ୍କା ରହିଛି । ଏହା ଦ୍ବାରା ଦୈନିକ 1ଜିବି ଡାଟା ମିଳିବ । ଏହି ପ୍ଲାନର ଭାଲିଡିଟି 22 ଦିନ ଅଟେ । ଏଥିରେ ଅନଲିମିଟେଡ୍ ଭଏସ କଲିଂ ସହିତ 100 ଏସଏମଏସ ସୁବିଧା ମିଳିବ । ଏହାର ଅର୍ଥ ଏହି ପ୍ଲାନରେ ୟୁଜର୍ସଙ୍କୁ କଲିଂ, ଡେଟା ସହିତ ଏସଏମଏସ ସୁବିଧା ଦେଇଥାଏ । ଏହା ଅନଲିମିଟେଡ୍ 5ଜି ଡାଟା ସହିତ ଆସିନଥାଏ । ଡାଟା ଶେଷ ହେବା ପରେ 64 Kbpsରେ ଚାଲିବ ଇଣ୍ଟରନେଟ୍ । ଏହି ପ୍ଲାନ ସହିତ କମ୍ପାନୀ ଜିଓ ସିନେମା, ଜିଓ କ୍ଲାଉଡ ଏବଂ ଜିଓ ଟିଭିର ସୁବିଧା ପ୍ରଦାନ କରିଥାଏ ।
ଯଦି 28 ଦିନିଆ ରିଚାର୍ଜ ପ୍ଲାନ ଦେଖୁଛନ୍ତି, ତାହେଲେ ଏହାର ଦାମ୍ 250 ଟଙ୍କା ରହିବ । ଏଥିରେ ମଧ୍ୟ ଦୈନିକ 1 ଜିବି ଡାଟଟା ମିଳିବ । ଏହାସହିତ ଅନଲିମିଟେଡ୍ କଲିଂ ସହିତ 100 ଏସଏମଏସ ମିଳିବ । ଏହାସହିତ ଜିଓ ସିନେମା, ଜିଓ କ୍ଲାଉଡ ଏବଂ ଜିଓ ଟିଭିର ସୁବିଧା ମିଳିବ ।
