Video; ‘କଲ୍କି ୨୮୯୮ ଏଡି’ ରିଲିଜ୍ ହେବାର ଦୁଇ ଦିନ ପୂର୍ବରୁ ମୁକ୍ତିଲାଭ କଲା ‘ଥିମ୍ ଅଫ୍ କଲ୍କି’

ମୁମ୍ବାଇ: ପ୍ରଭାସଙ୍କ ଅଭିନୀତ ଫିଲ୍ମ ‘କଲ୍କି ୨୮୯୮ ଏଡି’ ୨୭ ଜୁନ୍ ୨୦୨୪ରେ ପ୍ରେକ୍ଷାଳୟରେ ମୁକ୍ତିଲାଭ କରିବାକୁ ପ୍ରସ୍ତୁତ ହେଉଛି। ଫିଲ୍ମ ରିଲିଜ୍ ହେବାର ମାତ୍ର ଦୁଇ ଦିନ ପୂର୍ବରୁ ନିର୍ମାତା କଲ୍କିର ଥିମ୍ ରିଲିଜ୍ କରିଛନ୍ତି। ‘ଥିମ୍ ଅଫ୍ କଲ୍କି’ ବର୍ତ୍ତମାନ ତେଲୁଗୁ ଭାଷାରେ ମୁକ୍ତିଲାଭ କରୁଛି, ଯେଉଁଥିରେ ଯୁଦ୍ଧ କ୍ଷେତ୍ରଠାରୁ ଆରମ୍ଭ କରି ଚଳଚ୍ଚିତ୍ର ପର୍ଯ୍ୟନ୍ତ ଅନେକ ଭାବପ୍ରବଣ ଦୃଶ୍ୟ ଦେଖିବାକୁ ମିଳିଛି।

ଫିଲ୍ମ ‘କଲ୍କି ୨୮୯୮ ଏଡି’ର ଦ୍ୱିତୀୟ ଗୀତକୁ କାଲା ଭୈରବ, ଅନନ୍ତୁ, ଗୌତମ ଭରଦ୍ୱାଜ ଏବଂ କୋରସ ଗାଇଛନ୍ତି । ଏହି ଗୀତର ରଚନା କରିଛନ୍ତି ସନ୍ତୋଷ ନାରାୟଣନ ଏବଂ ଲେଖିଛନ୍ତି ଚନ୍ଦ୍ରବୋଷ । ଆପଣଙ୍କୁ କହିରଖୁଛୁ ଯେ ପୂର୍ବରୁ ‘କଲ୍କି ୨୮୯୮ ଏଡି’ର ଭୈରବ ସଙ୍ଗୀତ ମୁକ୍ତିଲାଭ କରିଥିଲା । ଏହି ଗୀତକୁ ବିଜୟ ନାରାୟଣ ଓ ଦିଲଜିତ ଦୋସାଞ୍ଜ ଗାଇଥିବା ବେଳେ ସଙ୍ଗୀତ ନିର୍ଦ୍ଦେଶନା ଦେଇଥିଲେ ସନ୍ତୋଷ ନାରାୟଣ ।

‘କଲ୍କି ୨୮୯୮ ଏଡି’ ଏକ ସାଇନ୍ସ ଫିକ୍ସନ ଆକ୍ସନ ଫିଲ୍ମ । ଚଳଚ୍ଚିତ୍ରଟି ଭାରତୀୟ ପୁରାଣ ଏବଂ ମହାକାବ୍ୟରୁ ପ୍ରେରିତ । ଏହି ଫିଲ୍ମର ନିର୍ଦ୍ଦେଶନା ଦେଇଛନ୍ତି ନାଗ ଅଶ୍ୱିନ । ପ୍ରଭାସଙ୍କ ଅଭିନୀତ ଏହି ଫିଲ୍ମରେ ଦୀପିକା ପାଦୁକୋନ, ଅମିତାଭ ବଚ୍ଚନ ଓ କମଲ ହାସନ ମୁଖ୍ୟ ଭୂମିକାରେ ଅଛନ୍ତି । ଏହା ବ୍ୟତୀତ ଦିଶା ପଟାନୀ ମଧ୍ୟ ଏହି ଫିଲ୍ମରେ ନଜର ଆସିବେ । ଫିଲ୍ମରେ ଅମିତାଭ ବଚ୍ଚନ ଅଶ୍ୱତ୍ଥାମା ଭୂମିକାରେ ନଜର ଆସିବେ । ଏଥିରେ ଦୀପିକା ଜଣେ ଗର୍ଭବତୀ ମହିଳାଭୂମିକାରେ ଅଭିନୟ କରିଛନ୍ତି।