ଆଇପିଏଲରୁ ବାଦ ପଡିପାରନ୍ତି କେନ୍ ୱିଲିୟମସନ, ଫିଲ୍ଡିଂ କଲା ବେଳେ ଲାଗିଲା ଆଘାତ
ଅହମ୍ମଦାବାଦ: ଆଇପିଏଲ୍ ୨୦୨୩ ର ପ୍ରଥମ ମ୍ୟାଚ୍ ରେ ଗୁଜୁରାଟ ଟାଇଟାନ୍ସକୁ ଲାଗିଛି ବଡ଼ ଝଟକା। ଫିଲ୍ଡିଂ କରୁଥିବା ସମୟରେ ଆହତ ହୋଇଛନ୍ତି ସ୍ତର ବ୍ୟାଟର କେନ୍ ୱିଲିୟମସନ। ଚେନ୍ନାଇ ବ୍ୟାଟିଂ କରୁଥିବା ସମୟରେ ରନ୍ ବଞ୍ଚାଇବା ପାଇଁ ସୀମାରେ ଫିଲ୍ଡିଂ କରୁଥିବାବେଳେ ଇନିଂସର ୧୩ତମ ଓଭରରେ ସେ ଆହତ ହୋଇଥିଲେ। ଆଘାତ ଲାଗିବ ପରେ ୱିଲିୟମସନ ଯନ୍ତ୍ରଣାରେ ଛଟପଟ ହେଉଥିଲେ, ଏହାପରେ ଫିଜିଓ ଦଳ ସଙ୍ଗେ ସଙ୍ଗେ ଭୂମିରେ ପହଞ୍ଚି ତାଙ୍କୁ ପଡ଼ିଆରୁ ବାହାରକୁ ନେରିଯାଇଥିଲେ।
Sad news: Kane Williamson's injury looks worse. pic.twitter.com/sKzQ2ZYEoN
— Johns. (@CricCrazyJohns) March 31, 2023
ଚେନ୍ନାଇ ଇନିଂସର ୧୩ ତମ ଓଭରରେ ଚେନ୍ନାଇ ଦଳର କ୍ରିଜରେ ରୁତୁରାଜ ଗାଇକୱାଡ ଉପସ୍ଥିତ ଥିଲେ। ସେ ବୋଲର ଜୋଶୁଆ ଲିଟିଲଙ୍କ ମିଡୱିକେଟ୍ ଆଡକୁ ଏକ ଚମତ୍କାର ସଟ୍ ମାରିଥିଲେ। ଏହି ସଟ୍ ଦେଖି ଲାଗୁଥିଲା ଯେ ବଲ୍ ସୀମା ବାହାରେ ଯାଉଛି, କିନ୍ତୁ ସେହି ସମୟରେ ଫିଲ୍ଡିଂ କରୁଥିବା କେନ୍ ୱିଲିୟମ୍ସନ୍ ଜମ୍ପ କରି ବଲକୁ ଅଟକାଇବାକୁ ଚେଷ୍ଟା କରୁଥିଲେ।
Kane Williamson in pain.
Hope he's fine! pic.twitter.com/k0lHeyXAsD
— Mufaddal Vohra (@mufaddal_vohra) March 31, 2023
ସେ ଏହା କରିବାରେ ମଧ୍ୟ ସଫଳ ହୋଇଥିଲେ, କିନ୍ତୁ ଏହି ସମୟ ମଧ୍ୟରେ ସେ ଭାରସାମ୍ୟ ହରାଇ ସୀମା ବାହାରେ ପଡିଯାଇଥିଲେ। ଏଭଳି ପରିସ୍ଥିତିରେ ସେ ବଲକୁ ଭୂମି ଭିତରକୁ ଫିଙ୍ଗି ଦେଇଥିଲେ, କିନ୍ତୁ ତଳେ ପଡ଼ିଯିବା ପରେ ସେ ନିଜକୁ ସମ୍ଭାଳି ପାରିନଥିଲେ। ଏହି ସମୟରେ, ତାଙ୍କ ପାଦକୁ ଭୂମିରେ ପଡିବା ପରେ ଆଣ୍ଠୁରେ ଗଭୀର ଆଘାତ ଲାଗିଥିଲା ଏବଂ ସେ ସୀମା ବାହାରେ ଶୋଇପଡି ଯନ୍ତ୍ରଣାରେ ଛଟପଟ ହେଉଥିଲେ।
