ଘରର ଏହି ଦିଗରେ ରଖନ୍ତୁ ଦୀପ, ଧନରେ କେବେ ମଧ୍ୟ ହେବନି ଅସୁବିଧା
ଭୁବନେଶ୍ୱର : ପ୍ରତ୍ୟେକ ଘରେ ପ୍ରତିଦିନ ସକାଳେ ଏବଂ ସନ୍ଧ୍ୟାରେ ଭଗବାନଙ୍କ ସମ୍ମୁଖରେ ଆମେ ଦୀପ ଜାଳିଥାଉ । କୁହାଯାଏ ଯେ ଦୀପ ଜାଳିବା ଦ୍ୱାରା ଇଶ୍ୱରଙ୍କ ଆଶୀର୍ବାଦ ପ୍ରାପ୍ତ ହେବା ସହିତ ଘରେ ସକରାତ୍ମକ ଶକ୍ତିର ପ୍ରବେଶ ମଧ୍ୟ ହୋଇଥାଏ । ପ୍ରତ୍ୟେକ ଶୁଭ କାମରେ ଆମେ ସାଧାରଣତଃ ଅଗ୍ନିଦେବଙ୍କୁ ପୂଜା କରୁ । ସେଥିପାଇଁ ଦୀପ ଜାଳିବା ବିନା କୌଣସି ପୂଜା ସଂପୂର୍ଣ୍ଣ ହୁଏ ନୁହେଁ । ଏଥି ସହିତ, ବାସ୍ତୁ ଶାସ୍ତ୍ରରେ ଦୀପ ରଖିବାର କିଛି ନିୟମ ରହିଛି । କୁହାଯାଏ ଯେ ବାସ୍ତୁ ଅନୁଯାୟୀ ଦୀପ ରଖିବା ଦ୍ୱାରା ଘରେ ସୁଖ ଏବଂ ସମୃଦ୍ଧି ଲାଭ ହୁଏ । ତେବେ ଆସନ୍ତୁ ଜାଣିବା ଘରର ମନ୍ଦିରରେ କେଉଁ ଦିଗରେ ଦୀପ ରଖିବା ଉଚିତ୍ ।
ବସ୍ତୁ ଅନୁସାରେ ଏହି ଦିଗରେ ରଖନ୍ତୁ ଦୀପ :
. ବାସ୍ତୁ ଶାସ୍ତ୍ର ଅନୁଯାୟୀ, ଦୀପକୁ ଘରର ପଶ୍ଚିମ ଦିଗରେ ରଖିବା ସବୁଠାରୁ ଭଲ ବୋଲି ବିବେଚନା କରାଯାଏ । କୁହାଯାଇଛି ଯେ ପଶ୍ଚିମ ଦିଗରେ ଦୀପ ଜାଳିବା ଦ୍ୱାରା ଘରେ ସକରାତ୍ମକ ଶକ୍ତି ରହିଥାଏ ଏବଂ ସୁଖ, ସମୃଦ୍ଧି ଘରକୁ ପ୍ରବେଶ କରିଥାଏ
।
. ବାସ୍ତୁ ବିଶେଷଜ୍ଞଙ୍କ ବିଶ୍ୱାସ ଯେ ଦୀପର ନିଆଁକୁ ପୂର୍ବ ଦିଗରେ ରଖିବା ଭଲ । କୁହାଯାଏ ଯେ ପୂଜା କରିବା ସମୟରେ ଦୀପର ନିଆଁକୁ ପୂର୍ବ ଦିଗରେ ରଖିଲେ ବ୍ୟକ୍ତି ଦୀର୍ଘାୟୁ ହୋଇଥାଏ । ଏହା ସହିତ ଘରେ ଶାନ୍ତି ଏବଂ ସୁଖର ବୃଦ୍ଧି ଘଟିଥାଏ ।
. ବାସ୍ତୁ ଶାସ୍ତ୍ରୀଙ୍କ ଅନୁଯାୟୀ, ଉତ୍ତର ଦିଗରେ ଦୀପ ରଖିଲେ ଘରେ ଟଙ୍କା ଅଭାବ ହେବ ନାହିଁ। ଶାସ୍ତ୍ରରେ କୁହାଯାଇଛି, ଉତ୍ତର ଦିଗଟିକୁ କୁବେରଙ୍କର ଦିଗ ଭାବରେ ବିବେଚନା କରାଯାଇଛି ।
. ବାସ୍ତୁ ଶାସ୍ତ୍ରୀଙ୍କ ଅନୁଯାୟୀ, ଦୀପର ନିଆଁକୁ ଦକ୍ଷିଣ ଦିଗରେ ରଖିବା ଉଚିତ ନୁହେଁ କାରଣ ଦକ୍ଷିଣ ଦିଗଟି ହେଉଛି ଯମରାଜଙ୍କ ଦିଗ । ଏହି ଦିଗରେ ଦୀପ ଜାଳିବା ଦ୍ୱାରା ଧନ ଧାନ୍ୟ ନଷ୍ଟ ହୋଇଥାଏ ।
. ପୂଜା କରିବା ସମୟରେ, ସବୁବେଳେ ଧ୍ୟାନରେ ରଖିବା ଉଚିତ୍ ଯେ ତେଲ ପ୍ରଦୀପକୁ ସର୍ବଦା ଡାହାଣ ପାର୍ଶ୍ୱରେ ରଖିବେ ଏବଂ ଘିଅ ଦୀପକୁ ସବୁବେଳେ ବାମ ପାର୍ଶ୍ୱରେ ରଖିବା ଉଚିତ୍ ।
