କେଜ୍ରିୱାଲ ସରକାରଙ୍କ ବଡ ଘୋଷଣା; ଡ୍ୟୁଟିରେ ପ୍ରାଣ ହରାଇଥିବା ସହିଦଙ୍କ ପରିବାରକୁ ୧ କୋଟି ଟଙ୍କାର ସହାୟତା
ନୂଆଦିଲ୍ଲୀ: ଦିଲ୍ଲୀର କେଜ୍ରିୱାଲ ସରକାର ରାଜ୍ୟର ୬ଟି ପରିବାରକୁ ୧କୋଟି ଟଙ୍କା ସହାୟତା ଦେବାକୁ ଘୋଷଣା କରିଛନ୍ତି । ଡ୍ୟୁଟିରେ ଥାଇ ପ୍ରାଣ ହରାଇଥିବା ଯବାନ, ପୋଲିସ୍ ଓ ସିଭିଲ୍ ଡିଫେନ୍ସ କର୍ମଚାରୀଙ୍କ ପରିବାରକୁ ଏହି ସହାୟତର ରାଶି ପ୍ରଦାନ କରାଯିବ । ଦିଲ୍ଲୀର ଉପମୁଖ୍ୟମନ୍ତ୍ରୀ ମନୀଷ ସିସୋଦିଆ ଏହାକୁ ଅନଲାଇନ୍ ସାମ୍ବାଦିକ ସମ୍ମିଳନୀରେ ଘୋଷଣା କରି କହିଛନ୍ତି ଯେ ବାୟୁସେନା , ଦିଲ୍ଲୀ ପୋଲିସ୍ ଏବଂ ସିଭିଲ୍ ଡିଫେନ୍ସ ୬ଜଣ କର୍ମଚାରୀଙ୍କ ପରିବାରକୁ ଏହି ସହୟତା ରାଶି ପ୍ରଦାନ କରାଯିବ । ସେମାନଙ୍କ ମଧ୍ୟରେ ରହିଛନ୍ତି ୩ଜଣ ଏୟାର ଫୋର୍ସ କର୍ମଚାରୀ, ୨ଜଣ ଦିଲ୍ଲୀ ପୋଲିସ୍ କର୍ମଚାରୀ ଓ ଜଣେ ସିଭିଲ୍ ଡିଫେନ୍ସ କର୍ମଚାରୀଙ୍କ ପରିବାର ରହିଛି । ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲ୍ ମୁଖ୍ୟମନ୍ତ୍ରୀ ଭାବେ ଶପଥ ନେବା ପରେ ଏଭଳି ଏକ ଯୋଜନାର ଘୋଷଣା କରିଥିଲେ ।
ଅନ୍ୟପଟେ ଅରବିନ୍ଦ କେଜ୍ରିୱାଲ ଟ୍ୱିଟ୍ କରି କହିଛନ୍ତି କି ଦେଶକୁ ବାହ୍ୟ ତଥା ଆଭ୍ୟନ୍ତରୀଣ ବିପଦରୁ ରକ୍ଷା କରୁଥିବା ବେଳେ ସର୍ବୋଚ୍ଚ ସହିଦ ହୋଇଥିବା ଏହି ସାହାସୀମାନଙ୍କୁ ମୁଁ ପ୍ରଣାମ କରୁଛି । ଦିଲ୍ଲୀ ସରକାର ସେମାନଙ୍କ ପରିବାରକୁ ୧କୋଟି ଟଙ୍କାର ସମ୍ମାନ ପ୍ରଦାନ କରିବେ । ଆମେ ଏହି ପରିବାରମାନଙ୍କୁ କହିବାକୁ ଚାହୁଁଛୁ ଦେଶ ଆପଣଙ୍କ ସହିତ ଅଛି । ଦେଶ ଆପଣଙ୍କ ପୁଅ ପାଇଁ ଗର୍ବିତ । ବର୍ତ୍ତମାନ ଏହି ଯୋଜନା ସିଆରପିଏ, ଦିଲ୍ଲୀ ପୋଲିସ୍, ଆର୍ମି କର୍ମଚାରୀଙ୍କ କ୍ଷେତ୍ରରେ ବି ଲାଗୁ କରାଯାଇଛି । ଏହି ଯୋଜନା ଅନୁଯାୟୀ ଡ୍ୟୁଟିରେ ଥାଇ ପ୍ରାଣ ହରାଉଥିବା କର୍ମଚାରୀଙ୍କ ପରିବାରକୁ ୧କୋଟି ଟଙ୍କାର ଆର୍ଥିକ ସହାୟତା ରାଜ୍ୟ ସରକାର ଯୋଗାଇ ଦେବେ ।
देश को बाहरी और भीतरी ख़तरों से बचाते हुए सुप्रीम शहादत देने वाले इन जाँबाज़ों को मैं नमन करता हूँ। दिल्ली सरकार इनके परिवारों को एक एक करोड़ रुपए की सम्मान राशि देगी। हम इन परिवारों को कहना चाहते हैं – देश आपके साथ है, देश को आपके बेटे/बेटी पर गर्व है। https://t.co/FP6Sju4W22
— Arvind Kejriwal (@ArvindKejriwal) June 19, 2021
