ଜାଣନ୍ତୁ କେଉଁ ସମୟରେ କ୍ଷୀର ପିଇଲେ ତାହା ଶରୀର ପାଇଁ ଅଧିକ ଲାଭଦାୟକ ହୋଇଥାଏ
ଶରୀରକୁ ସୁସ୍ଥ ରଖିବାରେ କ୍ଷୀର ଏକ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିଥାଏ । ଏଥିରେ କ୍ୟାଲସିୟମ, ଭିଟାମିନ ଡି, ଫସଫରସ ଭଳି ପୋଷକ ତତ୍ତ୍ୱ ଭରି ରହିଛି । କ୍ଷୀର ହେଉଛି ପ୍ରୋଟିନର ଏକ ମୁଖ୍ୟ ଉତ୍ସ । କ୍ଷୀର ହାଡ଼କୁ ମଜବୁତ ରଖିବା ସହ ଓଜନ ବଜାୟ ରଖିବାରେ ସାହାଯ୍ୟ କରିଥାଏ । ଆସନ୍ତୁ ଜାଣିବା କେଉଁ ସମୟରେ କ୍ଷୀର ପିଇଲେ ତାହା ଶରୀର ପାଇଁ ଅଧିକ ଫାଇଦା ହୋଇଥାଏ ।
– ଆପଣ ସକାଳେ କିମ୍ବା ସନ୍ଧ୍ୟାରେ କ୍ଷୀର ସେବନ କରିପାରିବେ । ସକାଳେ ଜଳଖିଆରେ କ୍ଷୀର ସେବନ କଲେ ଶରୀରକୁ ଅଧିକ ପରିମାଣରେ ପ୍ରୋଟିନ ମିଳିଥାଏ ।
– ସକାଳ ବ୍ୟାୟାମ କରୁଥିବା ଲୋକଙ୍କ ଶରୀର ପାଇଁ ପର୍ଯ୍ୟାପ୍ତ ପରିମାଣରେ ପ୍ରୋଟିନ ଓ କ୍ୟାଲସିୟମ ଆବଶ୍ୟକ । ତେଣୁ ଏପରିସ୍ଥଳେ ସକାଳ ବେଳା କ୍ଷୀର ସେବନ କରିବା ଠିକ ହେବ ।
– ଦିନସାରା ଭୋକକୁ ନିୟନ୍ତ୍ରଣରେ ରଖିବାକୁ ଚାହୁଁଥିଲେ ମଧ୍ୟ ଆପଣ ସକାଳେ କ୍ଷୀର ପିଇପାରିବେ । ସକାଳେ କ୍ଷୀର ପିଇବା ପରେ କିଛି ଲୋକଙ୍କ ପେଟ ଫୁଲିଯାଏ, ସେମାନେ ସକାଳେ କ୍ଷୀର ପିଇବା ଅନୁଚିତ ।
– ଯଦି ଆପଣଙ୍କୁ ରାତିରେ ନିଦ୍ରା ସମସ୍ୟା ହେଉଥାଏ, ତେବେ ଆପଣ ଉଷୁମ କ୍ଷୀର ସେବନ କରିପାରିବେ । ଦିନସାରା ପରିଶ୍ରମ କରି ଥକିଯାଇ ଲୋକମାନେ ରାତି ବେଳା କ୍ଷୀର ପିଇବା ଉଚିତ ।
– ଯଦି ଆପଣ ଓଜନ ହ୍ରାସ କରିବାକୁ ଚାହୁଁଥାନ୍ତି, ତେବେ ରାତିରେ କ୍ଷୀର ପିଅନ୍ତୁ ନାହିଁ । ରାତିରେ କ୍ଷୀର ପିଇବା ଦ୍ୱାରା ହଜମ କ୍ରିୟାରେ ସମସ୍ୟା ସୃଷ୍ଟି ହେଉଥିଲେ, କ୍ଷୀର ପିଅନ୍ତୁ ନାହିଁ ।
– ସର୍ବଦା ନଖ ଉଷୁମ କ୍ଷୀର ପିଅନ୍ତୁ । କାରଣ ଉଷୁମ କ୍ଷୀର ସହଜରେ ହଜମ ହୋଇଥାଏ । ଥଣ୍ଡା କ୍ଷୀର ପିଇବା ଅନୁଚିତ ।
