IPL Final ମ୍ୟାଚରେ କୋଲକାତା-ହାଇଦ୍ରାବାଦ ମୁକାବିଲା: ଫାଇନାଲ ଲଢେଇରେ କ’ଣ ରହିବ ପ୍ଲେଇଙ୍ଗ-୧୧?

ନୂଆଦିଲ୍ଲୀ: ଆଇପିଏଲ ଫାଇନାଲ ମ୍ୟାଚରେ ଆଜି ମୁହାଁମୁହିଁ ହେବାକୁ ଯାଉଛନ୍ତି କୋଲକାତା ନାଇଟ ରାଇଡର୍ସ ଏବଂ ସନରାଇଜର୍ସ ହାଇଦ୍ରାବାଦ । ଚେନ୍ନାଇର ଏମ.ଏ ଚିଦାମ୍ବରମ ଷ୍ଟାଡିୟମରେ ଏହି ଫାଇନାଲ ମୁକାବିଲା ଖେଳାଯିବ । ଶ୍ରେୟସ ଆୟର ଏବଂ ପ୍ୟାଟ୍ କମିନ୍ସଙ୍କ ମଧ୍ୟରେ ଆଜିର ଏହି ମ୍ୟାଚରେ କଡ଼ା ଟକ୍କର ଦେଖିବାକୁ ମିଳିଛି । କ୍ୱାଲିଫାୟାର-୧ ମ୍ୟାଚରେ ଉଭୟ ଦଳ ମଧ୍ୟରେ ହୋଇଥିବା ଲଢେଇରେ କୋଲକାତା ବିଜୟୀ ହୋଇ ସିଧା ଫାଇନାଲରେ ପ୍ରବେଶ କରିଥିଲା । ତେଣୁ ଆଜିର ମ୍ୟାଚ ପାଇଁ ହାଇଦ୍ରାବାଦ ନୂଆ ରଣନୀତି ପ୍ରସ୍ତୁତ କରିବ । ତେବେ ଏହି ଫାଇନାଲ ଫାଇଟରେ କ’ଣ ରହିବ ଉଭୟ ଦଳର ପ୍ଲେଇଙ୍ଗ-୧୧…

ଟୁର୍ଣ୍ଣାମେଣ୍ଟର ଫାଇନାଲ ନାଇଟରେ କୋଲକାତା ଏବଂ ହାଇଦ୍ରାବାଦ ମଧ୍ୟ ରେ ମହାଲଢେଇ ଦେଖିବାକୁ ମିଳିବ । ମ୍ୟାଚ ଖୁବ ରୋମାଞ୍ଚକର ହେବାର ଆଶା ରହିଛି । ତେବେ ଏହି ମ୍ୟାଚରେ ବିଶେଷ କରି କୋଲକାତାର ବୋଲିଂ ଏବଂ ହାଇଦ୍ରାବାଦର ବ୍ୟାଟିଂ ଡିପାର୍ଟମେଣ୍ଟ ମଧ୍ୟରେ ଯୁଦ୍ଧ ଦେଖିବାକୁ ମିଳିପାରେ । କୋଲକାତା ଦଳରେ ପାୱାର ହିଟର ରହିଥିବା ବେଳେ ସ୍ପିନ ବିଭାଗରେ ବରୁଣ ଚକ୍ରବର୍ତ୍ତୀ ମ୍ୟାଚରେ ବ୍ରହ୍ମାସ୍ତ୍ର ସାଜି ପାରନ୍ତି । ସେହିପରି କୋଲକାତାରେ ସୁନୀଲ ନାରାୟଣ ମଧ୍ୟ ଡବଲ ଆଟାକ ପାଇଁ ପ୍ରସ୍ତୁତ ରହିଛନ୍ତି । ଦମଦାର ବ୍ୟାଟିଂ ସହ ବୋଲିଂରେ ମଧ୍ୟ ଚକମା ଦେବାକୁ ଶ୍ରେୟସ ସେନା ସୁନୀଲଙ୍କ ଉପରେ ନିର୍ଭର କରିବ ।

ସେପଟେ ହାଇଦ୍ରାବାଦ ଦଳରେ ଷ୍ଟାର ଓପନର ଟ୍ରାଭିସ ହେଡ ଏବଂ ଅଭିଷେକ ଶର୍ମା ଦମଦାର ପ୍ରାରମ୍ଭ କରି ଏକ ବଡ଼ ସ୍କୋର ଲକ୍ଷ୍ୟରେ ରହିବେ । ଟପ୍ ଅର୍ଡର ବ୍ୟତୀତ ହେନରିକ କ୍ଲାସେନଙ୍କ ଉପରେ ମଧ୍ୟ ସମସ୍ତଙ୍କ ନଜର ରହିବ । ତେଣୁ ଉଭୟ ଦଳ ପାଇଁ ଟସ୍ ଏକ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିବ । ତେବେ ସଂଘର୍ଷପୂର୍ଣ୍ଣ ମ୍ୟାଚରେ କିଏ ମାରିବ ବାଜି ଏବଂ କାହାକୁ ମିଳିବ ବିଜୟ ମୁକୁଟ ତାହାକୁ ନେଇ ଆଲୋଚନା ଚାଲିଛି ।

କୋଲକାତା ପ୍ଲେଇଙ୍ଗ-୧୧: ସୁନୀଲ ନାରାୟଣ, ରହମାନୁଲ୍ଲାହ ଗୁରବାଜ, ଭେଙ୍କଟେଶ ଆୟର, ଶ୍ରେୟସ ଆୟର(ଅଧିନାୟକ), ରିଙ୍କୁ ସିଂହ, ଆନ୍ଦ୍ରେ ରସେଲ, ରମନଦୀପ ସିଂହ, ମିଚେଲ ଷ୍ଟାର୍କ, ବୈଭବ ଆରୋରା, ହର୍ଷିତ ରାଣା, ବରୁଣ ଚକ୍ରବର୍ତ୍ତୀ

ହାଇଦ୍ରାବାଦ ପ୍ଲେଇଙ୍ଗ-୧୧: ଟ୍ରାଭିସ ହେଡ, ଅଭିଷେକ ଶର୍ମା, ରାହୁଲ ତ୍ରିପାଠୀ, ଏଡେନ୍ ମାର୍କରମ, ନୀତିଶ ରେଡ୍ଡୀ, ହେନରିକ କ୍ଲାସେନ୍, ଅବଦୁଲ ସାମଦ, ପ୍ୟାଟ୍ କମିନ୍ସ(ଅଧିନାୟକ), ଭୁବନେଶ୍ୱର କୁମାର, ଜୟଦେବ ଉନାଦକଟ୍, ଟି ନଟରାଜନ୍