ଖରାପ ହେଲା ଲାଲୁ ଯାଦବଙ୍କ ଦେହ, ଦିଲ୍ଲୀ ଏମ୍ସରେ ଭର୍ତ୍ତି, ହୋଇପାରେ ଅସ୍ତ୍ରୋପ୍ରଚାର

ଦିଲ୍ଲୀ ଏମ୍ସରେ ଭର୍ତ୍ତି ହେଲେ ବିହାରର ପୂର୍ବତନ ମୁଖ୍ୟମନ୍ତ୍ରୀ ଲାଲୁ ଯାଦବ। ହୋଇପାରେ ଅସ୍ତ୍ରୋପ୍ରଚାର।

ନୂଆଦିଲ୍ଲୀ: ଏୟାରଲିଫ୍ଟ ହେଲେ ବିହାରର ପୂର୍ବତନ ମୁଖ୍ୟମନ୍ତ୍ରୀ ତଥା ଆରଜେଡିର ଅଧ୍ୟକ୍ଷ ଲାଲୁ ପ୍ରସାଦ ଯାଦବ। ବୁଧବାର ଦିନ ବିଳମ୍ୱିତ ରାତିରେ ଲାଲୁଙ୍କୁ ଏୟାରଲିଫ୍ଟ କରାଯାଇ ଦିଲ୍ଲୀ ଏମ୍ସରେ ଭର୍ତ୍ତି କରାଯାଇଛି।

ଲାଲୁଙ୍କ ସ୍ୱାସ୍ଥ୍ୟ ସମ୍ୱନ୍ଧୀୟ ସମସ୍ୟା ଯୋଗୁଁ ବୁଧବାର ଦିନ ତାଙ୍କୁ ପ୍ରଥମେ ପାଟନାର ଏକ ହସ୍ପିଟାଲରେ ଭର୍ତ୍ତି କରାଯାଇଥିଲା। ସେଠାରେ ଲାଲୁଙ୍କ ସ୍ୱାସ୍ଥ୍ୟବସ୍ଥା ଦେଖି ଡାକ୍ତର ଏମ୍ସ ନେଇ ଯିବାକୁ ପରାମର୍ଶ ଦେଇଥିଲେ।

ଲାଲୁଙ୍କ ପୁଅ ତେଜସ୍ୱୀ ଯାଦବ କହିଛନ୍ତି, ବାପାଙ୍କ ପିଠି ଏବଂ ହାତରେ ଆଘାତ ଲାଗିଛି। ତେଣୁ ତାଙ୍କୁ ଦିଲ୍ଲୀ ଏମ୍ସରେ ଭର୍ତ୍ତି କରାଯାଇଛି। ସେଠାରେ ତାଙ୍କର ଅସ୍ତ୍ରୋପ୍ରଚାର ହେବା ନେଇ ସମ୍ଭାବନା ରହିଛି।