୧ ଲକ୍ଷରୁ ୪୦,୦୦୦ ଟଙ୍କାକୁ ହ୍ରାସ ପାଇବ ଭାରତ ନିର୍ମିତ ସେମିକଣ୍ଡକ୍ଟ ଲାପଟପ୍: ବେଦାନ୍ତ ଅଧ୍ୟକ୍ଷ
ନୂଆଦିଲ୍ଲୀ: ୧୩ ସେପ୍ଟେମ୍ବରରେ ବେଦାନ୍ତ ଅଧ୍ୟକ୍ଷ ଅନିଲ ଅଗ୍ରୱାଲ ନିଶ୍ଚିତ କରିଛନ୍ତି ଯେ, ଗୁଜରାଟରେ ୧.୫୪ ଲକ୍ଷ କୋଟି ଟଙ୍କାରେ ଫକ୍ସକନ୍ ସହିତ କମ୍ପାନୀର ନୂଆ ସେମିକଣ୍ଡକ୍ଟର ପ୍ଲାଣ୍ଟ ପ୍ରତିଷ୍ଠା ହେବ । ବିକାଶ ବିଷୟରେ ସିଏନବିସି-ଟିିଭି୧୮ ସହିତ ଆଲୋଚନା କରି ଅଗ୍ରୱାଲ କହିଛନ୍ତି ଯେ, ‘ମେଡ ଇନ୍ ଇଣ୍ଡିଆ’ ସେମିକଣ୍ଡକ୍ଟରଗୁଡ଼ିକ ପ୍ରସ୍ତୁତ ଦ୍ରବ୍ୟର ମୂଲ୍ୟ ଉପରେ ବଡ଼ ପ୍ରଭାବ ପକାଇପାରେ ।
ସେପ୍ଟେମ୍ବର ୧୪ ରେ ସେ ଚ୍ୟାନେଲକୁ କହିଛନ୍ତି ଯେ, “ଆଜି ଯେଉଁ ଲାପଟପର ମୂଲ୍ୟ ୧ ଲକ୍ଷ ଟଙ୍କା ରହିଛି, ଏବଂ ଥରେ ଗ୍ଲାସ୍ ଏବଂ ସେମିକଣ୍ଡକ୍ଟର ଚିପ୍ ଉପଲବ୍ଧ ହେଲେ (ଭାରତରେ), ଏହାର ମୂଲ୍ୟ ୪୦,୦୦୦ ଟଙ୍କା କିମ୍ବା ତା’ଠାରୁ କମ୍ ହୋଇପାରେ ।’
ଅଗ୍ରୱାଲ ଆହୁରି ମଧ୍ୟ କହିଛନ୍ତି ଯେ, ବର୍ତ୍ତମାନ ତାଇୱାନ ଏବଂ କୋରିଆରେ ଉତ୍ପାଦିତ ହେଉଥିବା ଗ୍ଲାସ ଖୁବ ଶୀଘ୍ର ଭାରତରେ ମଧ୍ୟ ଉତ୍ପାଦିତ ହେବ । ସେ ଆହୁରି ମଧ୍ୟ କହିଛନ୍ତି ଯେ, ଦେଶର ଉଦ୍ୟୋଗୀ ଦକ୍ଷତାକୁ ଦୃଷ୍ଟିରେ ରଖି ବେଦାନ୍ତ ଉତ୍ପାଦନ ହବକୁ ମହାରାଷ୍ଟ୍ରକୁ ମଧ୍ୟ ପୁସ୍ କରିବ । ମୋବାଇଲ୍ ଫୋନ୍, ଲାପଟପ୍ ଏବଂ ଏପରିକି ଇଲେକ୍ଟ୍ରିକ୍ ଯାନ (ଇଭି) ଭଳି ଉତ୍ପାଦକୁ ଲକ୍ଷ୍ୟ କରି ଏପରି କରାଯିବ ।
ଗୁଜୁରାଟରେ ଉତ୍ପାଦନ ସୁବିଧା ଦୁଇ ବର୍ଷ ପରେ ସେମିକଣ୍ଡକ୍ଟରଗୁଡିକୁ ବାହାର କରିବା ଆରମ୍ଭ କରିବ ଏବଂ କମ୍ପାନୀ ଆଶା କରୁଛି ଯେ ବ୍ୟବସାୟରୁ ୩.୫ ବିଲିୟନ ଡଲାର କାରବାର ହେବ, ଯେଉଁଥିରୁ ରପ୍ତାନି ୧ ବିଲିୟନ ଡଲାର ହେବ । ଭାରତ ବର୍ତ୍ତମାନ ଏହାର ୧୦୦% ସେମିକଣ୍ଡକ୍ଟର ଆମଦାନୀ କରୁଛି ଏବଂ ୨୦୨୦ ରେ ଇଲେକ୍ଟ୍ରୋନିକ୍ସ କ୍ରୟ ପାଇଁ ୧୫ ବିଲିୟନ ଡଲାର ଖର୍ଚ୍ଚ କରିଛି, ସେଥିମଧ୍ୟରୁ ୩୭% ଚାଇନାରୁ ଆସିଛି । ଏସବିଆଇର ଏକ ରିପୋର୍ଟରେ କୁହାଯାଇଛି ଯେ ଯଦିଓ ଭାରତ ଚାଇନାର ରପ୍ତାନି ଉପରେ ନିର୍ଭରଶୀଳତାକୁ ୨୦ ପ୍ରତିଶତ ହ୍ରାସ କରେ, ତେବେ ଏହା ଆମ ଜିଡିପିରେ ୮ ବିଲିୟନ ଡଲାର ଯୋଗ କରିପାରିବ ।
