ଏୟାରଷ୍ଟ୍ରାଇକରେ ଥରୁଛି ଲେବାନନ୍: ଇସ୍ରାଏଲର ଆକ୍ରମଣରେ ୧୦୦ ମୃତ୍ୟୁ, ୪୦୦ରୁ ଅଧିକ ଆହତ
ନୂଆଦିଲ୍ଲୀ: ପୁଣିଥରେ ଲେବାନନ୍ ଉପରେ ଭୟଙ୍କର ଆକ୍ରମଣ କରିଛି ଇସ୍ରାଏଲ । ଲେବାନନ୍ ର ଏକ ସହରରେ ଇସ୍ରାଏଲ ଏୟାରଷ୍ଟ୍ରାଇକ କରିଥିବା ବେଳେ ଏଥିରେ ପ୍ରାୟ ୧୦୦ ଜଣଙ୍କ ମୃତ୍ୟୁ ଘଟିଛି । ଏହାବ୍ୟତୀତ ଏହି ଆକ୍ରମଣରେ ପ୍ରାୟ ୪୦୦ ଜଣ ଆହତ ହୋଇଥିବା ଦେଶର ସ୍ୱାସ୍ଥ୍ୟ ମନ୍ତ୍ରାଳୟ ସୂଚନା ଦେଇଛନ୍ତି । ଲେବାନନ୍ ଉପରେ ଇସ୍ରାଏଲର ଲଗାତାର ଆକ୍ରମଣ ଦେଶବାସୀଙ୍କ ମନରେ ଆତଙ୍କ ଖେଳାଇ ଦେଇଛି ।
ଇସ୍ରାଏଲ ସେନା କହିଛି ଯେ, ହିଜବୁଲ ଆତଙ୍କବାଦୀ ଗୋଷ୍ଠୀ ବିରୋଧରେ ଯୁଦ୍ଧର ପ୍ରାୟ ଏକ ବର୍ଷ ମଧ୍ୟରେ ସୋମବାର ଲେବାନନରେ ମୃତ୍ୟୁସଂଖ୍ୟା ୩୦୦ ଛୁଇଁଛି । ଲେବାନନ୍ ସ୍ୱାସ୍ଥ୍ୟ ମନ୍ତ୍ରଣାଳୟ କହିଛି ଯେ, ଅକ୍ଟୋବରରେ ବିବାଦ ଆରମ୍ଭ ହେବା ପରେ ଗତ ସପ୍ତାହରେ ଲେବାନନରେ ୫୦ ଜଣଙ୍କର ମୃତ୍ୟୁ ଘଟିଥିବା ବେଳେ ୩୦୦ ଜଣ ଆହତ ହୋଇଥିଲେ। ଗତ ସାତ ଦିନ ମଧ୍ୟରେ ପ୍ରାୟ ୧୫୦ ଜଣଙ୍କର ମୃତ୍ୟୁ ଘଟିଛି, ସେମାନଙ୍କ ମଧ୍ୟରୁ ଅଧିକାଂଶ ଲୋକ ସାଧାରଣ ଜୀବନଯାପନ କରୁଥିଲେ । ଗତ ମଙ୍ଗଳବାର ଦିନ ପେଜର୍ ବିସ୍ଫୋରଣର ତରଙ୍ଗରୁ ଆରମ୍ଭ ହେବା ପୂର୍ବରୁ ଅକ୍ଟୋବରରୁ ଲେବାନନରେ ପ୍ରାୟ ୬୦୦ ଲୋକଙ୍କର ମୃତ୍ୟୁ ଘଟିଥିଲା, ଅଧିକାଂଶ ମୃତକ ସଂଗ୍ରାମୀ ଥିବା ବେଳେ ୧୦୦ ରୁ ଅଧିକ ସାଧାରଣ ନାଗରିକ ରହିଥିଲେ।
ଇସ୍ରାଏଲ ସେନା ସୋସିଆଲ ମିଡିଆରେ ଏହି କାର୍ୟ୍ୟ ଘୋଷଣା କରିଛି । ଏକ ଫଟୋ ପୋଷ୍ଟ କରି ସାମରିକ ମୁଖ୍ୟ ଲେଫ୍ଟ ଜେନେରାଲ ହେର୍ଜି ହାଲେଭି କହିଛନ୍ତି ଯେ, ତେଲ ଆଭିଭରେ ସାମରିକ ମୁଖ୍ୟାଳୟରୁ ଅତିରିକ୍ତ ଆକ୍ରମଣକୁ ଅନୁମୋଦନ କରିଥିଲେ। ତେବେ ହାଲେଭି ଏବଂ ଇସ୍ରାଏଲର ଅନ୍ୟ ନେତାମାନେ ଆଗାମୀ ଦିନରେ ହିଜବୁଲ ବିରୋଧରେ କଠୋର କାର୍ୟ୍ୟାନୁଷ୍ଠାନ ଗ୍ରହଣ କରିବେ ବୋଲି ପ୍ରତିଶୃତି ଦେଇଛନ୍ତି। ଏ ନେଇ ହିଜବୁଲ ଏକ ବିବୃତ୍ତିରେ କହିଛି ଯେ, ଏହା ଗାଲିଲୀର ଏକ ଇସ୍ରାଏଲ୍ ମିଲିଟାରୀ ପୋଷ୍ଟରେ ୧୦ ହଜାର ରକେଟ୍ ଆକ୍ରମଣ କରିଛି। ଏହାସହିତ ଦ୍ୱିତୀୟ ଦିନ ପାଇଁ ହାଇଫାରେ ଅବସ୍ଥିତ ରାଫେଲ ପ୍ରତିରକ୍ଷା ସଂସ୍ଥାର ସୁବିଧା ପାଇଁ ଟାର୍ଗେଟ କରିଥିଲା।