‘ଯୋଗୀଙ୍କୁ କିଛି ଦିନ ପାଇଁ ଦେଶକୁ ଅଣାଯାଉ’- କରୋନା ନିୟନ୍ତ୍ରଣ କରିବା ପାଇଁ ଅଷ୍ଟ୍ରେଲିଆ ସାଂସଦ ଦେଲେ ଏପରି ବୟାନ
ଲକ୍ଷ୍ନୌ: କରୋନା ମହାମାରୀକୁ ନିୟନ୍ତ୍ରଣ କରିବାରେ ଉତ୍ତରପ୍ରଦେଶ ସରକାର ସଫଳ ହୋଇଛନ୍ତି । ତେଣୁ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥଙ୍କୁ ଏବେ ଦେଶ ବିଦେଶରୁ ଅନେକ ଲୋକ ପ୍ରଶଂସା କରୁଛନ୍ତି । ଇତି ମଧ୍ୟରେ ଅଷ୍ଟ୍ରେଲିଆ ସାଂସଦ କ୍ରେଗ୍ କେଲୀ ନିଜ ଟୁଇଟର ପେଜରେ ଯୋଗୀଙ୍କ ଉଦାହରଣ ଦେବାସହ ୟୁପି ମୁଖ୍ୟମନ୍ତ୍ରୀ ନେଇଥିବା ପଦକ୍ଷେପର ଭୁରି ଭୁରି ପ୍ରଶଂସା ମଧ୍ୟ କରିଛନ୍ତି । ଖାଲି ସେତିକି ନୁହେଁ କରୋନା ବିରୋଧରେ ଅଷ୍ଟ୍ରେଲିଆକୁ ଯୋଗୀ କିଛି ସାହାଯ୍ୟ କରନ୍ତୁ ବୋଲି ସେ କହିଛନ୍ତି ।
ସୂଚନାନୁସାରେ, କେଲି ଗତ ୧୦ ତାରିଖରେ ଏକ ଟ୍ୱିଟ୍ କରିଥିଲେ । ଯାହା ଏବେ ଖୁବ ଜୋରରେ ଭାଇରାଲ ହେବାରେ ଲାଗିଛି । ସେ ସୋସିଆଲ ମିଡିଆରେ ଯୋଗୀଙ୍କୁ ଖୁବ୍ ପ୍ରଶଂସା କରିଥିଲେ । ସେ ଟୁଇଟରରେ ଲେଖିଥିଲେ ଯେ, କିଛି ଏପରି ରାସ୍ତା ଅଛି କି ଯେପରି କରୋନାକୁ ନିୟନ୍ତ୍ରଣ କରାଯିବ । ନଚେତ ଯୋଗୀଙ୍କୁ କିଛି ଦିନ ପାଇଁ ଅଷ୍ଟ୍ରେଲିଆକୁ ଅଣାଯାଉ । ଫଳରେ ଅଷ୍ଟ୍ରେଲିଆରେ କରୋନା ନିୟନ୍ତ୍ରଣକୁ ଆସିବ ।
ତେବେ ଗତ ୩୦ ଦିନରେ ଭାରତର ୧୭ ପ୍ରତିଶତ ଜନସଂଖ୍ୟା ଥିବା ୨.୫ ପ୍ରତିଶତ ଆକ୍ରାନ୍ତ ପ୍ରାଣ ହରାଇଛନ୍ତି । କରୋନା ମାମଲା ୧ ପ୍ରତିଶତରୁ କମ୍ ରହିଛି । କିନ୍ତୁ ୯ ପ୍ରତିଶତ ଜନସଂଖ୍ୟା ଥିବା ମହାରାଷ୍ଟ୍ରରେ ମୋଟ ମୃତ୍ୟୁ ସଂଖ୍ୟାର ୫୦ ପ୍ରତିଶତ ଏହି ରାଜ୍ୟରୁ ଅଟନ୍ତି ।
The Indian state of Uttar Pradesh ????????
Any chance they could loan us their Chief Minister Yogi Adityanath to release the Ivermectin sort out the mess our hopelessly incompetent State Premiers have created
 https://t.co/H6xUwUe8GU— Craig Kelly MP (@CraigKellyMP) July 10, 2021
