Video: ରାସ୍ତାରେ ଆସୁଥିବା କ୍ରେନକୁ ଅଟକାଇଲା କୁନି ଝିଅ: ଭାଇଭଉଣୀଙ୍କୁ ବଞ୍ଚାଇବା ପାଇଁ କଲା ଏପରି
ନୂଆଦିଲ୍ଳୀ: ଭାଇ ଓ ଭଉଣୀମାନଙ୍କ ମଧ୍ୟରେ ବହୁତ ସ୍ନେହପୂର୍ଣ୍ଣ ସମ୍ପର୍କ ରହିଥାଏ ତାହା ତ ସମସ୍ତେ ଜାଣିଛନ୍ତି । ପ୍ରତ୍ୟେକ ଭାଇ ଓ ଭଉଣୀମାନେ ପରସ୍ପର ପାଇଁ ନିଜ ଜୀବନ ଦେବା ପାଇଁ ମଧ୍ୟ ପ୍ରସ୍ତୁତ ରହିଥାନ୍ତି । ଭାଇଭଉଣୀଙ୍କ ଭଲ ପାଇବାର ଏକ ଭିଡିଓ ସୋସିଆଲ ମିଡିଆରେ ବର୍ତ୍ତମାନ ଭାଇରାଲ ହେବାରେ ଲାଗିଛି । ଏହି ଭିଡିଓରେ ଜଣେ କୁନି ଝିଅ ରାସ୍ତାରେ ଛିଡା ହୋଇଛି ଏବଂ ତା ସହିତ ତାର ଭାଇଭଉଣୀ ମଧ୍ୟ ଛିଡ଼ା ହୋଇଛନ୍ତି । ରାସ୍ତାରେ ଏକ କ୍ରେନ୍ ଆସୁଥିବା ଦେଖିବା ମାତ୍ରେ ଝିଅଟି ନିଜ ଭାଇ ଓ ଭଉଣୀକୁ ବଞ୍ଚାଇବା ପାଇଁ ରାସ୍ତା ମଝିରେ ଠିଆ ହୋଇଥିଲା । ୨୫ ସେକେଣ୍ଡର ଏହି ଭିଡିଓରେ, ଭାଇ ଓ ଭଉଣୀମାନଙ୍କ ମଧ୍ୟରେ ଥିବା ଭଲପାଇବା କେତେ ସୁନ୍ଦର ତାହା ଦେଖିବାକୁ ମଳିଛି । ଏହି ଭିଡିଓ ଟ୍ୱିଟରରେ ୧୪ ଡିସେମ୍ବରରେ ୟୋଦା ଫରଏଭର ନାମକ ଏକ ଆକାଉଣ୍ଟରୁ ସେୟାର କରାଯାଇଥିଲା ।
ଛୋଟ ଝିଅଟି ବଡ ଭଉଣୀ ଭାବରେ ନିଜ ଦାୟିତ୍ୱ ପୂରା କରିଥିବାର ଏହି ଭାଇରାଲ୍ ଭିଡିଓ ବର୍ତ୍ତମାନ ଇଣ୍ଟରନେଟରେ ଲୋକଙ୍କ ହୃଦୟ ଜିତୁଛି । କିଛି ସେକେଣ୍ଡର ଏହି ଭିଡିଓରେ ତିନି ଭାଇଭଉଣୀ ଏକ କନ୍ଷ୍ଟ୍ର୍ରକସନ୍ ସାଇଟରେ ଠିଆ ହୋଇଥିବା ଦେଖିବାକୁ ମିଳିଛି । କିଛି ସମୟ ପରେ, ସେଠାରେ ଏକ କ୍ରେନ୍ ଆସିଛି, ଯାହା ଦେଖିବା ପରେ ଛୋଟ ଝିଅଟି କ୍ରେନକୁ ଅଟକାଇ ନିଜ ଭାଇ ଏବଂ ଭଉଣୀଙ୍କୁ ଉଦ୍ଧାର କରିଛି । ଭାଇଭଉଣୀମାନଙ୍କୁ ରକ୍ଷା କରିବା ପାଇଁ, କୁନି ଝିଅଟି ଗାଡି ଆଗରେ ହାତକୁ ଆଗକୁ କରି ଗାଡିକୁ ଅଟକାଇବାକୁ ସଙ୍କେତ ଦେଇଥିବା ଦେଖିବାକୁ ମିଳିଛି । କ୍ରେନଟି ଅଟକି ଯିବା ମାତ୍ରେ ସେ ନିଜ ସାନ ଭାଇଭଉଣୀଙ୍କୁ ଭିତରକୁ ନେଇ ଯାଇଥିବା ଦେଖିବାକୁ ମିଳିଛି ।
Little girl takes her big sister job seriously…👧👼❤️ pic.twitter.com/5fDG2XVJ1g
— 𝕐o̴g̴ (@Yoda4ever) December 14, 2022
ଭିଡିଓ ସେୟାର କରି କ୍ୟାପସନରେ ଲେଖାଯାଇଛି, କୁନି ଝିଅଟି ନିଜ ଦାୟିତ୍ୱକୁ ଗମ୍ଭୀରତାର ସହ ନେଇଛି । ଏହି ଭିଡିଓକୁ ଟ୍ୱିଟରରେ ୩ ଲକ୍ଷରୁ ଅଧିକ ଭ୍ୟୁ ମିଳିବା ସହିତ ୩୦,୦୦୦ ରୁ ଅଧିକ ଲାଇକ୍ ମିଳିଛି ଏବଂ ଅନେକ କମେଣ୍ଟ ମିଳିଥିବା ଦେଖାଯାଇଛି । ଏହି ଭିଡିଓ ଉପରେ ଅନେକ ଲୋକ ସେମାନଙ୍କର ମତାମତ ଦେଇଛନ୍ତି ।
