ଭାରତୀୟ ଦଳରେ ବଡ଼ ପରିବର୍ତ୍ତନ; ଚତୁର୍ଥ ଟେଷ୍ଟରୁ ବାଦ୍ ପଡ଼ିଲେ କେଏଲ୍ ରାହୁଲ ଓ ଯଶପ୍ରୀତ ବୁମ୍ରା
ନୂଆଦିଲ୍ଲୀ: ଫେବୃଆରୀ ୨୩ରୁ ରାଞ୍ଚିରେ ଆରମ୍ଭ ହେବାକୁ ଥିବା ଚତୁର୍ଥ ଟେଷ୍ଟରୁ ଯଶପ୍ରୀତ ବୁମ୍ରା ବାଦ୍ ପଡ଼ିଛନ୍ତି। ଯଶପ୍ରୀତ ବୁମ୍ରା ଚତୁର୍ଥ ଟେଷ୍ଟରେ ଖେଳିବେ ନାହିଁ। ଯଶପ୍ରୀତ ବୁମ୍ରା ନ ଖେଳିବା ନେଇ ନିଷ୍ପତି ନେଇଛି ବିସିସିଆଇ। ରାଞ୍ଚି ଟେଷ୍ଟ ପୂର୍ବରୁ ମୁକେଶ କୁମାରଙ୍କୁ ଟିମ୍ ଇଣ୍ଡିଆରେ ସାମିଲ ହେବାର ସୁଯୋଗ ମିଳିଛି। ଶୃଙ୍ଖଳାର ଅବଧି ଏବଂ ସାମ୍ପ୍ରତିକ ସମୟରେ ସେ ଖେଳିଥିବା କ୍ରିକେଟ୍ ର ପରିମାଣକୁ ଦୃଷ୍ଟିରେ ରଖି ଏହି ନିଷ୍ପତ୍ତି ନିଆଯାଇଛି। ସେପଟେ ଚତୁର୍ଥ ଟେଷ୍ଟରୁ କେଏଲ ରାହୁଲ ବାଦ୍ ପଡ଼ିଛନ୍ତି। ଧର୍ମଶାଳାରେ ଶେଷ ଟେଷ୍ଟ ମ୍ୟାଚ୍ ରେ ସେ ଅଂଶଗ୍ରହଣ କରିବା ଫିଟନେସ୍ ଉପରେ ନିର୍ଭର କରେ।
ଚତୁର୍ଥ ଟେଷ୍ଟମ୍ୟାଚ୍ କୁ ନେଇ ଭାରତୀୟ କ୍ରିକେଟ୍ କଣ୍ଟ୍ରୋଲ ବୋର୍ଡ (ବିସିସିଆଇ) ଏକ ପ୍ରେସ୍ ବିଜ୍ଞପ୍ତି ଜାରି କରିଛି। ବିସିସିଆଇ କହିଛି ଯେ କାର୍ଯ୍ୟଭାର ପରିଚାଳନା ପାଇଁ ଯଶପ୍ରୀତ ବୁମ୍ରାଙ୍କୁ ବିଶ୍ରାମ ଦିଆଯାଇଛି। ଯଶପ୍ରୀତ ବୁମ୍ରା ଦଳ ସହ ରାଞ୍ଚି ଯାଇ ନାହାନ୍ତି। ଯଶପ୍ରୀତ ବୁମ୍ରାଙ୍କ ସ୍ଥାନରେ ମୁକେଶ କୁମାରଙ୍କୁ ଦଳରେ ସାମିଲ କରାଯାଇଛି। ତେବେ ରାଞ୍ଚି ଟେଷ୍ଟରେ ଟିମ୍ ଇଣ୍ଡିଆ ୨ ଜଣ ଦ୍ରୁତ ବୋଲରଙ୍କୁ ନେଇ ଖେଳିବ କି ନାହିଁ ତାହା ସ୍ପଷ୍ଟ ହୋଇନାହିଁ।
ପ୍ଲେଇଂ ୧୧ରେ ରହିବେ ରୋହିତ ଶର୍ମା, ଯଶସ୍ୱୀ ଜୟସ୍ୱାଲ, ଶୁଭମନ ଗିଲ୍, ରଜତ ପଟିଦାର, ସରଫରାଜ ଖାନ୍, ରବୀନ୍ଦ୍ର ଜାଡେଜା, ଧ୍ରୁବ ଜୁରେଲ, କେଏସ୍ ଭରତ, ରବିଚନ୍ଦ୍ରନ ଅଶ୍ୱିନ, କୁଲଦୀପ ଯାଦବ, ମହମ୍ମଦ ସୁରଜ, ମୁକେଶ କୁମାର।
🚨 NEWS 🚨
Jasprit Bumrah released from squad for 4th Test.
Details 🔽 #TeamIndia | #INDvENG | @IDFCFIRSTBank https://t.co/0rjEtHJ3rH pic.twitter.com/C5PcZLHhkY
— BCCI (@BCCI) February 20, 2024
