ଧନ୍ୟ ତୁମେ ଦୁଷ୍ଟ ପାକିସ୍ତାନବାସୀ: ଅନ୍ଧାରରେ ଏକୁଟିଆ ଯାଉଥିବା ମହିଳାଙ୍କୁ ଏମିତି ଦେଉଛ ମାଆର ସମ୍ମାନ, ଦେଖନ୍ତୁ Video
ନୂଆଦିଲ୍ଲୀ: ଆଜି ବି ମହିଳାମାନେ ସମ୍ପୂର୍ଣ୍ଣ ସୁରକ୍ଷିତ ନୁହନ୍ତି । ବିଶେଷ କରି ରାତ୍ରିର ଅନ୍ଧକାରରେ ମହିଳାମାନେ ଏକୁଟିଆ ଯିବା କେତେ ବିପଜ୍ଜନକ ତାହା ଜଣେ ଭୁକ୍ତଭୋଗୀ ହିଁ କହିପାରିବ । ତେବେ ଏପରି ଏକ ଲଜ୍ଜାନକ ଘଟଣା ପାକିସ୍ତାନରେ ଦେଖିବାକୁ ମିଳିଛି । ଏକୁଟିଆ ଯାଉଥିବା ଜଣେ ମହିଳାଙ୍କୁ ସାମ୍ନାରେ ପାଇ ଜଣେ ଯୁବକ ମନରେ ଦୁଷ୍ଟ ବୁଦ୍ଧି ପଶିଥିଲା । ଉକ୍ତ ଯୁବକଙ୍କର କାରନାମା ସିସିଟିଭି କ୍ୟାମେରାରେ କଏଦ ହୋଇଯାଇଛି ।
ଭିଡିଓରେ ଦେଖାଯାଉଛି, ଜଣେ ମୁସଲିମ୍ ମହିଳା ବୁର୍ଖା ପିନ୍ଧି ଅନ୍ଧାର ରାତିରେ ଏକୁଟିଆ ଯାଉଥିଲେ । ଏହି ସମୟରେ ନିଚ ପ୍ରକୃତିର ଜଣେ ଯୁବକ ମହିଳାଙ୍କ ପଛପଟୁ ଆସି ହଠାତ୍ ଜାବୁଡ଼ି ଧରି ପକାଇଥିଲା । ଏହାପରେ ମହିଳା ଜଣଙ୍କ ପ୍ରତିରୋଧ କରିବାରୁ ସଙ୍ଗେସଙ୍ଗେ ଉକ୍ତ କାମନାଧାରୀ ଯୁବକଟି ଘଟଣାସ୍ଥଳରୁ ଫେରାର ହୋଇଯାଇଥିଲା । ତେବେ ବର୍ତ୍ତମାନ ସୁଦ୍ଧା ଉକ୍ତ ଯୁବକଙ୍କୁ ଠାବ କରିବା ସମ୍ଭବ ହୋଇ ପାରିନାହିଁ ।
ଦିନକୁ ଦିନ ପାକିସ୍ତାନରେ ମହିଳାଙ୍କୁ ଛେଡ଼ଖାନୀ କରାଯିବା ମାମଲା ବଢ଼ିବାରେ ଲାଗିଛି । ଘଟଣାଟି ଇସଲାମାବାଦର ୧-୧୦ ସେକ୍ଟରରେ ଘଟିଛି । ଜଣେ ବରିଷ୍ଠ ପତ୍ରକାର ଏହି ଭିଡିଓଟିକୁ ଟ୍ୱିଟରରେ ଶେୟାର କରିଥିଲେ । ଆମର ଝିଅ ଓ ଭଉଣୀଙ୍କ ସୁରକ୍ଷା ପାଇଁ ଆମେ ଏହି ଦୁଷ୍ଟ ଯୁବକଙ୍କୁ ଖୋଜିବାକୁ ପଡ଼ିବ । ନଚେତ୍ ଆଗାମୀ ଦିନରେ ଆମ ଘର ସାମ୍ନାରେ ଏହିପରି ଘଟଣା ସବୁ ଘଟିବ ବୋଲି ସାମ୍ବାଦିକ ଜଣଙ୍କ ଉଲ୍ଲେଖ କରିଛନ୍ତି । ଏହି ମାମଲାର ତଦନ୍ତ ଜାରି ରହିଥିବା ପୋଲିସ ପକ୍ଷରୁ କୁହାଯାଇଛି ।
یہ تصویر سب مردوں کے لئے ایک چیلنج ہے ہمیں اپنی ماؤں، بہنوں اور بیٹیوں کی عزت کی خاطر اس شخص کو ڈھونڈ کر عبرت کی مثال بنانا چاہئیے ورنہ کل کو یہی واقعہ آپکے گھر کے سامنے بھی ہو سکتا ہے @ICT_Police https://t.co/NQOAHECsK8
— Hamid Mir (@HamidMirPAK) July 18, 2022
