ସ୍ତ୍ରୀକୁ ହତ୍ୟା ଅଭିଯୋଗରେ ୧୮ ମାସ ହେଲା ଜେଲରେ ସ୍ୱାମୀ, ହଠାତ୍ ଜୀବନ୍ତ ଫେରି ଆସିଲା ସ୍ତ୍ରୀ

ବେଙ୍ଗାଲୁରୁ: ଏକ ରୋଚକ ଘଟଣା। ଜଣେ ସ୍ୱାମୀ ତାଙ୍କ ସ୍ତ୍ରୀଙ୍କୁ ହତ୍ୟା କରିଥିବା ନେଇ ଅଭିଯୋଗ ହୋଇଥିଲା। ଆଉ ସେହି ଅଭିଯୋଗରେ ସ୍ୱାମୀ ଜଣଙ୍କୁ ଗିରଫ କରାଯାଇଥିଲା। ଆଉ ଆରେଷ୍ଟ ହୋଇ ସ୍ୱାମୀ ଜଣକ ପାଖାପାଖି ୧୮ ମାସ ହେଲା ଜେଲ ଚାରିକାନ୍ଥ ଭିତରେ ସଜା ଭୋଗୁଛନ୍ତି।

ହେଲେ ଘଟଣା ଘଟିବାର ଦୀର୍ଘ ୧୮ ମାସ ପରେ ଏବେ ଜୀବିତ ଫେରି ଆସିଛନ୍ତି ମୃତ ମହିଳା। ଯାହାପରେ ଦ୍ୱନ୍ଦ୍ୱ ବଢ଼ିବା ସହ ମାମଲା ଯାଇ କୋର୍ଟରେ ପହଞ୍ଚିଛି। ଆଉ କୋର୍ଟ ପୋଲିସକୁ ଏକ ସମ୍ପୂର୍ଣ୍ଣ ରିପୋର୍ଟ ଦାଖଲ କରିବାକୁ ନିର୍ଦ୍ଦେଶ ଦେଇଛନ୍ତି।

ସ୍ୱାମୀକୁ ଜେଲ୍: ତେବେ ଏପରି ଏକ ରୋଚକ ଘଟଣା ଦେଖିବାକୁ ମିଳିଛି ବେଙ୍ଗାଲୁରୁର ମୈସୁର ସହରରେ। ଯେଉଁଠାରେ ୨୦୨୦ ମସିହାରେ ସୁରେଶ ନାମକ ଜଣେ ୩୮ ବର୍ଷୀୟ ପିଲାକୁ ଗିରଫ କରିଥିଲା ପୋଲିସ।

ଆଉ ଅଭିଯୋଗ ଥିଲା କି ସୁରେଶ ତାଙ୍କ ନିଜ ସ୍ତ୍ରୀ ମଲ୍ଲିଗେକୁ ହତ୍ୟା କରିଥିଲା। ଆଉ ଯାହାର କଙ୍କାଳକୁ ପୋଲିସ ଜବତ କରିଥିଲା। ପରେ ଅଭିଯୁକ୍ତ ସ୍ୱାମୀକୁ ଗିରଫ କରିଥିଲା। ଆଉ ମାମଲା ବନ୍ଦ କରିଦେଇଥିଲା।

ଜୀବିତ ଫେରିଲେ ସ୍ତ୍ରୀ: ହେଲେ ଏହି ଘଟଣାକୁ ପାଖାପାଖି ୧୮ ମାସ ପୁରିଲାଣି। ଆଉ ସେବେଠାରୁ ଜେଲର ଚାରିକାନ୍ଥ ଭିତରେ କଏଦୀର ଜୀବନ ବିତାଉଛନ୍ତି ସୁରେଶ। ହେଲେ ହଠାତ୍ ଜୀବିତ ଫେରି ଆସିଲେ ସ୍ତ୍ରୀ।

ଆଉ ସେହିଁ ତାଙ୍କ ସ୍ତ୍ରୀ ବୋଲି ଦାବି କଲେ। କଥା ଯାଇ ପହଞ୍ଚିଲା କୋର୍ଟରେ। କୋର୍ଟରେ ସବୁ କଥାକୁ ବିଚାର କରାଗଲା। ଆଉ ପୋଲିସର ତ୍ରୁଟି ଯୋଗୁଁ ଏପରି ହୋଇଛି ବୋଲି ଅଭିଯୋଗ ହେଲା। ଆଉ ପୋଲିସକୁ ଏପ୍ରିଲ ୧୭ ପୂର୍ବରୁ ଏକ ସମ୍ପୂର୍ଣ୍ଣ ରିପୋର୍ଟ ଦାଖଲ କରିବାକୁ ନିର୍ଦ୍ଦେଶ ଦେଲେ ମୈସୁର କୋର୍ଟ।

କ’ଣ ଥିଲା ସମ୍ପୂର୍ଣ୍ଣ ଘଟଣା: ତେବେ ସମ୍ପୂର୍ଣ୍ଣ ଘଟଣା ହେଉଛି ଡିସେମ୍ବର ୨୦୨୦ରେ, ସୁରେଶ ଏକ ପୋଲିସ ଅଭିଯୋଗ ଦାଖଲ କରିଥିଲେ ଯେ ତାଙ୍କ ପତ୍ନୀ ମଲ୍ଲିଗେ କୋଡାଗୁ ଜିଲ୍ଲାର କୁଶଲନଗରରୁ କୁଆଡ଼େ ନିଖୋଜ ହୋଇଯାଇଛନ୍ତି।

ପରେ ପୋଲିସ ତଦନ୍ତ କରିବା ସମୟରେ, ବେଟ୍ଟାଦରାପୁରାରେ ଜଣେ ମହିଳାଙ୍କ କଙ୍କାଳ ପାଇଲା ଏବଂ ଅଭିଯୋଗ କଲା ଯେ ଏହା ମଲ୍ଲିଗେଙ୍କର ଏବଂ ସୁରେଶ ତାଙ୍କୁ ହତ୍ୟା କରିଛି। ଆଉ ଏହି ହତ୍ୟା ଅଭିଯୋଗରେ ସୁରେଶଙ୍କୁ ଜେଲ ହୋଇଗଲା।

କିପରି ଫେରିଲେ ମହିଳା: ହେଲେ ୧ ଏପ୍ରିଲ୍ ୨୦୨୫ରେ, ସୁରେଶଙ୍କ ଜଣେ ବନ୍ଧୁ ମାଦିକେରିରେ ଅନ୍ୟ ଜଣେ ପୁରୁଷ ସହିତ ମାଲିଗେଙ୍କୁ ଏକ ହୋଟେଲରେ ଖାଉଥିବାର ଦେଖିବାକୁ ପାଇଥିଲେ।

ପରେ ତାଙ୍କୁ ମାଦିକେରୀ ପୋଲିସ ଷ୍ଟେସନକୁ ନିଆଯାଇଥିଲା। ମାମଲାଟି କୋର୍ଟର ଦୃଷ୍ଟିକୁ ଅଣାଯାଇଥିଲା। କୋର୍ଟ ତାଙ୍କୁ କୋର୍ଟରେ ହାଜର କରିବାକୁ ପୋଲିସକୁ କହିଥିଲେ। କୋର୍ଟ ସମ୍ମୁଖରେ, ମାଲିଗେ ସ୍ୱୀକାର କରିଥିଲେ ଯେ ସେ ପଳାଇଯାଇ ଅନ୍ୟ ଜଣେ ପୁରୁଷଙ୍କୁ ବିବାହ କରିଥିଲେ।

ସେ ମାଡିକେରୀରୁ ମାତ୍ର ୨୫-୩୦ କିଲୋମିଟର ଦୂର ଶେଟ୍ଟିହାଲ୍ଲି ନାମକ ଏକ ଗାଁରେ ତାଙ୍କ ନୂତନ ସାଥୀଙ୍କ ସହିତ ରହୁଥିଲେ। ତାଙ୍କ କହିବା ଅନୁଯାୟୀ, ସେ କେବେ ଜାଣି ନଥିଲେ ଯେ ସୁରେଶଙ୍କୁ ତାଙ୍କ ହତ୍ୟା ପାଇଁ ଗିରଫ କରାଯାଇଛି।

ପରେ ଏହି ମାମଲାରେ ଡିଏନଏ ମ୍ୟାଚ୍ କରାଯାଇଥିଲା। ଆଉ ସୁରେଶକୁ ଜାମିନ ମିଳିଥିଲା। ପୋଲିସ ତଦନ୍ତରେ ଗୁରୁତର ତ୍ରୁଟି ଥିବା ଅଭିଯୋଗ କରି କୋର୍ଟ ସମ୍ପୃକ୍ତ ପୋଲିସ ଅଧୀକ୍ଷକ (ଏସପି)ଙ୍କୁ ମାମଲା ସମ୍ପର୍କରେ ଏପ୍ରିଲ ୧୭ ପୂର୍ବରୁ ଏକ ସମ୍ପୂର୍ଣ୍ଣ ରିପୋର୍ଟ ଦାଖଲ କରିବାକୁ ନିର୍ଦ୍ଦେଶ ଦେଇଛନ୍ତି।