(Video) ମନ କିଣିନେଲେ ମନୁ ଭାକର… ‘Kala Chashma’ ଗୀତରେ କାଂସ୍ୟ ବିଜୟୀନୀଙ୍କ ଠୁମକା…

ନୂଆଦିଲ୍ଲୀ: ଅଲିମ୍ପିକ୍ସରେ ୨ଟି ବ୍ରୋଞ୍ଜ ପଦକ ହାସଲ କରି ଭାରତ ପାଇଁ ଗୌରବ ଆଣିଛନ୍ତି ଶୁଟର୍ ମନୁ ଭାକର । ଫ୍ୟାରିସ୍ ଅଲିମ୍ପିକ୍ସ ପରେ ସାରା ଭାରତ ପାଇଁ ସେ ପାଲଟିଛନ୍ତି ଗେହ୍ଲାଝିଅ । ପ୍ୟାରିସରେ ଶୁଟିଙ୍ଗର କମାଲ ଦେଖାଇ ବ୍ରୋଞ୍ଜ ପଦକ ଜିତିଥିବା ବେଳେ ଏବେ ଭାରତରେ ସେ ତାଙ୍କର ଆଉ ଏକ ଟାଲେଣ୍ଟ ଦେଖାଇଛନ୍ତି । ଏକ ସ୍କୁଲ ଫଙ୍କସନରେ ମନୁ ଭାକରଙ୍କ ଡାନ୍ସର ଜଲୱା ଏବେ ସୋସିଆଲ ମିଡିଆରେ ଭାଇରାଲ ହେଉଛି । ଶୁଟିଙ୍ଗ ସାଙ୍ଗକୁ ଏବେ ମନୁଙ୍କ ଡାନ୍ସର ମଧ୍ୟ ଦିୱାନା ପାଲଟିଯାଇଛି ସାରା ଭାରତର କ୍ରୀଡ଼ା ଜଗତ ।

ପ୍ୟାରିସ ଅଲିମ୍ପକ୍ସ ବିଜୟ ପରେ ମନୁ ଭାକରଙ୍କୁ ନେଇ ଏବେ ସବୁଠି ଚର୍ଚ୍ଚା । ତାମିଲନାଡୁର ଏକ ସ୍କୁଲରେ ଆୟୋଜିତ କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବରେ ସାମିଲ ହୋଇଛନ୍ତି ଭାରତର କାଂସ୍ୟ ବିଜୟୀନୀ ମନୁ ଭାକର । ତେବେ କାର୍ଯ୍ୟକ୍ରମରେ ଦେଖିବାକୁ ମିଳିଛି ମନୁ ଭାକରଙ୍କ ଡାନ୍ସର ଝଲକ୍ । ବଲିଉଡର ସୁପରହିଟ୍ ଗୀତ ‘କାଲା ଚଷମା…’ରେ ମନୁ ଭାକର ଠୁମକା ଲଗାଇ ସମସ୍ତଙ୍କ ହୃଦୟ ଜିତି ନେଇଛନ୍ତି । ପ୍ୟାରିସରୁ ଶୁଟିଙ୍ଗ ଷ୍ଟାଇଲରେ ସମସ୍ତଙ୍କ ଦିୱାନା ବନେଇଥିବା ମନୁ ଭାକର ଆଜି ସାରା ଭାରତକୁ ନିଜ ଡାନ୍ସରେ ଦିୱାନା ବନେଇ ଦେଇଛନ୍ତି ।

ଏହି କାର୍ଯ୍ୟକ୍ରମରେ ସୁପରହିଟ୍ ପଞ୍ଜାବୀ ଗୀତ ‘ତେନୁ କାଲା ଚଷମା ଜଚଦା ହେ, ଜଚଦା ହେ ଗୋରେ ମୁଖଡ଼େ ପେ…’ ସ୍କୁଲ ଚାତ୍ରଛାତ୍ରୀ ଡାନ୍ସ କରୁଥିଲେ । ଏହାପରେ ପିଲାଙ୍କ ସହ କାଂସ୍ୟ ବିଜୟୀନୀ ମନୁ ଭାକର ମଧ୍ୟ ନିଜକୁ ରୋକି ପାରିନାହାନ୍ତି, ସ୍କୁଲ ପିଲାଙ୍କ ସହ ମିଶି ଏହି ଗୀତରେ ଠୁମକା ଲଗାଇଛନ୍ତି ମନୁ । ଏହି ଗୀତରେ ମନୁଙ୍କ ଡାନ୍ସ ଷ୍ଟେପ୍ସ ସମସ୍ତଙ୍କ ମନ କିଣି ନେଇଛି ।

Manu Bhaker Dancing on "Kala Chasma " 😎 song in a recent School Cultural Programme..

The Olympics champion 🏆 #ManuBhaker #Olympics @ManuBhaker01 pic.twitter.com/Spjzp1OWYm

— Randhir Mishra 🇮🇳 (@randhirmishra96) August 20, 2024

ମନୁ ଭାକରଙ୍କ ଡାନ୍ସ ଭିଡିଓ ବର୍ତ୍ତମାନ ସୋସିଆଲ ମିଡିଆରେ ଖୁବ ଭାଇରାଲ ହେବାରେ ଲାଗିଛି । ମନୁ ଭାକରଙ୍କ ଡାନ୍ସ ଦେଖି ଅନେକ ୟୁଜର ଭିନ୍ନ ଭିନ୍ନ କମେଣ୍ଟ କରିଛନ୍ତି । ସମସ୍ତ ୟୁଜର ବର୍ତ୍ତମାନ ମନୁଙ୍କ ଡାନ୍ସିଙ୍ଗ ଟାଲେଣ୍ଟର ପ୍ରଶଂସା କରୁଥିବାର ଦେଖାଯାଇଛି । ସୂଚନା ଥାଉ କି, ସ୍କୁଲର ଏହି କାର୍ଯ୍ୟକ୍ରମରେ ଅଲିମ୍ପିକ୍ସ କ୍ରୀଡ଼ାରେ ପଦକ ହାସଲ କରିଥିବା ଖେଳାଳିମାନଙ୍କୁ ସମ୍ମାନିତ କରାଯାଇଛି । ୨୦୩୨ ମସିହା ଅଲିମ୍ପିକ୍ସରେ ଭାରତକୁ ଅଧିକ ପଦକ ବିଜୟୀ ହେବା ପାଇଁ ପ୍ରେତ୍ସାହନ କରିବା ଏହି କାର୍ଯ୍ୟକ୍ରମର ପ୍ରମୁଖ ଉଦ୍ଦେଶ୍ୟ ରହିଥିଲା ।

When asked Olympian Manu Bhaker about :

Mahabalipuram ❌
Meenakshi Temple ❌
CM Stalin ❌

Praggnanandhaa ✅
Thalapathy Vijay ✅#Vijay #Thalapathy #ManuBhaker #Velammal #Praggnanandhaa pic.twitter.com/ZkrdurBOFk

— Joshva Daniel (JD) ⭐ (@JoshvaDaniel_JD) August 20, 2024