କେନ୍ଦ୍ର ସରକାରଙ୍କୁ ଚିଠି ଲେଖିଲେ ମାଓବାଦୀ, କହିଲେ ଶାନ୍ତି ଆଲୋଚନା ପାଇଁ ପ୍ରସ୍ତୁତ…

ହାଇଦ୍ରାବାଦ: ହଠାତ୍ ବଦଳିଗଲା ମାଓବାଦୀଙ୍କ ସ୍ୱର । ଯେଉଁମାନେ ସରକାରଙ୍କ ବିରୋଧରେ ସଂଗ୍ରାମ ଆରମ୍ଭ କରିଥିଲେ, ସେମାନେ ଏବେ ଶାନ୍ତି ଆଲୋଚନା ପାଇଁ ଚିଠି ଲେଖିଛନ୍ତି ।

କେନ୍ଦ୍ର ସରକାରଙ୍କ ସହ ଶାନ୍ତି ଆଲୋଚନା ପାଇଁ ଚିଠି ଲେଖିଛି ମାଓବାଦୀ ସଙ୍ଗଠନ । ସେଣ୍ଟ୍ରାଲ କମିଟି ଅଫ ଦ କମ୍ୟୁନିଷ୍ଟ ପାର୍ଟି ଅଫ୍ ଇଣ୍ଡିଆ (ସିପିଆଇ) ମାଓବାଦୀ ନାମରେ ଏ ଚିଠି ରିଲିଜ କରାଯାଇଛି ।

ମାଓବାଦୀଙ୍କ ମୁଖପାତ୍ର ଅଭୟ ଏହି ଚିଠି ରିଲିଜ କରିଛନ୍ତି । ନକ୍ସଲ ପ୍ରବଣ ଇଲାକା ଛତିଶଗଡ଼, ଓଡ଼ିଶା, ମଧ୍ୟପ୍ରଦେଶ, ତେଲଙ୍ଗାନା, ଝାରଖଣ୍ଡ ଏବଂ ମହାରାଷ୍ଟ୍ରରେ ଯବନଙ୍କ ଦ୍ୱାରା ଚାଲିଥିବା ଫାୟାରିଂ ଅପରେଶନକୁ ରୋକିବା ପାଇଁ ଚିଠିରେ ଉଲ୍ଲେଖ କରାଯାଇଛି ।

ସେମାନେ ଗୁଣିଗୋଳା ନ ଫୁଟାଇ ସକାରାତ୍ମକ ବାତାବରଣ ତିଆରି କରିବା ପାଇଁ ଶାନ୍ତି ଆଲୋଚନା ଚାହୁଁଥିବା କହିଛନ୍ତି । ଉଭୟ କେନ୍ଦ୍ର ଓ ରାଜ୍ୟ ସରକାରଙ୍କ ସହ ଶାନ୍ତି ଆଲୋଚନା ପାଇଁ ପ୍ରସ୍ତୁତ ଥିବା ଚିଠି ଜରିଆରେ ମାଓବାଦୀ ପାଇଁ ଜଣାଇଛନ୍ତି ।

ଛତିଶଗଡ଼, ଓଡ଼ିଶା ପ୍ରାନ୍ତ ସମେତ ଅନ୍ୟ ମାଓପ୍ରବଣ ଇଲାକାରୁ ଶତାଧିକ ମାଓବାଦୀ ନିହତ ହୋଇସାରିଥିବାବେଳେ ଅନେକ ଆତ୍ମସମର୍ପଣ କରିସାରିଛନ୍ତି । ଯାହାଫଳରେ ମାଓ ସଂଗଠନ ଏବେ ଦୁର୍ବଳ ହେବାରେ ଲାଗିଛି ।

ଏହି କାରଣ ହେତୁ ମାଓବାଦୀମାନେ ସରକାରଙ୍କ ସହ ଶାନ୍ତି ଆଲୋଚନା କରିବାକୁ ଚାହୁଁଥିବା ଅନୁମାନ କରାଯାଉଛି ।