ପଞ୍ଚମ ମରାଠା ଟ୍ରଫି ଫ୍ଲଡ୍ ଲାଇଟ୍ ଫୁଟବଲ ଟୁର୍ଣ୍ଣାମେଣ୍ଟ ଉଦଘାଟିତ

ଭଞ୍ଜନଗର:୫ମ ମରାଠା ଟ୍ରଫି ଫ୍ଲଡ୍ ଲାଇଟ୍ ଫୁଟବଲ ଟୁର୍ଣ୍ଣାମେଣ୍ଟ ଉଦଘାଟିତ ହୋଇଯାଇଛି। ଉଦଘାଟନୀ ମ୍ୟାଚରେ ଗୁରୁବା ଏଫ୍ ସି ଭଞ୍ଜନଗର ଫୁଲବାଣୀ ଜେଡି କ୍ଳବକୁ ପେନାଲଟିକ୍ ସୁଟ୍ ଆଉଟରେ ୪-୧ ଗୋଲ ବ୍ୟବଧାନରେ ପରାଜିତ କରି ବିଜୟ ଅଭିଯାନ ଆରମ୍ଭ କରିଛି। ମ୍ୟାଚରେ ମୁଖ୍ୟ ଅତିଥି ଭାବେ ସ୍ଥାନୀୟ ୮ମ ଆଇଆରବି ବାଟାଲିୟନର କମାଣ୍ଡେଣ୍ଟ ସୁଧାକର ମିଶ୍ର ଓ ଭଞ୍ଜନଗର ଏସଡିପିଓ ସୁଜିତ କୁମାର ନାୟକ ଯୋଗଦେଇ ଖେଳାଳି ମାନଙ୍କୁ ଉତ୍ସାହିତ କରିଥିଲେ। ମରାଠା ଟ୍ରଫି ଟୁର୍ଣ୍ଣାମେଣ୍ଟର ସଭାପତି ଡି.ରଞ୍ଜିତ କୁମାର ଦାସ ଓ ଅନ୍ୟମାନେ ଅତିଥି ମାନଙ୍କୁ ଖେଳାଳୀ ମାନଙ୍କ ସହ ପରିଚୟ କରାଇଥିଲେ।
ସହରରେ ପ୍ରଥମ ଥର ପାଇଁ ଏଭଳି ଫ୍ଲଡ୍ ଲାଇଟ୍ ଫୁଟବଲ ଟୁର୍ଣ୍ଣାମେଣ୍ଟ ଆୟୋଜିତ ହେଉଥିବାରୁ ଏହାକୁ ଦେଖିବାକୁ ପଡିଆରେ ପ୍ରବଳ ଭିଡ ଦେଖିବାକୁ ମିଳିଥିଲା। ମ୍ୟାନ ଅଫ୍ ଦ ମ୍ୟାଚ ଭାବେ ଗୁରୁବା ଏଫ୍ ସି ର ଗୋଲ କିପର ଜିତନ୍ ପୁରସ୍କୃତ ହୋଇଛନ୍ତି।