ଆସିଗଲା ମୋଦୀ ସରକାରଙ୍କ ନୂଆ ଯୋଜନା, ଏଣିକି ବିବାହିତ ଦମ୍ପତିମାନେ ପ୍ରତିମାସରେ ପାଇବେ ଟଙ୍କା!
ନୂଆଦିଲ୍ଲୀ: କେନ୍ଦ୍ର ସରକାର ଏକ ସ୍ୱତନ୍ତ୍ର ଯୋଜନା ଚଳାଉଛନ୍ତି, ଯେଉଁଥିରେ ବିବାହିତ ଦମ୍ପତିଙ୍କୁ ପ୍ରତିମାସରେ ୧୮,୫୦୦ ଟଙ୍କା ପାଇବେ । ଯଦି ଆପଣ ମଧ୍ୟ ପ୍ରତି ମାସରେ ଅଧିକ ରୋଜଗାର କରିବାକୁ ଏକ ବିକଳ୍ପ (ପେନସନ୍ ସ୍କିମ୍) ଖୋଜୁଛନ୍ତି, ତେବେ Pradhan Mantri Vaya Vandana Yojana (PMVVY Scheme) ଆପଣଙ୍କ ପାଇଁ ଅତ୍ୟନ୍ତ ଲାଭଦାୟକ ପ୍ରମାଣିତ ହେବ । ଏହି ଯୋଜନାରେ ଆବେଦନ କରିବାକୁ ଆପଣଙ୍କର ପାଖରେ ଆଉ ୨ ଦିନ ସମୟ ଅଛି । ଆପଣ କିପରି ପ୍ରତିମାସରେ ସରକାରଙ୍କଠାରୁ ଟଙ୍କା ନେଇପାରିବେ , ଆସନ୍ତୁ ଜାଣିବା ।
ଆପଣ ୩୦ ଏପ୍ରିଲ ପର୍ଯ୍ୟନ୍ତ ଆବେଦନ କରିପାରିବେ :-
ଆପଣ Pradhan Mantri Vaya Vandana Yojanaରେ ଏଲଆଇସି ମାଧ୍ୟମରେ ଆବେଦନ କରିପାରିବେ । ଏଥିରେ ଆବେଦନ କରିବାର ଶେଷ ତାରିଖ ହେଉଛି ୩୦ ଏପ୍ରିଲ ୨୦୨୩ । ତେଣୁ ବର୍ତ୍ତମାନ ଆପଣଙ୍କୁ ଆବେଦନ କରିବାର ସୁଯୋଗ ରହିଛି ।
ଆପଣ ନିଜ ଆବଶ୍ୟକତା ଅନୁଯାୟୀ ପେନସନ୍ ନେଇପାରିବେ :-
ପ୍ରଧାନମନ୍ତ୍ରୀ ପିଏମ ବୟ ବନ୍ଦନା ଯୋଜନାରେ ହିତାଧିକାରୀମାନେ ମାସକୁ ୧୦୦୦ ରୁ ୯୨୫୦ ଟଙ୍କା ପର୍ଯ୍ୟନ୍ତ ପେନସନର ସୁବିଧା ପାଆନ୍ତି । ଏହା ସହିତ ଆପଣ ୭.୪୦ ପ୍ରତିଶତ ହାରରେ ସୁଧର ଲାଭ ମଧ୍ୟ ପାଇପାରିବେ । ବୃଦ୍ଧମାନଙ୍କୁ ସେମାନଙ୍କର ଆବଶ୍ୟକତା ଅନୁଯାୟୀ ଆଗାମୀ ୧୦ ବର୍ଷ ପାଇଁ ପେନସନ୍ ଦିଆଯାଏ । ଆପଣ ନିଜ ଇଚ୍ଛା ଅନୁଯାୟୀ ମାସିକ, ତ୍ରୈମାସିକ, ବାର୍ଷିକ ଏବଂ ୬ ମାସ ଆଧାରରେ ପେନସନ୍ ପାଇପାରିବେ ।
୧୮୫୦୦ ଟଙ୍କା କିପରି ପାଇବେ?
ଯଦି ଉଭୟ ସ୍ୱାମୀ-ସ୍ତ୍ରୀ ଏକତ୍ର ଏଥିରେ ଆକାଉଣ୍ଟ ଖୋଲନ୍ତି, ତେବେ ୯୨୫୦ ଟଙ୍କା ଆଧାରରେ, ଆପଣ ୧୮୫୦୦ ଟଙ୍କା ର ସମ୍ପୂର୍ଣ୍ଣ ଲାଭ ପାଇବେ । ଅର୍ଥାତ୍ ଆପଣ ଦୁଇଥର ପେନସନର ସୁବିଧା ପାଇବେ ।
ମିଳିବ ପେନସନର ଫାଇଦା :-
ଏହି ଯୋଜନାରେ ଆପଣଙ୍କର ନିବେଶ ୧୦ ବର୍ଷ ପାଇଁ ରହିବ । ଆପଣଙ୍କୁ ୧୦ ବର୍ଷ ପାଇଁ ବାର୍ଷିକ କିମ୍ବା ମାସିକ ପେନସନ୍ ଦିଆଯିବ । ଯଦି ଆପଣ ଏହି ଯୋଜନାରେ ୧୦ ବର୍ଷ ରହିଛନ୍ତି, ତେବେ ୧୦ ବର୍ଷ ପରେ ଆପଣଙ୍କ ନିବେଶ ଆପଣଙ୍କୁ ଫେରାଇ ଦିଆଯିବ । ଆପଣ ଯେକୌଣସି ସମୟରେ ଏହି ଯୋଜନାରେ ସରେଣ୍ଡର କରିପାରିବେ ।
ପେନସନ୍ କିଏ ନେଇପାରିବ?
Pradhan Mantri Vaya Vandana Yojana ହେଉଛି ଏକ ସାମାଜିକ ସୁରକ୍ଷା ଯୋଜନା, ଯେଉଁଥିରେ ଆବେଦନକାରୀଙ୍କୁ ବାର୍ଷିକ, ତ୍ରୈମାସିକ କିମ୍ବା ମାସିକ ପେନସନ୍ ପ୍ରଦାନ କରିବାର ବ୍ୟବସ୍ଥା ରହିଛି । ଭାରତ ସରକାର ଏହି ଯୋଜନା ଆଣିଛନ୍ତି ଏବଂ ଏହି ଯୋଜନା ଲାଇଫ ଇନସୁରାନ୍ସ କର୍ପୋରେସନ୍ ଅଫ୍ ଇଣ୍ଡିଆ (ଏଆଇସି) ଦ୍ୱାରା ପରିଚାଳିତ ହେଉଛି । ୬୦ ବର୍ଷ କିମ୍ବା ତଦୁର୍ଦ୍ଧ୍ୱ ବ୍ୟକ୍ତି ଏହି ଯୋଜନା ପାଇଁ ଯୋଗ୍ୟ ଅଟନ୍ତି । ଏହି ଯୋଜନା ଅଧୀନରେ ସେମାନେ ସର୍ବାଧିକ ୧୫ ଲକ୍ଷ ଟଙ୍କା ନିବେଶ କରିପାରିବେ ।
