ପୁଣି ମାତିଲେ ମାଓବାଦୀ: ରାସ୍ତା ନିର୍ମାଣକୁ ବିରୋଧ କରି ବସ୍ ଜାଳିଦେଲେ
ମାଲକାନଗିରି(ଓଡ଼ିଶା ଭାସ୍କର): ସୀମାନ୍ତରେ ପୁଣି ତାଣ୍ଡବ ରଚିଲେ ମାଓବାଦୀ । ମାଲକାନଗିରି ଛତିଶଗଡ ସିମାନ୍ତ ବିଜାପୁର ଜିଲ୍ଲାରେ ଅଜିନ ମାଓବାଦୀ ମାନେ ନିଜର ସ୍ତିତି ଜାହିର କରିବାକୁ ପୁଣି ହିଂସାକାଣ୍ଡ ଘଟାଇ ଛନ୍ତି । ରାସ୍ତା ନିର୍ମାଣ କାର୍ଯ୍ୟରେ ନିୟୋଜିତ ଥିବା ଦୁଇଟି ଟିପରକୁ ନିଆଁ ଲଗାଇ ପୋଡି ଦେଇଛନ୍ତି ଲାଲ୍ ବାହିନୀ । କାତୁରୁ ଥାନା ଅନ୍ତର୍ଗତ ବରଗାପଡା ଗାଁ ନିକଟରେ ରାସ୍ତା ନିର୍ମାଣ କାର୍ଯ୍ୟ ଚାଲିଥିବା ବେଳେ ଆଜି ସକାଳେ ୪୦ରୁ ୫୦ ଜଣ ସଶସ୍ତ୍ର ମାଓବାଦୀ ସେଠାରେ ପହଞ୍ଚି ଗାଡି ଦୁଇଟିରେ ନିଆଁ ଲଗାଇଦେଇଛନ୍ତି ।
ତା ସହିତ ରାସ୍ତା କାମ ବନ୍ଦ କରିବା ଲାଗି ଧମକ ଦେଇଛନ୍ତି । ତେବେ ଏହା ପରେ ଅଞ୍ଚଳରେ ଭୟର ବାତାବରଣ ଖେଳି ଯାଇଛି । ଉନ୍ନୟନ ମୂଳକ କାର୍ଯ କୁ ବିରୋଧ କରିବା ଓ ଲୋକଙ୍କ ମନରେ ଭୟ ସୃଷ୍ଟି କରିବା ପାଇଁ ମାଓବାଦୀ ମାନେ ଏଭଳି କାଣ୍ଡ ଘଟେଇ ଥିବା ବେଳେ ଏହାପରେ ପୋଲିସ ପକ୍ଷରୁ ଅଞ୍ଚଳରେ ସୁରକ୍ଷା ବ୍ୟବସ୍ତାକୁ କଡାକଡି କରାଯାଇଛି ।
