ଭାରତୀୟ କ୍ରିକେଟ୍ ଲାଗି ଏକ ଦୁଃଖଦ ଖବର , ହୃଦଘାତରେ ଆଖି ବୁଜିଲେ MCA ଅଧ୍ୟକ୍ଷ
ନୂଆଦିଲ୍ଲୀ: ଟି-୨୦ ୱାର୍ଲ୍ଡ କପ୍ ୨୦୨୪ରେ ରବିବାର ଭାରତୀୟ ଟିମ୍ ଓ ପାକିସ୍ତାନ ମଧ୍ୟରେ ବହୁତ ରୋମାଞ୍ଚକ ମ୍ୟାଚ୍ ଖେଳାଯାଇଥିଲା । ଏହି ମ୍ୟାଚ୍ରେ ରୋହିତ ଶର୍ମାଙ୍କ କ୍ୟାପଟେନସିପ୍ରେ ଭାରତୀୟ ଟିମ୍ ଦମଦାର ବିଜୟ ହାସଲ କରିଛି । କିନ୍ତୁ ଏହି ମୁକାବିଲା ମଧ୍ୟରେ ଭାରତୀୟ କ୍ରିକେଟ୍ ଲାଗି ଏକ ଦୁଃଖଦ ଖବର ସାମ୍ନାକୁ ଆସିଛି । ଏହି ମ୍ୟାଚ୍ ଦେଖିବା ଲାଗି ଆମେରିକାରେ ପହଞ୍ଚିଥିବା ମୁମ୍ବାଇ କ୍ରିକେଟ୍ ଆସୋସିଏସନ(ଏମସିଏ) ଅଧ୍ୟକ୍ଷ ଅମୋଲ କାଲେଙ୍କର ହୃଦଘାତରେ ଦେହାନ୍ତ ହୋଇଯାଇଛି । ସେ ଷ୍ଟାଡିୟମରେ ବସି ଏହି ମ୍ୟାଚ୍ ଦେଖୁଥିଲେ । ମ୍ୟାଚ୍ ସରିବା ପରେ ତାଙ୍କ ସ୍ୱାସ୍ଥ୍ୟ ଖରାପ ହୋଇଯାଇଥିଲା ଓ ହୃଦଘାତରେ ତାଙ୍କ ଦେହାନ୍ତ ହୋଇଯାଇଥିଲା ।
ଅମୋଲ କାଲେ ଦେବେନ୍ଦ୍ର ଫଡନବୀସଙ୍କ ନିକଟତର ଥିଲେ । ଅମୋଲ ଏମସିଏର ଅଧିକାରୀଙ୍କ ସହ ଭାରତ-ପାକିସ୍ତାନ ମ୍ୟାଚ୍ ଦେଖିବା ଲାଗି ନ୍ୟୁୟର୍କ ପହଞ୍ଚିଥିଲେ । ଏହି ମହାମୁକାବିଲା ନସାଉ କାଉଣ୍ଟୀ ଇଣ୍ଟରନ୍ୟାସନାଲ କ୍ରିକେଟ୍ ଷ୍ଟାଡିୟମରେ ଖେଳାଯାଇଥିଲା । ଏଠାରେ ସୂଚାଇ ଦିଆଯାଇପାରେ କି ଗତ ବର୍ଷ ଅମୋଲ ଏମସିଏ ଅଧ୍ୟକ୍ଷ ଭାବରେ ଦାୟିତ୍ୱ ନେଇଥିଲେ ।
