Breaking: ସାଂସଦଙ୍କ ଦରମା ବଢ଼ାଇଲେ କେନ୍ଦ୍ର ସରକାର, ୨୦୨୩ ଏପ୍ରିଲରୁ ପିଛିଲା ଭାବେ ହେବ ଲାଗୁ

ନୂଆଦିଲ୍ଲୀ: ସାଂସଦଙ୍କ ଦରମା ଓ ଭତ୍ତା ବୃଦ୍ଧି କଲେ କେନ୍ଦ୍ର ସରକାର । ସାଂସଦଙ୍କ ଦରମା ୨୪ ହଜାର ବଢ଼ାଗଲା ।

୧ ଲକ୍ଷ ଟଙ୍କା ପରିବର୍ତ୍ତେ ସାଂସଦମାନେ ପାଇବେ ୧ ଲକ୍ଷ ୨୪ ହଜାର ଟଙ୍କା ଦରମା । ସେହିପରି ସାଂସଦଙ୍କ ଦୈନିକ ଭତ୍ତା ୨ ହଜାରରୁ ୨୫୦୦କୁ ବଢ଼ାଇ ଦିଆଯାଇଛି ।

ପୂର୍ବ ସାଂସଦଙ୍କ ପେନସନ ମଧ୍ୟ ବଢ଼ିଛି । ପୂର୍ବରୁ ସେମାନେ ୨୫ ହଜାର ଟଙ୍କା ପେନସନ ବାବଦକୁ ପାଉଥିବାବେଳେ ଏବେ ସେମାନଙ୍କୁ ମିଳିବ ୩୧ ହଜାର ଟଙ୍କା ।

୨୦୨୩ ଏପ୍ରିଲ ୧ ତାରିଖରୁ ପିଛିଲା ଭାବେ ଲାଗୁ ହେବ ।

ଗତକାଲି କର୍ନାଟକ ସରକାର ମୁଖ୍ୟମନ୍ତ୍ରୀ, ମନ୍ତ୍ରୀ ଏବଂ ବିଧାୟକଙ୍କ ୧୦୦% ଦରମା ବୃଦ୍ଧି କରିବା ନେଇ ଘୋଷଣା କରିଥିଲେ ।