ମେହବୁବା ମୁଫ୍ତି ପୁଣି ଗୃହବନ୍ଦୀ, ନିଜେ ଟ୍ବିଟ୍ କରି ଦେଲେ ସୂଚନା
ନୂଆଦିଲ୍ଲୀ/ ଶ୍ରୀନଗର: ଜମ୍ମୁ କଶ୍ମୀରର ପୂର୍ବତନ ମୁଖ୍ୟମନ୍ତ୍ରୀ ତଥା ପିଡିି ଅଧ୍ୟକ୍ଷା ମେହବୁବା ମୁଫ୍ତି ପୁଣି ଥରେ ଗୃହବନ୍ଦୀ ହୋଇଛନ୍ତି । ତାଙ୍କୁ ଘରୁ ବାହାରିବା ପାଇଁ ବାରଣ କରାଯାଇଛି । ତ୍ରାଲ୍ ପୁଲୱାମାରେ ଏକ ପରିବାରକୁ ଭେଟିବାକୁ ଯିବା ପାଇଁ ମୁଫ୍ତି ଯୋଜନା କରିଥିଲେ । ତେବେ ଏଥିପୂର୍ବରୁ ତାଙ୍କୁ ଗୃହବନ୍ଦୀ କରାଯାଇଛି । ନିଜେ ମୁଫ୍ତି ଏନେଇ ଟ୍ୱିଟ୍ କରି ସୂଚନା ଦେଇଛନ୍ତି ।
Locked up in my house today yet again for attempting to visit the village in Tral allegedly ransacked by army. This is the real picture of Kashmir that visiting dignitaries must be shown instead of GOIs sanitised & guided picnic tours. pic.twitter.com/Hp9wcuw1qT
— Mehbooba Mufti (@MehboobaMufti) September 29, 2021
ସେ ଯେଉଁ ପରିବାରକୁ ଭେଟିବାକୁ ଯାଇଥାନ୍ତେ ସେହି ପରିବାରକୁ ସେନା ନିର୍ଯାତନା ଦେଇଥିବା ଅଭିଯୋଗ ହୋଇଥିଲା । ଗୃହବନ୍ଦୀ ହେବା ପରେ ମୁଫ୍ତି କହିଛନ୍ତି ଯେ, ଏକ ପରିବାରକୁ ସାକ୍ଷାତ୍ କରିବାକୁ ଚେଷ୍ଟା କରି ମୁଁ ପୁଣି ଥରେ ଗୃହବନ୍ଦୀ ହୋଇଛି । ଏହା ହେଉଛି କଶ୍ମୀରର ପ୍ରକୃତ ଚିତ୍ର । ଭାରତ ସରକାର ଘାଟିରେ ସ୍ଥିତି ସ୍ୱାଭାବିକ ଥିବା ନେଇ ଡିଣ୍ଡିମ ପିଟୁଥିବାବେଳେ ବାସ୍ତବ ସ୍ଥିତି କିନ୍ତୁ ଭିନ୍ନ ବୋଲି ସେ କହିଛନ୍ତି । ପୂର୍ବରୁ ମଧ୍ୟ ମୁଫ୍ତି ବହୁବାର କେନ୍ଦ୍ର ସରକାରଙ୍କୁ ଟାର୍ଗେଟ କରିଛନ୍ତି । ମଙ୍ଗଳବାର ସେ ଘାଟିରେ ସାମ୍ବାଦିକ ମାନଙ୍କୁ ଶୋଷଣ କରାଯାଉଥିବାର ଅଭିଯୋଗ ଆଣିଥିଲେ ।
